James 3
Lei khudum chanba
1 Eigi echin-enaaosha, eikhoyna henna lumba waayel phanggani haayba khaangduna, nakhoy ayaambana tambiba mi oiganu.
2 Maramdi maram ayaambada eikhoy pumnamakna khudi thi. Kanaagumbana waaheida khudi thidrabadi, mahaak adu changkhonba nupaani, amasung masha apumbabusu yachn chanba ngammi.
3 Aduga sagonna eikhoygi haayba ennanaba, makhoygi machinda yachan haaplabadi, eikhoyna makhoygi masha apumbabusu koirei leiba ngammi.
4 Hi makheisu yeng-u, asup chaaorabasu, amasung akanba nungshitna humlabasu, hinao shaaba mina leiningba maaykeida asup pikpa hinao-nouna koilei leihalli.
5 Adugumduna leisu hakchaang kaayat apikpa amani, amasung achou achouba waa ngaang-e. Yeng-u, kayaa pikpa meirik amanaa kayaa chaaoba umangbu chakliba! Amasung leidi meini.
6 Eikhoygi hakchaang kaayatki marakta laaina ayol arangi taaibang-paan gumbani. Lei asina hakchaang apumbabu makhalli, punsigi chakrabu meida thajilli, amasung maasibu norokna meida thajilli. 7 Maramdi shaa amasung uchekki, mapukna shittuna chatpa amasung samudrada leiba potki makhal khuding tehannei, aduga mioibana makhoybu tehalle,
8 Adubu leibudi mi kanaa amatana tehanba ngamde; madi atatpa leidaba phattabani, amasung shiba yaaba huna thalli.
9 Masina eikhoyna Eeshor epaabu thaagatnei, amasung masina eikhoyna Eeshorgi mawongda shemkhraba mishingbu siraap tounei.
10 Chin adumaktadagi thaagatpasu siraap toubasu thok-e. Eigi echin-enaaosha, asishing asi asum oiroidabani.
11 Eephutna machin amatadagi athumba amasung akhaba eeshing kapthoklakpraa?
12 Eigi echin-enaaosha, heiyit mapaanna chorphol mahei, nattraga angur marina heiyit paanba ngambra? aduga thumhina aphaba eeshing oihanba ngambra?
Aranba amasung achumba loushing
13 Nakhoygi narakta shingba amasung heiba kanaano? Mahaakna loushinggi nollukpaga loynanaa mahaakki thabak makhei aphaba machat matouna utsanu.
14 Touegumsung nakhoygi thamoida yaamna khambanba amasung marannai tanba leirabadi, chaaothokkanu amasung achumbagi mathakta minamganu.
15 Loushing asi mathaklomdagi kumthaarakpa natte, Prithibigi, shaagi amasung bhukti machat oibani.
16 Maramdi khambanba amasung marannai tanba leiba maphamba waathok laanthok amasung phattaba thabak pumnamak lei.
17 Touegumsung mathaklomdagi oiba loushing adudi ahaanbada ashengbani, matungda engthaba paamba, pukning thotpa, haayjabada laiba, nungshiheibana amasung aphaba maheina thanba, chingnadaba, aphasaajaningdaba oi.
18 Amasung dharma chenbagi maheidi engthahanbibashinggi damak engthabada hullibani.