Deuteronomy 12
Khurumjanaba mapham takpa
1 Nakhoygi napaa napushinggi Eeshorna nakhoyda pibiriba lamduda nakhoyna leiribamakhei kaidana engadouba yaathangshingdu asida leire. Haayribashingsi ennaa chatllu.
2 Nakhoyna loushingadouriba lamduda kalriba mishingna chingjaaoda, chingdumda amadi asangba ukhada makhoygi laaishing khurumjanaba maphamshing leiribashingdu muthatlu.
3 Makhoygi phaankhongshing amadi ashengba ukhongshingdu machet machet tana thugaayyu. Makhoyna ningliba lairembi Asherahgi murti amadi makhoyna ningliba laaishinggi atei murtishingdu kakthatlu. Adu oirabadi makhoyna haayriba maphamshingduda keido-ungeidasu khurumba phanglaroi.
4 "Mishingsina makhoygi laaishingbu khurumbada chatliba asigumna nakhoygi napuroi Eeshorbu khurumbada touganu.
5 Nakhoygi tribeki mishingna taariba lam khudinggi maraktagi mapham amaa khandoktuna ebungngo mahaakki khuyaakhaada changjaduna khurumjanaba Eeshorna khandokpigani.
6 Maphamduda meida thaaduna katpa thou, amadi atei atoppa thoushing, nakhoyna pigadouba shaarukshing, nakhoygi athenpotshing, Eeshorgi maphamda katke haayduna ningjakhiba amadi katningna katchaba potshing loynanaa nakhoygi shaa-sangi amadi yaaogi ahaanba pokpaa nakhoyna katkadabashingdu katkadabani.
7 Maphamduda nakhoygi napuroi Eeshorna nakhoybu kubikhibadugi mamaangda nakhoygi emung manung hupna nakhoyna toujakhiba aphaba thabakshingdugi mahei oinaa chaaba amadi nungaaiba phanggani.
8 "Adugumba matamdu laaklabada nakhoyna touduna laakliba thabaksi touroidoubani. Houjik phaaoba nakhoyna paamba matung ennaa khurumningbadu khurumjari.
9 Nakhoyna mara tapna leijagadouriba nakhoygi napuroi Eeshorna nakhoyda pibigadouriba lamdu youdriba maramna maasi oithokpa yaribani.
10 Nakhoyna Jordan turenda hek laanthokpaga Eeshorna haayriba lamsi nakhoyda pibigani aduga nakhoyna maphamduda leigadouribani. Ebungngo mahaakna nakhoybu yeknabashinggi makhuttagi kanbigani aduga nakhoy engthana leiba ngamgani.
11 Eeshorna, ebungngo mahaakpu khurumjanaba mapham amaa khandokpigani aduga maphamduda eina nakhoyda haaykhiba gumna ebungngo mahaakki maphamda potshingdu purakkadabani. Potshingdudi asini: Meida thaaduna tougadouba thoushing, atei atei thoushing, nakhoyna pigadouba amadi katkadaba sharuk aduga konna Eeshorda nakhoyna pigani haayna waashakkhiba potshingdu purakkadabani.
12 Ebungngo mahaakki mamaangda nakhoygi nachaashing, minaaishing, aduga nakhoyna leiriba saaharda leiriba Levishingnachingbadu punna haraao nungaaiminnagadabani. Levishinggidi lamgi sharuk thungloi haaybasi ningshingu.
13 Nakhoyna apaamba mapham yengduna thou katpa yaaroi.
14 Tribeshinggi maraktagi Eeshorna mapham amaa khandokkadouri. Madutada nakhoyna thou katkadabani. Haayriba maphamsikhaktada meida thaaduna touba thounachingba aduga eina nakhoyda tou haaykhiba thoushingdu paangthokkadabani.
15 "Adubu nakhoyna loiriba shaa-sanshing amadi haameng yaaoshingdu nakhoyna leiruba maphamduda haattuna chaaba yaai. Eeshorna pinabibadugi matung ennaa nakhoyna chaaba yaai. Shaaji laaba nattraga amomgi masha chaaba yabadugumna ashengba shengdaba naaidana shaashingdugi masha chaaba yaai.
16 Adubu shaashingdugi eedi chaaba yaade. Eedudi eeshinggi matougumna leimaayda heidokkadabani.
17 Adubu Eeshorgi khuyaakhaada katchaba shaa oirabadi, nakhoyna leiriba maphamshingduda chaaba yaade. Adugumba potshingdudi: mahei maronggi chaakthung shaaruk, nakhoygi angur mahi, nattraga Chorphon-dagi sungba thao, nakhoygi shaa-san amadi haameng yaaonachingbana pokpaa ahaanba pokpaa machaashing, Eeshorgi maphamda nakhoyn katchaba, nakhoyna pukningna piningna pijaba pot-shing, nattraga atei katke ningkhiba potshingnachingbashingsini.
18 Haayriba thougi potshingsi chaaba taarabadi nakhoygi napuroi Eeshorna, ebungngo mahaakpu punemjanaba khandokkhiba maphamdukhaktada nakhoyga konnana nachaashing, nakhoygi minaaishing, nakhoygi saaharda leiriba Levishinga loynanaa nakhoygi napuroi Eeshorgi mamaangda chagadabani. Nakhoyna toukhiba thabakshingdu yengduna hiram khudingmakta nakhoy nungaaigani.
19 Nakhoygi leibaakta leiribamakhei Levishingbu kaaothokloidoubani.
20 "Nakhoygi napuroi Eeshorna nakhoygi leibaak chaaothok-hanbiba matamda, ebungngo mahaakna waashakpikhiba matung enna, nakhoyna Chaaningba maphamda shaa chaaba yaai.
21 Khandokkhraba punemjanaba maphamdu karigumba thoidokna atappa mapham amaa oirabadi, Eeshorna nakhoyda pinabiraba shaa-san, nattraga yaaonachingbadu haatningba maphamda haatlaga nayu-mda chaaba yaai. Masigi maramda eina nakhoyda hannana haaykhre.
22 Shaaji laaba amomgi masha chaaba yabagumna dharmagi oinaa shengba shengdaba naaidana Chaaningba mina shaadu chaaba yaai.
23 Ee tahandanadi shaa chaaba yaade maramdi eeduda punsi leibani. Punsi leiriba shaadu nakhoyna chaphade.
24 Ee chaaba yaade. Maasidi eeshing heidokpagi matougumna leimaayda heidokkadouba potni.
25 Yaathangsi nakhoyna ellabadi. Eeshorna nakhoybu penbigani aduga nakhoygi nachaa nasu hantak phaaoba nungaai yaaiphagani.
26 Punemjanaba khandokkadouriba maphamduda nakhoyna Eeshorgi maphamda katchaagani haaykhiba thougi potshing amadi khudon potshingdu puduna youhan-gadabani.
27 Haayriba maphamduda Eeshorgi phaankhongda meida thaaduna tougadouba thougi potlamshingdu katthok-u. Mashadi charaga eeduna phaankhongda tahangadouba thoushingdusu haayriba maphamsida tougadabani.
28 Eina nakhoyda piriba yaathangshingsi kaidana ennanaba hotnagadabani. Nakhoygi napuroi Eeshorna penba thabakshingdu tou-rabadi nashaa hataktagi houraduna nachaashinggi matam phaaoba yaaiphana paan-gani.
Laai murti latpagi maramda
29 "Nakhoygi napuroi Eeshorna nakhoyna laandaruba leibaakshingdu tumna manghanbigani. Nakhoyna maphamduda engna paan-gani.
30 "Eeshorna Jaatshingdu maanghanba loiraba matamda, makhoygi laining lambi ende haaybasi nakhoyna nashaana gyaan tagadouribani, maramdi karigumba nakhoyna madu enba taarabadi, nakhoy khudong thigani. Nakhoysu makhoygi matougumna khurumnabagidamak makhoyna laaishingdu karamna khurumlibage haaybadu khangnanaba talluganu.
31 Makhoyna laaishingbu khurumbagi matougumna nakhoygi napuroi Eeshorbu khurumba yaade maramdi makhoygi laaishingdu khurumba matamda Eeshorna hangoiraba thabak kayaa makhoyna touwi. Makhoyna pokchaba machaashing phaaoba phaankhongda thaariba meinungda langsinba ngammi.
32 "Eina nakhoyda tou haayna pikhraba yaathangshingsi kaidana tou nakhoyna maasida henjinna haappa nattraga louthokpa yaade.