Psalm 17

Maran leijadaba mina haijaba

17 He Ishor, achumba pinabiyu, haijaribasi tabiyu, tengbangbiyu haijaribasisu tabiyu, nanaina pukchel sengna nijaribasi pinabiyu.

2   Ibungona achumbadu karino khangbiba maramna wayelbiba matamda Ibungona nanaibu thoujanbigani.

3   Ibungona nanaigi thamoibu khangbi, ahinggi matamda Ibungona nanaigi nakta lengbirak-i, Ibungona nanaibu chang toubirabani. Nanaigi thamoida phattaba wakhan leite haibasi Ibungona khangbirabani.

4   Ateina ngangbadugumna nanaina phattaba wa ngangjade, Ibungogi yathangdu nanaina injaribani, tamthiba lambeldu nanaina keidoungeidasu injarude.

5   Eina matam leibada Ibungogi lambelduda chatchei, keidoungeidasu Ibungogi lambeldudagi thaptokpa leijade.

6   He ipuroi, Ibungona paokhum pibiba maramna nanaina Ibungogi khuyakhada punemjari, maramsina nanaina haijaribasi tabiyu.

7   Ibungogi angakpana thallaba nungsibadu phongdokpiyu, aduga nanai eikhoibu ngakpiyu. Ibungogi nakta leijaba matamda eikhoigi yeknabasingna karisu touba ngamde.

8   Nanaibu chetna channa konsinbiyu, Ibungogi nathanungda nanaibu lotpiyu.

9   Kanbiyu nanaibu phattabasinggi khuttagi, ngakpiyu nanaibu koisilliba yeknabasingdagi.

10 Makhoigi thamoidi nungsi heite, makhoigi machindagi chanbi heitaba wa ngangi.

11 Eina chatpa mapham khudingda makhoina koithi thiduna koisilli, eibu inthunabagidamak makhoina khudongchaba ngaiduna lei.

12 Nongshana ngaiduna leibagumna makhoina eibu ngairi, segaiduna hundokningi eibu makhoina.

13 He Ishor, lengbiraklo, nanaigi yeknabasingbu maithiba pibiro, phattabasinggi makhuttagi Ibungona thangshang paiduna ngakpiyu.

14 Taibang punsi lenbada awatpa leitabasinggi makhuttagi nanaibu kanbiyu. Ibungona khaktuna thamkhraba awa anasingdu tahanbiduna makhoibu cheirak pibiyu, machasinggi mathakta cheirak piba matamda awa anadu tahanbiyu amasung makhoigi masusinggi haktakta cheinakhondu phanghanbiyu.

15 Nanaina aranba toujakhidaba maramna Ibungogi maithongdu ugani, nanaina hougatlakpa matamda Ibungona loinabiba maramna haraojagani.