Isaiah 58

Achumba charahenb

1 Tapthaba leitana laaokhatlu, laaokhatlu pere khongbagi matougumna eigi mishingdu makhoygi paap mashing thijanaba kouro, kou Jacobki emung manungshingdusu thijannaba makhoygi ayon araanshingdu.

2 Numit khudinggi makhoyna eingondagi paaoutaak nijarabasu, eigi laambeldu mashak khangningi haayna chenjarabasu, achumba thabak toukhraba Jaatshinggumna oirabasu makhoygi laaishinggi niyamdu thaadokkhidaba mishinggi matougumna leirabasu, hangli makhoyna achumba aindu karino haayna, haayjari makhoyna changjabada Eeshorgi makada.

3 Ebungngo nahaakna ubidrabadi eikhoyna karigi chara hen-gadouribano? Nahaakna mityeng taabidrabadi karigidamak eikhoyna nollukchagadouribano? yeng-u, nakhoyna chara henba numitta nashaagi pamjaba pottudamak thi, ot-neibi nakhoygi thabak shubaa mishingdubu haayriba numitsida,

4 Yeng-u, nahaakna chara hellibadu khatna cheinaba thoknabani, numitsida nahaakna mishingbu kanna phui, asigumba chara mahensidi koirou thakta tabiroi. Tabiroi nahaakki yawaakhonjendu.

5 Eina toudaba yaade haaykhiba chara henbadu asigumbasira? Nollukna leigadabani haayna phongdokkhiba numittu asigumbasira? Shingnaanggi matougumna nakok thingattuna chara henba chingba yabra? een maanba phi amadi ut mathakta yahippasibu chara henba koubra? Masira nakhoyna chara henba numit Eeshorna yaamna pamjei haayribadu?

6 Nakhoygi naphamdagi eina paamba chara henbagi mawongdu asi nattra? araanba thaadokpa, potlumgi kisi thokpa, potpu oinaa nakhoyna thanghalibadu thaadokpa, ot-neibirabashingdu thaadokpiba nattra?

7 Lamlanbashingduda nakhoyna chagadaba pottu yennaduna chaaminnabadu chara henba nattra? Mayum leitbashingdu nakhoygi nayumda leihanbibadu chara henba nattra? Maphi leitbashingdu nakhoyna unaba matamda phi pibibadu chara henba nattra? nakhoygi mari matashingda paangthokpham thokpa nathou paangthokpadu chara henba nattra?

8 Haayribasimak tourabadi nakhoyna mangaangumna ngaangani, naramba mapham pharakpagi matougumna nakhoygi ashengba nagundu namang thaaduna chatkadabani, oigani Eeshorgi matik mayaaiduna

9 Haayribashingsi touraga nakhoyna Eeshorda koujarabadi paaoukhumbigani Ebungngona , nakhoyna mahaakpu koujaba matamda mahaakna haayrakkani "maphamsida eihaak leire." Karigumba nakhoyna achumbadu mathak makha onbidrabadi, mishingda nakhoyna laalli haayduna araanba waa haayjinduna nakhubi thinba toklabadi,

10 Nahaakki mapaan naaidana peiriba landu puthoktuna laairabashingda pijarabadi, maraibak thiraba mishingdubu nakhoyna yaaiphahanba ngamlabdi, amaamba oirambadagi nongngaallakpagi matougumna nakhoygi mangaandu phongdokpa hourakkani, nakhoygi nagundu numit yungbagi matougum oigani,

11 Atat akham leitana Eeshorna nakhoybu mei thokna saraba nungshaa marakta awaatpa leihalloi, haappigani mahaakna nakhoygi napaanggal oigani nakhoy eeshing phajanaa chaibiraba atatpa leitana laaija eeshing thokliba eephut oigani.

12 Thaaynadagi houna mangduna laaklabashingdu shaagathan-gani, houkhiba napaa napushinggi yumphamdu nakhoyna amuk thon-gatpa houragani, kougani nakhoybu shaagatpashing kairaba chekpanshingdu kanbiba mishing manglaba yumshingbu.

Potthaaba numitngakagi mahei

13 Nakhoyna potthaaba numittudang Khonggaonadrabadi nakhoyna touningba toubadudagi eigi ashengba numitsidang shengna thamlabadi, kourabadi nakhoyna potthaaba numitsi haraaoba numit haayna, Eeshorgi ashengba numitsi ekaai-khumnagadaba numitni haayna lourabadi, nakhoyna haayriba numitsida lalon-itik toudrabadi, thidaduna nakhoygi naranai oiba apaambadu, toudaba ngamnaba nakhoyna touningba pumnamak numitsida,

14 Phanggani nakhoy haraao tayaamba Eeshorgi makada, adu oirabadi nakhoybu maalemsida makok oihan-gani, nakhoygi napaa Jacobki Lan-thumdu nakhoyna nungaaina phangjagani, Eeshor mashaamakka haayribasi ngaangthokpikhrabani.