1 Kings 10
Sebagi maharanina Solomongi manaakta laakpa
(2 Miron:9:1-12)
1 Eeshorgi thoujaan phangba maramna Solomon yaamna shingi haaybasi Sebagi maharanina taarammi maramsina aruba waahang kayaamarum shem-shaaraduna Jerusalemda changyeng amaa touge khalladuna laaklammi.
2 Mahaakna laakpa matamda maru maraang, sanaa amadi mamal tanglaba ningnachingba khudon oinaa purakkhi. Solomongi manaakta laaklaba matamda mapukningda leiriba pumnamak haayjakhi.
3 Solomonna mahaakki waahang pumnamakki paaoukhum pirammi. Solomonna paaoukhum piba ngamkhidaba amatta leikhide.
4 Sebagi maharanina Solomongi loushing, shaagatliba yumshing,
5 Chariba chinjaak, phamnaaibashinggi mayum meikei, konungda leiriba manaai masen-shinggi heishingba, makhoyna shetliba phi, aduga Eeshorgi ningnashangda meida thaaduna touriba thougi potshing uraga thoidokna ngaklammi.
6 Maramsina mahaakna ningthou Solomonda haayrammi, "ireipakta leiringeida ningthougi leibaak ngaklon amadi loushinggi maramda tajakhibadu achumbani haayba houjikti khangjare.
7 Adubu ekhongna thongna maphamsida laaktriba phaaoba mina haaybadu ei thajaramde. Makhoyna eingonda haaykhibashingdudi ebungngogi loushinggi tangkhay amaa phaaoba youkhide. Eina tabadudagi Ebungngona shingbana mahelli.
8 Ebungngogi taaloishingsi kayaada nungaaina leiramgadouba. Ebungngogi nanakta leijaduna ebungngogi loushinggi meirigi mangaan phangjariba nanaaishingsi kayaada ningaijaramgadaba? 9 Ebungngogi napuroi Eeshordu thoina waangthoiba oisanu. Ebungngo mahaakna ebungngoda loushing pibiduna napuroi Eeshorgi phambaaldu tonghanbiri. Napuroina Israelbu thoidokna nungshibi. Maramsina ebungngo mahaakna makhoybu matam leibada ngaakpi. Pumnamaksigi mathakta ashengba amadi achumbadu leinanaba haayduna Ebungngona ningthoubu phambaal tonghanbire."
10 Maasi haayba loiraga mahaakna ningthou Solomonda khudon oinaa katchanaba purakkhiba sanaa kilo 4,140, maru maraang, mani muktanachingbadu pishinkhi. Ningthouna phangkhiba khudonshinggi manungda mahaakna purakpa maru maraangshingdumuk yaamba amukta thokkhidri.
11 (Hiramgi hijaaodu manaaishingna Ophirda honkhiduna thangji amadi mani mukta kayaamarum purakkhi.
12 Solomonna thangjidu shijinnaduna ningnashanggi amadi konunggi mapaandu khagatnakhi. Masidagi eshei shakpashingna shijinanaba pena amadi jantrashing shaakhi. Israelgi manungda asigumba thangji amuk haanna ubaa phangkhide.
13 Ningthou Solomonna Sebagi maharina apaamba potshing amatta waattana pikhi. Mahaakna ningthou Solomonda katchage haayna purakkhiba potshingdudagi henna pikhi. Asumna mahaak mareibaak youkhi.
ningthou Solomongi Lan-thum
(2 Miron 9:13-29)
14 Ningthou Solomonna chahi amada sanaa kilo 22,977 Khomjinlammi.
15 Asigisu mathakta lalonbashing, amadi Arabiaki amasung atoppa leibaakshinggi ningthoushingna ningthou Solomonda sanaa pikhi.
16 Ningthou Solomonna phudonglaba sanaadagi achouba chunggoi 200 shaakhi. Chunggoi amam-mamda sanaa kilo 6.9 Changkhi.
17 Mahaakna phudonglaba sanaana apikpa chunggoi 300 su shaakhi. Masidana chunggoi amamamda sanaa kilo 1.3 changkhi. Ningthouna haayribashingsi Lebanangi umangda leiriba yumduda thamkhi.
18 Ningthouna saamu mayaana phambaal amaa shaakhi. Maasida ashengba sanaana yomsinkhi.
19 Haayriba shinghasansigi khongkap tarukki siri amaa shaarammi amasung khongkap tarukki siri asigi aroiba nakan anida nongsha amam-mam shaaduna haplammi. nongsha mashing punna taraanithoi shurammi. Shinghasangi tungdana sanlabagi makok yektuna leiteng hapkhi. Shinghasangi paambom anidugi nakanda nongsha amam-mamsu hapkhi. Maalemsida leiriba ningthou paanba leibaakshingda asighumba shinghasan amatta leite.
21 Ningtho Solomongi chanathaaknaba paattra pumnamak sanaana shaarammi. Solomonna pallingei matamda silverdi thoidokna shingthaanaramde.
22 Hiramgi hijaaoga loynanaa Solomonna hijaao thaaduna eeshingda lalon-itik chaaokhatnaba tourammi. Chahi ahum khudinggi hijaaodu sanaa, silver saamu maya, yongjao amadi yong machaashing puduna hallaaklammi.
23 Ningthou Solomonna maalemsida leiriba ningthoushingdagi Lan-thum amadi loushing shingba hellammi.
24 Eeshorna mahaakki pukningda happikhiba loushinggi meiridugi mangaandu phangjanaba Solomongi manaakta laakcharammi.
25 Haayriba ningthoushingsina laakpa matamda sanaa, silver, phijet, leiteng, manam nungshiba pot, maru maraang, shagol, khachacharnachingba chahi khudinggi khudon oinaa purakrammi.
26 Solomonna dolai amadi shagol laanmi shemgatkhi. Mahaakki shagol garigi thouba 1,400 leirammi aduga shagol laanmigi mashingna 12,000 shurammi. Kharana Jerusalemda thamlammi aduga atei atoppa maphamshingda thamkhi.
27 Solomonna pallingeida silversi nunggumna mamal leitba potni haayna lounakhi. Deodar paambisi achamba upaalshinggumna mapaan naaidana houkhi.
28 Ningthou Solomongi manaaishingna Egypt amadi Siriyada leiriba shagolshingdu atoppa lamda yollammi.
29 Egypttagi dolainachingbasu makhoyna leiraga atoppa lamda yollammi. Makhoyna Hitti amadi syriagi ningthoushingda shagol amadi dolai yollammi. shagol amada silver shekels 150 oirammi aduga dolai amadana silver shekels 600 Ta yollammi.