Zechariah 12
Tungda Jerusalembu kanbigadouba
12 Koirou amadi malembu sembikhiba aduga taibang mioibada thawai happikhiba Lainingthouna Israelgi maramda laibao ama tharakkhi. 2 Ibungona takpikhi, "Jerusalembu eina yu tenggot amagumna oihangani. Mahakki akoibada leiriba jat-singna mahakpu thakkani. Yu ngaobasinggumna turoi ngamroi chatkani. Makhoina Jerusalembu laksinba matamda Judahsu yaokhibani. 3 Adubu adugumba matamdu Lakpada Jerusalem arumba nungum oihangani. Mahakpu thanggatke tourakpasingdu matomta khudong thigani. Malem-sida leiriba jatsingna mahakpu manghannaba amatta oina pungani. 4 Matamduda eina makhoigi sagol amadi sagol thouribasingdu ngaohangani. Eina Judahgi mishingna touribadu yengduna leigani adubu makhoigi yeknabasinggi sagolsingdu mamit tanghangani. 5 Judahgi macha masusingna hainagani, panggallaba Mapu Lainingthouna Jerusalemda leiriba mishingda panggal pinabire. '
6 "Matamduda Judahgi sageidu umangda chakpa lameigumhangani nattraga makhoibu loubukta houriba mullaba phougumhangani. Makhoina thangnaba jatsingdu tumna manghan-gani. Jerusalem-gi mishingdi asoi angam leiroi.
7 Lainingthou oiriba eina Judahgi lanmishingbu mai pakhangani. Adu oirabadi Davidki macha masusing amadi Jerusalemgi mishingna phangkhiba ikai khumnabadu Judahgi mishingna phanggadouribasidagi helloi. 8 Matamduda Lainingthouna Jerusalemda leiribasingdubu ngakpigani. Makhoigi marakta khwaidagi asonbadu phaoba kalli hainariba Davidkumna mapanggal leigani. Lainingthougi dut amadi Mapu Ibungona Davidki charon surondu chingduna pubigani. 9 Matamduda Jeru-salembu laksinge thourangliba jatsingdu eina manghan-gani.
10 "Davidki charon suron amadi Jerusalemgi mishingdu thoujan amadi punem-jabagi ithinna mangoinahangani. Makhoina thangna thinduna hatkhibaduda shangshangna yengduna leigani aduga amatta pokpa macha siba matamda kappagumna makhoina kapkani. 11 Matamduda thokkadouriba nikpa miraokhondu Megidon-gi tampakta Hadad Rimmonsingna kappadu-ga mannagani. 13-14 Lamsida leiriba imung khudingna tengthagani. Masida Davidki imug, Nathan-gi imung, Levigi imung Shimeigi imung amadi atei atei imungsing loina kapkani. Magi magi imung manungsing kapkani. Imung khudinggi nupasingna tonganna nupi yaohandana kapkani.