2 Samuel 7
Davidki maphamda nathanna paao thaarakpa
(1 miron 17:1-15)
7 ningthou David konungda nungaaina pankhi adugaa Eesor-na ningthougi yeknaba-singdagi ngakthokpikhi. 2 Matam khara leiraga ningthouna maichou Nathanda asumna haayrammi, "eidi deodarna saaba konungda leiri. adubu Eesor-gi phambaalsidi khaangpok amada thamli.
3 Nathanna haayrammi, " Eesor-na nahaakka loynanaa leibiri. maramsina nahaakna touningba thabaktu paaykhatpada karisu kairoi." 4 adubu ahingduda Eesor-na Nathanda haayrammi, 5 Eigi enaai oiriba Davidta asumna haiyu: Eina leinanaba sanglendu nahaakna sagadouba Natte. 6 Israelgi misingbu Eina kanbikhiba numittudagi ngasi phaaoba sanglen amada eihaak leiraktri. khaangpoksangda leiduna eihaak koyna chatlaklabani. 7 Eina Israelgi misingga koyna chat-tuna laakkhiba numittudagi ngasi phaaobada Eina khandokkhibasingdugi maphamda makhoyna deodar paambidagi Eina leinanaba sanglen sadriba karigino haaybasi haaykhidabani.
8 maramsina Eigi enaai Davidta asumna haaybiyu: nongthak nongkha anigi mapu, Eesor-na asumna taakpiri: eigi mi Israelgi mathakta ningthou oihannabagidamak nahaak yaao sellambadagi eina koukhibani. 9 Nahaakna chatpa mapham khudingda Eina nahaakpu loinabikhi. Nahaakki mayokta leikhiba yeknaba pumnamak eina tumna manghanbikhi. maalemsida leiriba phaaoraba misinggumna mahaakpu naming chaathan-gani 10 eigi mi Israelgidak Eina mapham amaa pigani maaduda makhoy mara chetna paan-gani. Houkhiba matamda ot-neibikhibadugumna nakhoybu ot-neihanbiroi. 11 Eina waayelba-sing khandoktuna makhoygi mathakta palhankhibadugumna amuk touraroi. Nahaakki naphamdadi yeknaba pumnamaktu eina namthabigani. asigi mathakta Eesor-na taakpiri: nahaakkini haayduna lengdaba yum amaa saabigani. 12 Nahaakna taaibang chengjen loiraduna amaang yaaithong kumkhraba matamda nahaakki nachalaktagi ningthou amaa semduna leibaak mara tapna palhan-gani 13 Mahaakna eigi minglensiga channaba ningna sanglen amaa sagani. mahaakki ningthou khubhamdu lengdana thambigani. 14 mahaakki mapaa eihaak oigani. Mahaakpu eigi echaa ni haaynagani. Mahaakna araanba touba matamda mapaana machaa waarakpagumna waarakkani. 15 Nahaakna ningthou oinanabagidamakta louthok-khiba Saulgi maphamda eigi thoujan tattana utkhibagum nachadugi maphamdasu utkani. 16 Nahaakki chaaron-suron yaamna pokkani adugaa nahaakki leibaaksimak muthalloi. maasi aroiba naairoi."
17 Eesor-na taakpikhiba yaathangsingdu Nathanna Davidta khanghankhi.
Davidna thaagatpagi maramda haayjaba
(1 miron 17:16-27)
18 ningthou Davidna Eesor-gi maangda phamlammi adugaa haayjarammi, "he Eesor, ebungngona nanaaida toubikhiba pumnamaksi yenglurabadi nanaaidi karisu leitba mini. waangthoiraba Eesor, nanaaigi saagei-naatei yenglurabasu ebungngo-gi maangda karisu leitbani. 19 Eesor, ebungngona nanaaigi kaada touribasi mapaan naide, ahoinadum nanaaigi tungda laakkadouba mirondugi maramdasu ebungngona kubigadouri. ebungngona pumnamaksi mi amattagi maphamda phongdokpiba ngammi. 20 nanaaina ebungngo-gi khuyaakhaada kari amuk haayjagani. nanaai oijariba eihaakpu ebungngona henna khangbiribani. 21 Thokliba pumnamaksi ebungngo nahaakki aningba amadi areppa amaa yaaonathoklariba ngaktani. Thokliba pumnamak nanaaibu khanghanbige haayduna sinbiribani. 22 he Eesor, Kayagi natik nagun leibano nahaakse. ebungngo-ga chaangdamnagadouba taaibangsida kari leiribage. nanaaisingna khngjei Eesor haaybadu ebungngo nattana kanaasu leite. 23 maalemsida leiriba jaat ateisingna ebungngo-gi mi oinaa leiriba Israel-singa chaangdamnaba yabra? Makhoydi ebungngo makna kanbikhibani maramsina maalemsida thoudoksigidamak ebungngo-gi minglen satkhibani. ebungngo-gini kouba yaanabagidamak Egypttagi pubirakkhiba misingsigidamak angakpa amadi akibaa thabak kayaa touduna jaat amaa makhoyna ningjaramba laaidu yaaonataanthok-pikhi. 24 Israelgi misingsi ebungngo-gi oirabani adugaa Eesor-buna makhoygi Eesor oirabani. 25 maramsina he Eesor ebungngona nanaaigi amadi nanaaigi chaaron-suronggi maramda waasakpikhibadu kaihanbiganu. ebungngona kubigani haaybikhibadu thunghanbiyu 26 pumnamaksi thokhal-labadi ebungngo-gi minglendu lengba nairaroi. taaibangna asumna haaynagani: Nongthak nongkha anigi Eesor-sidi Israelgi Eesor-makni. ebungngo-gi napantana nanaaigi leibaaksi lengdana paanba ngamgani. 27 Israelgi Eesor, nongthak nongkha anigi Eesor, ebungngona masimak nanaaida taakpikhi: eina nahaakkidamak yum amaa saabigani maramsina nanaaina ebungngo-gi. khuyaakhaada echam chamna khurumjaba ngamlibani. 28 houjikti he Eesor, ebungngo asengba mapuduni. ebungngona taakpikhiba pumnamak thoktaba leite. ebungngona asigumba angakpa waasaksi nanaaida sakpikhi. 29 laakkadouba nanaaigi chaaron-surondu kubiduna ebungngo-ga loinajabagi nungaaibadu phanghanbiyu. he Eesor ebungngona masimak nanaaigi ephamda waasakpikhibani adugaa masimak eigi chaaron-suronda thunghanbigani.