2 Chronicles 13
Abijahna Jeroboamga laan thengnaba
(1 Ning 15:1-8)
13 Jeroboamna paanba taraanipal subaa chahida Abijahna ningthou oiduna paallammi. 2 Jerusalemda mahaak ningthou oinaa chahi ahum pankhi. mahaakki mamadi Gibeahda leiba Urielgi machaanupi Maakahni.
Matam leibada Abijah amadi Jeroboam laan soknadunata leirammi. 3 Abijahna 400,000 adugaa Jeroboamna 800,000 pukhoktuna laan thengnakhi. 4 Ephraimda leiba Zemaraim kouba chingda lepkhatladuna Abijahna haayrammi, " Jeroboam amadi Israelgi mi pumnamak ngasi eina haayriba waasi taro 5 maadudi Israelgi ningthou oinaa pannanaba haayduna Israelgi mapu ebungngo Eesor-na David amadi mahaakki chaaron-suronda areppa waasak amaa thamduna pikhrabani. maasi nakhoyna khangpham thok-e. 6 adubu Davidki machaa-nupaa Solomon-gi manaai Nebat ki machaa-nupaa Jeroboamna mahaakki Mapu oigadouba ningthougi mayokta laan houri. 7 adugaa mamal leitba mi kharaga tinnaduna Solomon-gi machaa-nupaa Reho-boambu mingchat thihankhi. Matamduda Rehoboam nahaa oirammi maramsina matamduda mahaakna makhoybu oknaba ngam-khide. 8 Jeroboamna nakhoygi damak saaba sanaagi laaidu maphamsida leire adugaa Eesor-na Davidki chaaron-suronda pikhraba ningthou khubham amadi phambaaldu muthatke haayduna mising laakngamdraba lammi tengol amaa puduna laan hounaba thorakli. 9 nakhoyna Eesor-gi purohit Aaron amadi mahaakki machaasingbu taanthokkhidra? atei leibaakta leiba misinggumna nakhoygi tongaanna purohit hapkhidra? Laisu nattaba sanlabaduda yaao taret puraktuna katpa ngamba nupaadu purohit oihanba nattra?
10 "Adubu eikhoygidi Eesor-na epuroini. ebungngo mahaakpu eikhoyna ngasi phaaoba thaadoktri. Aaron amadi Levising houjik phaaoba eikhoygida seba changli. 11 makhoyna Eesor-gi khuyaakhaada ayuk amadi Numidaang-waairam anida meida thaaduna katpa thounachingba paangthokli. makhoyna manam nungsiraba dhupnachingba thari. asengba sanaana saaba phanduda asengba taldu katli. Sanana saaba kambida mumidangwaairam khudinggi dhupa thari. epuroi Eesor-gi chatpham thokpa sebadu kaidana chatthari. adubu nakhoydi ebungngo mahaakpu thaadokre. 12 eikhoygi erakta epuroina koirouthakta leiri. ebungngona nahaakki purohit singna laanda yeinaba pung paayduna laanjanggadouri. he Israel machasa, nakhoygi napaa napusingna ningjaramba Mapu ebungngo Eesor-gi mayokta laan soknaganu. maramdi nakhoyna keidoungeidasu maay paakpa ngamloi.
13 Cheiraksida Jeroboamna tunglomdagi laanmi kharana makhoybu koisillaknaba thaarammi adugaa mahaakka loynanaa kharana Judah-gi maangda leplammi. 14 Judah-gi misingna yengthok-khiba matamda mang tung animakta laanmina ekoy koisinduna leirambadu ukhi. maramsina makhoyna Eesor-bu koujarammi adugaa purohit singna pung yeirammi. 15 Masiga loynanaa Judah-gi misingna laangi khollao laorammi. laangi khollaodu taabada Abijah amadi Judah-gi misingna Jeroboama amadi Israelgi misingdu maaythiba pikhi. maadu Eesor-gi thousinni. 16 Israelgi misingdu Judah-gi maangda chellammi. Eesor-na makhoybu Judah-gi misinggi makhutta taahankhi. 17 Abijah amadi mahaakka loynariba laanmisingduna makhoybu haatkhi. Laanphamsida Israelgi khan-gatlaba laanmi 500,000 sirammi. 18 Judah-gi misingna mapaa mapugi hounalolchat thaadoktana Eesor-da changjaba maramna Israel-singbu maaythiba piba ngamkhi.
19 Abijahna Jeroboambu tannarammi. Jeroboamgi saharsingdu Abijahna lousin-khi. saharsingdudi: Bethel, amadi masigi khunggangsing Jesanah, amadi masigi khunggangsing adugaa Ephron amadi masigi khunggangsing. 20 Abijahna pallingeida Jeroboamna haayriba lamsingsi amuk hanjinba ngamkhide. Eesor-na mahaakpu waarakhi adugaa mahaak nonggaakhi.
21 Abijah mapaanggal leiba ningthou amaa oirammi. mahaak matu taramari lollammi. machaa-nupaa kunnithoi pokkhi. mahaakki machaanupi tarataruk surammi. 22 Abijahna touramba thabaksing amadi mahaakki machat sajatki maramda maichou iddona eba laairikta yaaori.