1 Timothy 1

Timothyda Paulna eba ahaanba laairik

Khurumjaba; chumdaba tambibagi marida mit-na shinghanba

1 Eikhoygi kanbiba mapu, Eeshorgi amasung eikhoygi khouraangna ningjaba Christa Jesusgi yaathang matung enna, Christa Jesusgi paakhon-chatpa Paulna thaajabagi marida achumba echaa  Timothyda: 

2 Epa Eeshordagi amasung eikhoygi Eeshor Christa Jesusdagi thoujaal, nungshiheiba, amasung engthaba leibisanu.

3 Eina Macedoniada chatlamdaaida nahaakpu thoujinkhibagumna, Ephesianda leibiyu Tongaanba waapaao tambidananaba,

4 Aduga ashemba waarishingda amasung aroiba naaidaba mihourol ayaambada pukning thingjindananaba kanaa kanaagumbada yaathang piyu. Maramdi asishingnadi thaajabada leiriba Eeshorgi sillaangba adu thok-hanba nattaduna hennadum hangdok hangjin touba thokhalli. 

5 Touegumsung yaathang adugi maheidi ashengba thamoidagi, aphaba achum-araan khangnaba pukningdagi amasung thajashinnadabadagi thokpa nungshibani;

6 Pumnamak asidagi mi kharana khanglei leithoktuna waaremda onsinkhi;

7 Makhoyna kari karigi haayba, nattraga kari karigi maramda aoiba oinaa haayba adu khangdraabasu, makhoyna waayen-gi ojaashing oining i. 

8 Touegumsung mina waayel yaathang adu chumna shijinnarabadi, aphabani haayba eikhoyna khang-e.

9 Eikhoyna asi khang-e, haaybadi, dharma chenba migi damak waayel yaathang shemba natte, adubu waayel yaathang endaba amasung machat naaidaba, Eeshor ningdaba amasung paap chenba, shengdaba amasung amaangba, mapaa mamaa haatpa amasung mihatpa,

10 Marumbi thamba, matao tounaba, mi huraanba, chinthiba, minamna waashakpa, makhoy asigidamakni,

11 Aduga bor pinaheiba Eeshorgi matik mangaangi aphaba waapaao eingonda shinnabiraba adugi matung enba achumba paaoutaakta atei kari karigunibana seraannahallabadi, asigi damaksu waayel yaathang shembani.

Eeshorgi thoujaalgi damak Paulna thaagatchaba

12 Eibu paanggal kalhanbiba, Christa Jesus eikhoygi Eeshorbu eina thaagatchei, maramdi thougan tounanaba Ebungngona eibu happiduna, thaajaba yaaba shingthaanabire.

13 Mamaangeida eina ebungngobu thina ngaangba, ot-neiba amasung ekaaiba khangdaba mi oirabasu, nungshibiba eina phangjei, maramdi thaajadaba phibamda khangdana eina madu touwi;

14 Aduga eikhoygi Eeshorgi thoujaal Christa Jesusda leiriba thaajabaga amasung nungshibaga loynanaa mapaal naaidana pinabi. 

15 Christa Jesusna paap chenbashingbu kanbinanaba taaibang-paanda lengbirakle haayba waa adu thaajaba yabani amasung khwaaina louba matik chaabani. Paap chenbashing adudagidi eina athoibani;

16 Adum oinamakpu loyba naaidana hingnaba ebungngobu thajarakadabashingda paandam oinabagi damak eingonda athoiba oinaa Christa Jesusna mahaakki kuina khangbiba pumnamak utpinanaba, maram asigi damak eina nungshibiba phangjare.

17 Houjik loyba naaidaba ningthou mangba leitba ubaa ngamdaba, amata ngaayba Eeshorda loyba naaidaba phaaoba ekaai-khumnaba amasung thaagatpa oisanu Amen.

18 Echaa  Timothy, nahaakki maramda haanna Eeshorgi waa takthok taakthokpa matung ennaa yaathang asi eina nangonda shinnari. Taakthokpa waa asina nahaak aphaba laan shoknaba adu thaajaba amasung aphaba achum aran khangnaba pukning paayduna shoknou;

19 Pukning asi kanaa kanaagumbana makhoydagi enthokkhiduna thaajabagi marida hi kaiba nangle;

20 Makhoygi marakta Humenaya amasung Aleksanderni; athiba waa haaydanaba makhoyna tamjananaba, eina makhoybu Satanda pithokle.