Jeremiah 21
Jerusalemna maaythiba nangadoubadu taakthokpa
21 ningthou Zedekiahna Malchiahgi machaa-nupaa Pasur, Maaseiahgi machaa-nupaa purohit oiriba Zephaniahbu Jeremiahgi manaakta thaarakpa matamda Eesor-na Jeremiahda waasingsi haayrammi. ningthouna maangonda haayhan-khi, 2 "Babylon-gi ningthou Nebuchadnezzarna eikhoygi ethakta laandanaba thaourang touri. maramsina Eesor-dagi eikhoygidamak laaibao amata loubiyu. Hou-khiba matamda toubikhibagumna Eesor-na angakpa thaaba eikhoygidamak toubiba yaai. ebungngona chanbirabadi mahaak eikhoygi ethakta laandaraktaba yaai.
3 Matangduda Jeremiahna makhoyda haayrammi, "Israelgi mapu ebungngo Eesor-na taakpiriba waasingsi Zedekiahda haay-u,: yeng-u, Babylon-gi ningthou amadi nakhoygi chekpangi akoybada leiriba Chaldeansinggi mathakta laandarunaba nakhoygi nakhutta pairiba khutlaisingdu nakhoygi nathakta tahan-gani. Makhoybu eina saharsigi mayaai youba phaaoba pusallakkani. 5 Saona, mitta ee kana, nakhoygi mayokta eigi epambomsi tingthoktuna laan soknagani. 6 saharsida leiriba mising amadi saa phaaoba eina loina tumna maanghan-gani. nakhoy achouba laayna paktuna sigani. 7 Eesor-na haayri, masigi matungda saharsida leina, chaak tangba adugaa thanggi mayada chatkhidaba Judah-gi ninghou, mahaakki phamnaaiba-sing amadi misingdu makhoygi yeknaba oiriba Babylon-gi ningthou Nebuchadnezzargi makhutta pithok-kani. Makhoybu hatkadouba misingdugi makhutta eina makhoybu pithok-kani. Mahaakna thangna kaktuna haatkani. makhoyda mahaakna thoujan amadi minungsi utloi. 8 maakha taana nahaakna mising sida haaygadabadi: Eesor-na asumna haaybiri, yeng-u, hingnanabagi lambi amadi sinabagi lambi ani nakhoyna khannanaba eina pire. 9 saharsida leiriba nakhoy thanggi mayada chatkani, chara hen-gani adugaa laichat thokkani. adubu nakhoybu laksinba laakliba Chaldeansinggi maphamda nakhoy changjarabadi nathawaai hingani, laangi manaa oinaa adugumna nupaadugi punsidu makhoyna kanbigani 10 Eesor-na taakpiri: saharsigi mayokta aphaabadi haayrunu, phattaba thok-han-ge haayduna eihaak pukning chap yunglabani. saharsibu Babylon-gi ningthouda pithok-kani. adugaa maasibu mei thaagani.
Judah-gi konungda awaaba taba
11 Judah-gi ningthougi sanaa sang-gaida leiribasingduda maasi haaygadabani: Eesor-na taakpiriba waasi pukning changna taro,
12 Eesor-na haayri he Davidki emung manung, ayukki matamda achumba tounanaba hotnou, mapot munbikhraba mi unarabadi ot-neibiribasingdugi makhuttagi kanbiyu. nakhoyna touba phattaba thabaksingsigi maramna eigi asaaobadu meirigi matougumna kaarakpa yaai adugaa maadubu muthatnaba leiroi.
13 Eesor-na haayri, tampaakta leiribasa, nakhoygi mayokta eihaak leiri, tampaakta leiriba nungdumsa, nakhoyna haayri, kanaana eikhoybu thiba phang-gani? kanaana eikhoygi surungdu khngba ngamgani?
14 Eesor-na taakpiri matik chaaba narandugi matik thokpa dandidu nakhoyda phanghan-gani, masigi umangduda eina khambi mei chugani, masina mahaakki akoybada leiriba potsingdu chakthekkani.