John 12
Bethanyada Maryna Jesus-bu thaao heibiba
( Matthew 26.6-13; Mark 14.3-9 )
12 maram aduna Jesus-na asibaa singgi maraktagi hinggathanbiba Lazarasna leiba Bethanyda, araan-chaak khaangbagi mamaang numit tarukni waatlingeida, lenglakle. 2 Matou asum touna makhoyna maaduda ebungngona numidaang luk hananaaba laangle adugaa Marthana thougan tourammi, adubu ebungngo-ga luk habada phammin-nabasinggi marakta amadi Lazaras oirammi.
3 maram aduna Maryna mamal yaamlaba naadki manam nungsiba thaao lit amaa puraktuna Jesus-na makhongda teibirammi amasung mahaakki makhong adu maagi masamna teithokpirammi, maaduda yum adu thaogi nungsiba manamna thallammi.
4 touegumsung ebungngobu pithokkadouriba Simon-gi machaa nupaa Judas Iskariyot, sebok-singgi maraktagi amaa aduna haay, 5 Nungsiba thaao asi silver shekels 300-da yonthoktuna, laairaba-singda pidibra karigino? 6 Mahaakna asi haaybadi laairaba-singgi damakta khanbagi maramna haayba natte, adubu mahaak huraanba oibagi maramnani, adugaa mahaakna senkhaai paannaraga maaduda hapkhraba adu hek hek louthoklammi.
7 maram aduna Jesus-na haay, mahaakna paamba adu toujasanu, eibu phumgadaba numit adugi damak mahaakna maadu themjillambani. 8 Matamdi laairaba-singdi nakhoyga eetat-tattana leiminnei, adubu eidi nakhoyga eetat-tattana leimin-nabaa natte.
9 Jews-singgi michamsingna ebungngo aduda lei haayba khanglammi, makhoyna mahaakki maramgidamak laakpada nattana, mahaakki asiba-singgi maraktagi hinggathanbikhiba Lazaras yengnabagidamak laklamle. 10 touegumsung athoiba purohit singna Lazarasbusu haatna-naba waa tannare, 11 maramdi mahaakki maramna Jews-singgi maraktagi ayaamba purohit singbu thaadoklamduna Jesus-bu thaajarammi.
Jerusalemda Jesus-na lolaa tongduna lengkhatpa
( Matthew 21.1-11; Mark 11.1-11; Luke 19.28-40 )
12 Nongallakpada chaak khaangbada laaklaba micham ayaambana Jesus-na Jerusalemda lenglakli haayba taarabada, 13 Thantup paambigi masasing paayduna ebungngobu oknanaba lenglaktuna, laaona haayrak-e,
Hosanna, Eesor-gi mingda lengbirakliba ebungngo, Israelgi ningthou adu, yaaiphabani!
14 adugaa Jesus-na lolaa machaa amaa phangladuna mathakta lengkhatle, maasi ekhiba-gumbani,
15 kiganu, Ziongi machaa nupi, yeng-u, nahaakki ningthouna lolaa machaa amagi mathakta tongduna lengbirak-e,
16 Touri touriba asi ebungngo-gi sebok-singna ahaanbada khanglamde, touegumsung Jesus-na matik mangaan phanglaba matam aduda waaram asi ebungngo-gi maramda ekhibani amasung thabak asi ebungngo-da toukhibani haayba makhoyna ningsinglakle.
17 maram aduna ebungngona mongphamdagi Lazarasbu kouthoktuna sibadagi hinggathanba matamda loynaramba miyaam aduna saakhi pirammi. 18 asigi damaknasu mi mayaam aduna ebungngobu oknarare, maramdi ebungngona khudam asi toure haayba makhoyna taare. 19 maram aduna pharisi singna makhoy masen-gi marakta haaynarak-e, nakhoyna karisu touba ngamdre, nakhoyna ure, yeng-u, taaibang-paangi mi pumnamak mahaakki tung enkhre!
Greeksinggi haayjaba
20 Amasung chaak khaangbada Eesor-bu khurumjananaba kaarakpasinggi maraktagi kanaagumba Greeksing yaorammi. 21 maram aduna makhoy asina Galileegi Bethsaidagi Philipta laaktuna, maangonda haayrak-e, ebungngo, eikhoyna Jesus-bu uningi, 22 Philipna laaktuna Andrewda tammi, Andrewga Philipkana laaktuna Jesus-da tammi.
23 adugaa Jesus-na makhoyda khumlak-e,
migi machaa nupaa aduna matik mangaan chaaonanaba pungpham adu laakle. 24 Eina nakhoyda thaanggei sengnamak haayribani, gehu maru amaa leibaakta taaduna sidragadi, maadu adum lei, adubu maaduna sirabadi mahei yaamna yalli. 25 mahaakki thawaay nungsijaba mahaak aduna maadu mangja-gani, adugaa taaibang-paanda mahaakki thawaay tukkachaba mahaak aduna lomba naaidaba hingba phaaoba maadu ngakchaagani. 26 kanaagumbana eibu thougan tourabadi, mahaakna eigi etung enja-sanu, adugaa eina leiba mapham aduda eigi enaaisu leigani, kanaagumbana eibu thougan tourabadi, eigi epaana mahaakpu ekaai-khumnagani. 27 houjikti eigi thawaay waare, eina kari haaygani? epa pungpham asidagi eibu kanbiyu, adubu maram asigidamak eina pungpham asida laakpani. 28 epa, nahaakki ming matik mangaan chaaohallu, adudagi swargadagi khonjen amaa haayraku, 'eina maadubu chaaohn-khre, adugaa amuk henna chaaohn-gani', 29 maram aduna manaakta leplamduna taaraba miyaam aduna haayrak-e, maasi nongkhongbani, ateisingna haayrak-e, swarga-dut amanaa maangonda waa ngaangle.
30 Jesus-na makhoyda khumkhi, khonjen asi eigi maramgi damak laakpa natte, adubu nakhoygi maramgi damakni. 31 houjik taaibang paanba asigi waayelba oiri, houjik taaibang paanba asigi mapu taanthokkani. 32 makhoyna eibu leibaaktagi thaanggatlabadi, eina mi pumnamakpu enaakta chingsingani, 33 touegumsung mahaakna haayba asidi, mahaakna sigadouriba adu matou karamna sigani haayba khanghanbani.
34 maram aduna miyaam aduna ebungngo-da khumle, Christ adudi lomba naaidana lei haayduna, eikhoyna waayel yaathang laairiktagi taare, adugaa migi machaa nupaa adubu thaanggatpa taare haayduna nahaakna karamna haaybage, migi machaa nupaa asi kanaano?
35 maram aduna Jesus-na makhoyda haay, amuk matam khara nakhoygi narakta mangaan adu lei, amaambana nakhoybu phadanaba, mangaan aduda chatlu, adugaa amaambada koychat chatpa mahaak aduna kadaayda chatlibano haayba khangde 36 nakhoy mangaan adu leiringeida, mangaan adugi machaasing oiraknanaba, mangaan adubu thaajou.
Judea leibaakki thaajadaba, adubu aaronba sebok khara phangba
Jesus-na waasing asi nganglaga theikhiduna, makhoydagi ebungngo-gi lotkhre.
37 touegumsung ebungngona asup yaamba khudam makhoygi mamaangda toubikhrabasu, makhoyna ebungngo-da thajaramde, 38 Eesor-gi waa taakthokpa Isaiahna haayramba waa adu thungnabani, haaybadi,
Eesor, eikhoygi paaodam kanaana thajabibage? adugaa kanaada Eesor-gi paambom phongdokpirabage?
39 maram asigi damak makhoyna thaajaba ngamlamde, maramdi Isaiahna amuk haay,
40 Mahaakna makhoygi mit tanghalle, makhoygi thamoi kanhalle, natrabadi makhoyna makhoygi mamitna ugani, makhoygi thamoina waakhal taagani, adugaa hallakani amasung eina makhoybu phahn-gani.
41 Isaiahna mahaakki matik mangaan ubaa amasung mahaakki maramda ngaangba matamda waaramsing asi haaykhi. 42 Adum oinamakpu ayaamba luchingba-singmakna ebungngo-da thaajare, adubu pharisi-singgi maramna makhoybu loisanggi kaangluptagi enthoktaananaba, makhoyna haidoklamde, 43 maramdi Eesor-na thaagatpadagi misingna thaagatpa makhoyna henna pamle.
Jesus-na ephong phongna tambibagi maru oiba waa kharadang
44 Amasung Jesus-na laaona haay,
eibu thaajaba mahaak aduna eibu thaajaba natte touegumsung eibu thaaraklaba ebungngo mahaakpu thaajabani. 45 Amasung eibu yengliba mi aduna eibu thaaraklaba ebungngo mahaakpu yenglibani. 46 Eibu thaajaba mi khudingna amaambada leitaananaba, eina mangaan oiduna taaibang-paanda laakle.
47 adugaa kanaagumbana eigi waa taaraga thajadrabadi, eina mahaakpu waayelde, maramdi eina taaibang paanbabu waayelnanaba laakpa natte, touegumsung eina taaibang paanbabu kanbinanaba laakpani. 48 Eibu yaadaba amasung eigi waa lousindaba mahaak adugi waayel mapu amaa lei, eina ngaangthok-khiba waa adumakna mahaakpu akonba numit aduda waayelgani. 49 maramdi eina esa ethantadagi ngangkhiba natte, touegumsung eibu thaaraklaba epa aduna, eina kari haaygadaba amasung kari ngaanggadaba adugi maramda mahaakna eingonda yaathang pire. 50 Amasung ebungngo mahaakki yaathang adu lomba naaidaba hingba oiribani haayba eina khang-e, maram aduna eina ngangli ngaangliba asi epaana eingonda haaykhiba adugumna eina ngaanglibani.