2 Kings 3
Israel amadi Moab anigi marakta lan
3 Judah-gi ningthou Jehosaphatna paanba taramarisuba chahida Ahabki machaa-nupaa Joramna Samariada konung saaduna Israelgi ningthou oirammi. mahaak Israelda chahi taraanithoi ningthou oinaa pankhi. 2 Eesor-gi aningba thugaayduna phattaba kayaa toukhi adubu mapaa amadi mahaakki mamaa Jezebelgumnadi toukhide. mapaana saramba Baalgi murti mahaakki matamda muthatkhi. 3 Israelbu paap touhankhiba Nebatki machaa-nupaa Jeroboamgumna Israelbu mahaakna araanbada chingkhi adugaa maadu keidoungeidasu tokkhide.
4 Moabki ningthou Mesa haaybadu yaao yaamna yokpa ningthou amaa oirammi. Chahigi oinaa mahaakna Israelgi ningthouda yaao lakh amam-mam pirammi. Mahaakna yaao lakh amagi matusu pirammi. 5 Ahabna siraba matungda Moabki ningthouna Israelgi ningthougi mathakta laan hourammi. 6 maramsina ningthou Joramna Samariadagi chatlaga Israelgi mising thikhi. 7 Mahaakna mi thaaduna Judah-gi ningthou Jehosaphat paao amaa thaarammi, "Moabki ningthouna eigi ethakta laandarakle. maramsina eningthousu eigi eteng pang-biba oinaa laansida yaaobiyu.
ningthou Jehosaphatna haayrammi, "eina nahaakpu panggani. Nahaakki awaaba taaba matamda eihaak pangge haayduna leiribani. eigi laanmi amadi leiriba sagolnachingba pumnamak nahaakkini. 8 Lanchan-gbasida karamba maaykeidagi changbana henna phaabage?" Joramna haayrammi, "asangba lambi enduna Edomgi lamhaanglomdagi laakpana phagani." 9 ningthou Joramga loynanaa Judah amadi Edomgi ningthou-sing laangi damak khongsaankhi. makhoyna numit taretni chatlaba matungda eesing, phangkhide. makhoyna pukhiba eesingdu mi amadi sanachingbanana thaaknaba phaaoba leikhide. 10 Joramna haayrammi, "eikhoi mangba taare. Eesor-na eikhoy ahumbu Moabgi ningthougi makhutta taahanbire."
11 ningthou Jehosaphatna haayrammi "lakliba miyaamsigi manungda Eesor-gi maichou amatta leitbara?" ningthou Joramgi laanmisinggi manungdagi phamnaaiba amanaa khumlammi, " saphatki machaa-nupaa Elisa yaaori. mahaak Elaaijagi tung ellambani."
12 ningthou Jehosaphatna haayrammi, “mahaak laaibao chumna phongdokpa ngamba maichou amani maramsina ningthou ahumduna Elisagi manaakta chatlammi.
13 Elisana Israelgi ningthouda haairam-mi, "eina nakhoybu karamna mateng panggadouribano? Nahaakki napaa ebungngo amadi nama ebemmagi matamda leiramba maichousingduda chatlaga laaibao tajanaba toujou."
Joramna haayrammi, "natte adum haayna taakpiganu. houjikti eikhoy ningthou ahumsi Moabki ningthougi makhutta taare haaybasi khangle adugaa maasi Eesor-na touribani.
14 Masida Elisana haayrak-e, "nongthak nongkha anigi mapu oiriba Eesor-na saakhi oisanu. Judah-gi ningthou Jehosaphatpu eina ekaai-khumnaramdrabadi nangonda eina yengsu yenglamloi." 15 houjikmak jantra khongba heiba nupaa amaa purak-u.
Jantra khongba nupaaduna pena khonglakpa matamda Eesor-na paanggal pinabirammi. 16 Mahaakna haayrak-e, " Eesor-na asum taakpiri: leikangla ollaba eesing khongsingdu eesing pik thanna leihn-gani. 17 Eesor-na masimasu taakpiri: nahaakna nonglei nattraga nungsit ubaa phangloi. adubu eesing khongsingdu eesing pik thanna leibadi nahaakna ugani. maramsina miyaam amadi sanachingba loina eesing maraang kaina phangba ngamlagani. 18 Elisana maakha taana haayrammi, "Eesor-gi mityengdadi haayriba thabaksi karisu natte. Moabpusu nakhoygi nakhutta pibigadouri. 19 nakhoyna laanban oinaa khagatlaba sahar pumnamak maaythiba piba ngamgani nakhoyna maanghange khanba saharsing amadi uhei waaheigi paambi eephutsing, amadi leihao leiraba makhoygi loubuknachingba pumnamak tumna maanghanba ngamgani."
20 Mathanggi ayukki thou touba matamduda yeng-u, Edomlomdagi eesing laakpa hourammi.
21 Moabta leiriba misingduna ningthou-sing mannaduna makhoygi mathakta laandarakle taabada khutlai paayba ngamba mi angaangdagi ahan amatta khaktana koukhatlammi. Thouraang loirabada makhoygi lamgi aroibaduda laanjangba hourammi. 23 makhoyna ngaakna laonarammi, "masidi eeni. ningthou Ahamgi laanmisingdu amaga-amaga onsinnaduna yaan-naramgani. Chat-tuna makhoygi laanbanda leiriba potsingdu munlurasi."
24 adubu makhoyna laanbandu youba matamda Israelgi misingna makhoybu laaina laksinba ngamkhi adugaa taanthokkhirammi. Israelgi misingna tannaduna Moabki misingbu thina haatkhi 25 makhoyna Moabki saharsingdu manghankhi. makhoyna leihao leiba loubuk phaaoduna chatpa matamda Israelgi mi khudingna nung amam-mam loubuktuda hunjillammi. Mameidadi nungduna loubuktu thallammi. makhoyna eesing thokpa mapham khuding thingjinkhi adugaa mahei marong paanba upaanbi pumnamak yaanthatkhi. Mameithangda konung oiriba sahar Kirharesethta leplammi. Nung langba heibasingna ekoy koyna thatchinduna maasibu laksinkhi.
26 Moabki ningthouna landu mahaakki maaykeilomda taksillakle haaybasi ubada mahaakna laanmi 700 khomduna Edomgi ningthou pharage haayduna mirakta phaaoduna laaklammi. adubu mahaakna Edomgi ningthou phaaba ngamkhide. 27 Matungda mahaakki machaa-nupaa ehaan haanba mahaakki matungda ningthou oinaa pangadoubadu Moabki laida khudon oinaa katthoktuna thou katkhi. maasi ubada Israelgi misingdu thoidokna angakpa amaa pokkhi. maramsina kiraduna Israelgi laanmisingdu mareibaakta hankhi.