1 Chronicles 13

Kiriath-Jearimdagi phambaal purakpa

1 Lishinggi amadi chaammagi makokka Davidka waatanarammi.

2 Davidna haayriba achouba mitinsida haayrammi, "miyaamsina karigumba penbiraba, aduga eikhoygi epuroi Eeshorgi ningba oirabadi, eikhoygi echin enaaoshing Israelgi atei maphamda leiribashingduda paao thaasi. Purohit amadi Levishingdasu paao thaasi. saahar ateida leiba miyaamdasu paao thaaduna eikhoygi mitinsida yaaohansi.

3 Maasi loiraba matungda Eeshorgi Phambaaldu puraksi. Saulgi matamdagi maasi thaoidadung laaklabani."

4 Miyaamna haayriba waaphamsi yaarammi.

5 Maramsina Davidna kharonda Egyptka tainaba adudagi houraga awaanglomda Hamathki laambeldu phaaobada leiriba miyaamdu tilhanduna Kiriath-Jearimdagi Jerusalem taanna Eeshorgi phambaal purakkhi.

6 Asumna David amadi miyaamna Judahgi lamda leiba Kiriath-Jearimda leiriba Baalah kouba saaharduda chatlaga cherubimgi mathakta Eeshorgi minglenda ngaanthoiriba Eeshorgi Phambaaldu Puraknaba chatlammi.

7 Makhoyna Eeshorgi phambaaldu anouba gari amada Abinadab mayumdagi purakrammi. Uzzah amadi Ahiona garidu thourammi.

8 David amadi Israelgi mishingna Eeshorgi maangda thawaay hakchaang amatta oinaa eshei shaakkhi. Makhoyna pena sargit, pung jhal amadi pere shinga konglammi.

9 Makhoyna Chidongi phou yeiphamdu yourakpa matamda gari chingliba sandu khudi thirammi. maasida Uzzana phambaaldu makhutna tingthoktuna sho klammi.

10 Mahaakna phambaaldu makhut shokpaduda Eeshorna Uzzabu shaaorammi. Maramsina mahaak shikhi.

11 Eeshorna Uzzagi mathakta khut thaaraba Davidna shaaorammi maramsina houjik phaaoba maphamsibu Perezuzza kouri.

12 Adubu haayriba numitsida Davidna Eeshorbu yaamna kirammi. Maramsina mahaakna asumna haaykhi, "matou karamna Eeshorgi phambaalsi yum taanna pugani?"

13 Maramsina Davidna mahaakki saaharduda leiriba ningnashangduda phambaaldu punshinkhide. Gittigi Obededom kouba nupaadugi yumda phambaaldu thamkhi.

14 Asumna Eeshorgi phambaaldu Obededomgi yumda thaa ahum thamlammi. Eeshorna Obededomgi emungbu kubirammi.