Jeremiah 50
50 Ishor-na Babylon amadi Chaldeansinggi matangda wa takthokpa matamda maichou Jeremiahda phongdokkhiba wasing:
2 Jatsinggi marakta laothok-u, urong ama khinduna phongdok-u.
Aronba yaodana haiyu: Babylon ture, Bel ikaiba nangle,
Merodach mamai phiruk khumle.
3 Maramdi awang haram pangbadagi masigi mayokta jat ama lakkani. Masina leibaksibu tumna manghan-gani, masida kanasu leiroi. Taibang mi amadi shasing loinaba masidagi chenkhigani. 4 Eshorna takpiri hairiba matamsida Israel amadi Judahgi mishingna punna laktuna makhoigi Mapu Ibungo Ishor-gi khuyakhada changjagani. 5 Makhoina Zionda mamai olladuna masigi achumba lambidu kadaida lei haina hangani. Makhoina haigani, "lak-o, Eikhoi Ishor-gi khuyakhada changjaduna atat akham leiroidaba areppa wasak ama lounarusi. 6 Eigi mishing si lambel manglaba yaogi matougumle. Makhoigi yaosenbasingduna makhoibu lanna chingli. Chingbiramle makhoibu loibi chingda. Loibi amadagi loibi ama landuna lambel lanna takpiramle. Maramsina makhoigi shanggudu kaokhre. 7 Makhoibu thengnabasingna makhoibu manghanbi. Makhoigi yeknabasingduna hairi, " Eikhoi iran leite maramdi mapa mapusinggi asagi urong oijaba makhoigisu changjapham oiriba Lainingthougi mayokta makhoina ayonba kaya toukhi."
8 Babylon-gi mishinggi maraktagi thapna chello. Chatkhokkhro athappa maphamda Chaldeansingna leiriba maphamdagi. Yao shanggulakta yaoriba yao labagi matougumna leiro. 9 Yengu Babylon-gi mayokta eina awang maikeidagi mapangal mathouna leiraba jat ama lakhangadouri. Makhoina masigi mayokta landanaba sem sagani. Maphamdudagi mahakpu puduna chatkhigani. Makhut hangna hallaktaba mahei heiraba lanmigi matougumna makhoina kapthokkhiba tendu mi pandana tokte. 10 Chaldean soidana neihatlagani. Adubu mahakpu neiribasingdusu soidana thanggi mayada chatkani. Masimak Ishor-na takpiriba waphamni.
Babylon tuba
11 He eigi dharabu noihatlibasa, nakhoina nungaina amadi haraona leijarabasu, shalnaona hanou chabada pendabagum, laojadunasu nakhoina sagol khongbagum
12 Nakhoibu pokpi palemdu nangani ikaiba, nahakpu naopuduna pokpadu mamai phiruk khumgani. Yengu, mahak jatsinggi marakta mamei tabi oigani. Leigani leikangla amadi marubhumi oiraduna.
13 Ishor-na saoba maramna masida mi tararoi, oigani masi tumna mangtaknaba mapham ama, Babylon phaoduna chatliba mishingduna masibu uraga tharak hungatkani. Masigi asokpasingdu uraga ima laogani.
14 Babylon-gi akoibada lan changnanaba sem saro, tenjeida tenga thongduna ngaiduna leiribasing, mangonda kapsillu tensingdu, tenjei ama phaoba arembada manghallunu. Maramdi mahakna Ishor-gi mayokta pap toukhre.
15 Mahakki akoibada leptuna lan-gi khollaodu laokhatlu, mahak makhut haigatre, mahakki langgonsingdu kannadre, mahakki chekpansingdusu ture, maramdi masini Ishor-na khumba lamandi. Mahakki mathakta khumlo lamandu, mahakna ateida toukhibagumna mangondasu tou.
16 Leihallanu mahei marong hunba mi Babylonda ama phaoba, paihanbinu, thanggon louroknaba, ot-neiribasinggi thangdu ubada, mi khuding magi magi mishingda onsingani, mi khuding magi magi mareibakta chenkhigani.
Israel hallakpa
17 Israel nongshana chage thiriba yaogi matougumle. Ihan hanna Assyriagi ningthouna mahakpu neikhi. Mameithangda Babylon-gi ningthou Nebuchadnezzarna masigi saru sayang phaoba yaona chathokkhre. 18 Maramsina Israelgi Mapu Ibungo, nongthak nongkha anigi Ishor-na asumna takpiri: yengu, eina Assyriagi ningthouda pikhiba dandidugumna Babylon-gi ningthou amadi mahakki leibaktugi mathakta dandi pigani. 19 Kanbigani eina Israelbu hannagi sanjabungduda. Mahakpu Carmel amadi Bashanda sajik pijagani. Ephraim amadi Gileadgi chingda mahakki ningjaba pumnamak thunggani. 20 Ishor-na takpiri adugumba numit amadi pungjaduda Israelna chenba pap thigani. Adubu pap touba kanasu phangloi. Phangloi paptu Judahdasu. Kanasu leiroi phattaba touba mi. Maramdi matamduda eina iremkhak oina leihalhoubasingduna touba mapapsingdu phaoba ngakpigani.
Babylon-gi mathakta wayelba
21 Merathaimgi mayokta lan changu, changsillu Pekodgi mayokta, makhoibu tumna manghallu. Masimak Ishor-gi yawani. Eina nakhoida haikhiba matung inna loinaba toui.
22 Leibaksigi manungda thorakli ahouba makhon, tari mangtakpagi maong matougi maramda.
23 Matou karamna malemsida leiriba nungthangdu thugaikhibano, jatsinggi marakta matou karamna Babylon akibagi masak oiribano.?
24 He Babylon, nahakkidamak eina lang ama thakkhi maduna nahakpu thubibani, nahakna hairibasibu khangkhide, nahakna Ishor-gi mayokta phattaba thabak kaya toukhiba maramna nahak langda thuraba kanda mangphaoribani.
25 Eshorna mahakki lanshangdu hangdokle, puthorakle mahakki asaobagi khutlaisingdu. Maramdi Chaldeansinggi leibakta nongthak nongkha anigi Mapu Ishor-na tougadaba thabak ama lei.
26 Maikei khudingmaktagi mahakki mathakta landarak-u, louthoklo mahakki mahei marong thamliba pukkeidu. Mahakpu mahei maronggumna peikhatlaga tumna manghallu. Masigi manungda karigumba ama phaoba khaklunu.
27 Mahakki sanlabasingdu loina hatlu, makhoibu sanhatpungda pusillu, makhoigidamak awabanida maramdi makhoigi aroiba matamdu lakle, yourakle makhoigi awapham tagadaba matamdu.
28 Eikhoigi Mapu Ibungo Ishor-na mahaki ningnashanggi mathakta neikhibadugi khumgadouriba lamandu laothoknaba Zionda makhoi Babylon-gi leibaktagi thuna chenkhre.
29 Tenga thongduna leiriba ten kappasingdu Babylon-gi mayokta landanaba kouro. Masigi akoibada lanban saro. Kanagumba ama phaoba nanthok-hanganu. Mahakna toukhiba thabakki matung inna mahakpu mahei piyu. Maramdi mahakna Israelgi amatta ngairaba sengthoiraba Ishor-bu thaoidre. 30 Mahakki Naha oiriba nupisingdu masigi manungda leiba lampakta turagani. Ishor-na takpiri adugumba numittuda mahakki lanmishingdu mamai thigani.
31 Yengu, napan karaba nahakki mayokta eihak leigani, takpiri asumna nongthak nongkha anigi Mapu Lainingthou Ibungona. Maramdi nakhoibu dandi pigadaba nakhoigi matamdu lakle.
32 Napan toubasingdu soidana leikha tagani, leiroik kanasu hougatpinaba mahakpu, masigi saharsinggi manungda eina mei thagani. Masina mahakki akoibada leiriba pot pumnamak chakthekkani.
33 Nongthak nongkha anigi Ishor-na asumna takpiri: Mikha polle Israel machasing, makhoiga loinana Judahgi mishingsu yaori. Makhoibu loi oina pukhibasingduna chetna phaduna makhoibu thamle. Makhoina thadoktre. 34 Makhoigi kanbiba mapudu mapangal lei. Mahakki koloidi nongthak nongkha anigi Ishor kouwi. Mahakna pukhatningliba waphamdu soidana phongdokkani. Masina malemsida ingthahangani. Adubu masina Babylonbudi ingthaba piroi.
35 Ishor-a hairi lakle Chaldeansinggidamak thangshang, hairabani thang Babylon-gi leiriba mishinggi mathakta, tagani masina mahakki ningthou machasing amadi asingba mishinggi mathakta.
36 Tungda thokkadaba wa phongdoklibasinggi mathakta apangba singda chalhannaba thangshang utpigani, masigi lanmishinggi mathakta mang takhangadouriba thangshang ama haigani.
37 Tagani thangshang masigi sagol amadi dolaigi mathakta, haigani thangdu masigi manugda leiriba miramdagi lakpa lanmishinggi mathakta, oigani makhoi nupigumna, mahakki langeida tagani thangshangdu masina makhoidu manghan-gani.
38 Masida leiriba pukhrisingdu kanglagani, pumnamak kanglagani ngamnamak, maramdi mahakki leibaktu lai murtina thalli, makhoi lai murtidu khurumduna angaobagi matougumle.
39 Maramsina Babylonda lamlakta leiba sha uchekna amadi lamhuina than-gani. Achouba ucheksinggi makon oiragani lamduda. Masigi manungda taibang mi leiraroi. Tararoi mi ama phaoba matam kuinagi oina. 40 Ishor-na takpiri: Mapu Ibungona Sodom amadi Gomorrah aduga makhoigi naknaba maphamda leiba lamsingdubu manghankhibagumna, maphamsingduda kanasu leiraroi. Masigi manungda taibang mioiba haiba jibadu leiraroi.
41 Yengu, awang haram pangbadagi lakli jat ama, akanba jat aduga thouna leiraba ningthou kaya, malemsigi athappa maphamdagi hourakli irang.
42 Pairi makhoina ten amadi ta, tamthi makhoidi aduga thoujan leite, makhoigi makhondu samudradagi thorakpa khonjelgummi. Thouri makhoina sagol khongnettuna sem sari landa changlakpa lanmi amagumna lakle he Babylon-gi mamomloi nakhoigi nathakta.
43 Babylon-gi ningthou makhoina hainariba wasi tare, madu tabada mahak upai leiramde. Awaba maithongna mahakpu upsinkhre chabokshangda leiriba anaba khangliba nupi amagumna.
44 Jordan-gi umangdagi yao shanggulakta neikhairage haiduna thorakliba nongsha amagi matougumna masigi manungda leiribasingdu khanghoudana chelhangani. Eina thawaina tabadu masigi mathakta wayelnabagidamak khandokkani. Maram-di eiga pandamnaba yaba kana leibage? Kanana eigi ithakta wa ngangba ngambage? Karamba yao senbana eigi imangda leppa ngambage? 45 Maramsina Babylon-gi maramda Ishor-na tougadouriba thourangsi taro. Chaldean-singgi lamgi mayokta mahakna pangtho-kke haina langliba thousilsisu yengu. Asengbamak makhoigi yao shanggulaktagi khwaidagi apikpadu phaoba phadunapu-khigani. Makhoigi maraibaktuna makhoigi yao shanggudusu khudongthiba yaoraga dabani. 46 Babylonbu joy toubagi khon-jendu tabada malemsi thak thak nikkani. Mahakna laobadu jatsinggi marakta tagani."