Isaiah 10
10 Aranba yaathang touriba-sing, tamthiraba thabak tounanabagi yaathang piribasing,
2 Achumba toubadudagi laairaba-singbu lamamaangnahallibasing, eigilaairaba-singdagi ee chupluba thouraanglibasing mapuroiba leitabisingdubu lanni haayna ninglibasing, mapaa mamaa leitbasingdubu tumma maanghallibasingdugi mathakta awaabanida.
3 Nakhoyna touriba araanba thabaksingsigi dandi pigadaba numittuda nakhoy kari tougani? athaap-padagi laakkadouriba nonglei nungsittugi mamaangda kari tougani? nakhoyna kanaagi maphamda matenggidamak chen-singani? Matamduda nakhoyna mapham keida naran nathumdu thamgani?
4 Bandi leiraba misingdubu neiba nattana makhoyna tougadaba karisu leite, asiba-singgi marakta changba nattana makhoyna touningai karisu leite, Haayriba maramsingsina ebungngo-gi meigumna saaobadu muttri, tingthokpa leptri ebungngo-gi khuttu.
Assyriagi ningthoubu sijinnaba
5 He Assyria eigi asaaobagi chei, eigi meiga mannaraba asaaobadugi cheisudu laakle,
6 Phattaba thabak touba Jaati amagi mamaangda eina Assyriabu thaagani, eina saoduna leiriba misinggi mathakta mahaakpu thaagani. Lougani mahaakna lan thumsing adugaa neikhaaygani, laambelda leiriba leikhombu nettuna chatpagum chatkani mahaakna makhoygi mathakta.
7 Adubu mahaakna haayribasi touganba, mapukningda chap chaana khalle, adubu mahaakki pukningda manghantahange haayna khalli, mahaakna maalemsida leiriba Jaatsingbu maanghallage haaybasisu khalli.
8 Mahaakna haayri, “eigi luchingba-singdu loynaba ningthou ngaakta nattra?"
9 Calno Carchemis mannadra? Hamath Arpad mannaba nattra? Samaria Damascus mannaba nattra?
10 Lai murti latpa leibaaksingdu youre eigi khutsi, Samaria amadi Jerusalemgi nungna saaba murtidubudi makhoygina henna chaaoi
11 Samaria amadi mahaakki laai murtisingda eina toukhibagumna, Jerusalem amadi mahaakki laai murtisingdadi eina touroidra?
12 Eesor-na Jerusalem amadi Zion chingda tougadaba pumnamak touba loirabada Assyriagi napan touraba ningthoudu dandi pigani.
13 maramdi mahaakna taakpiri, “eigi epaanggaltana maasi toukhrabani, eigi lousingtana maasi thokhal-labani maramdi eingonda khngba ngambagi paanggaldu lei. Eina misinggi lamgi ngamkheidu manghankhre. Makhoygi lan-thum pumnamak eina manghankhre. Singhasanda phamliba singdu eina sanlaba amada toubagumna marai lukhallabani.
14 Misinggi marandugi mathakta oiri eigi khutsi laangi matougumna, laambelda taaduna leiramba yerum khomjinbagi matougum, eina maalem pumbaa khomjinlabani, makhut masa haayba kanaanasu ngamloi, machin kangthoktuna waa ngaangba kanaanasu ngamloi.
15 Singjang thaariba miduda singjangduna matomta chongsinduna yaangadra? Horai sariba nupaaduda masina matomta hanjinna lengadra? Karigumba haayribasi thoklabadi che thaanggatliba nupaadubu cheiduna ngamba tari, u nattaba midubu cheiduna ngamba yabra?
16 maramsina nongthak nongkha anigi mapu, Eesor-na mahaakki paanggallaba laanmisinggi mathakta marai tahan-gani. mahaakki matik mayaaigi marumda meiri thok-han-gani. maadu mei chakpagi matougum oigani.
17 Israelgi mangaandu meiri oingani, Sengthoiba ebungngodunachakliba meirigum oigani mahaakki tingkhang amadi masa marengsingdu chakthektuna nongmagi manungda maanghan-gani.
18 Mahaakki umanggi matik mayaai amadi mahei marong pharaba lamdu, manung mapaan khaktana Eesor-na maanghan-gani. Haayriba matousi anaaba mi amanaa aroiba sor honbagi matougum oigani.
19 Mahaakki umanggi leihougadouriba saruktu asukki matik yaamloi, angan amanasu makhoygi masing areppa eba ngamgani.
Mi kharatamak hallakkani 10:22-23 Rom 9:27.
20 Adugumba numittuda Israelgi eremkhaksing adugaa Jacobki emung manunggi leihouriba singduna makhoybu thina touba nupaaduda nonjaroi. asengbamak makhoyna Israelgi asengba mapu ebungngo Eesor-da changjagani. 21 Jacobki eremkhaksinggi maraktagi eremkhak amaa paanggallaba Eesor-gi makada hallakkani. 22 Israelgi mising samudragi leingoimuk yaamlabasu masing kaklaba eremkhak kharadamak hallakkni. achumbana mangoinaduna mangtakpa haaybasidi soydana laaklagadabani 23 maalemsida leiriba misingsi yaathang toukhiba matung ennaa nongthak nongkha anigi mapu, Eesor-na aroiba numittu lakhallagani.
Eesor-na Assyriabu thaarakpa
24 Nongthak nongkha anigi mapu, Eesor-na haairi: "he eigi misa, Zionda leiriba, Assyriagi misingna nakhoybu haatpa matamda makhoybu kiganu. Egyptta leibasingna chei paayduna nakhoygi mayokta chei thaanggatpa matamda akibaa ethin phaoganu. 25 maramdi matam kharagi manungda eigi asaaobasi nemthagani. eigi asaaobasina mangoinaduna makhoygi mangtakpa haaybadu oigani. 26 Obeb kouba chingda Midiansingbu mahaakna manghankhibagumna nongthak nongkha anigi mapu, Eesor-na makhoygi mathakta chei thaagani. mahaakki cheidu samudragi mathakta thabigani. maasibu mahaakna Egyptta toukhibagumna thaanggatpigani. 27 Haayriba numitsida mahaakki awaabadu marengbaandagi louthokpikhigani. mahaakki potpudu nahaakki nangaksamdagi louthokpikhigani. "
Laandabasingna laaksillakpa
28 Mahaak Rimmonda chatkhre, mahaak Aiathta laakle, mahaak Migron phaaoduna chatli, Michamasta mahaakna mapot machei piri.
29 Makhoyna lam thaapna chatli, Gebada ahing lekkani. maramsina Ramah thak thak nikle, Saulgi Gibeah lamdam tamna chenkhre.
30 He Gallim!gi mamomloisa, khonjen houna laoro, he Laisagi machaa pukning changna taro, he Anathoth mahaakki hangjariba waahangdugi paaoukhum pikho.
31 Madmenah chen-gadabagi thouraangle, Mathawaai kanjanaba Gebimda leiriba misingna chelli.
32 Ngasimak mahaakna Nobta leigani. Mahaakna makhut haaygani, Jerusalemgi ching Ziongi mamomloisingda.
33 Yeng-u, nongthak nongkha anigi mapu, Eesor-na akibagi masak phanglaba magun puthoktuna unsasingdu manghan-gadouri. Khwaaidagi waanglaba matondu nemna putharakkani, awaangba maphamdu mahaakna temthokkani,
34 Mahaakna singjang amaa paidung Khwaaidagi songlaba umangdu yaanthagani, Lebanandi masaagi matik mayaai leiba usingduga loynanaa tugani.