2 Chronicles 12
Egyptna Judahda landarakpa
(1 Ning 14:25-28)
12 Rehoboamna mara chetna panba houraklabada aduga mapanggal leina leibak ngaklabada mahakna amadi Israelgi mishingna Ishor-na pikhiba puyadu inna chatlamde. 2 Makhoina Ishor-bu langsekkhiba maramna ningthou Rehoboamna panba mangasuba chahida Egyptki ningthou Shisakna Jerusalemgi mathakta landara klammi. 3 Mahakna dolai lanmi lishing taraga, sagol lanmi lishing humphuga puraduna landarakkhi. Egypttagi Shisakka lakminnakhiba mishingdu mashing thiba ngamkhide. Masida yaorakkhiba mishingdi: Libyan, Sukki, amadi Sudann. 4 Mahakna Judahdagi Jerusalem phaoba taksillakkhi. 5 Shisakna landarakpasida Rehoboam amadi Judahgi ningthou machasingda laklaga maichou Semaiahna hairammi, "Ishor-na asumna takpiri: Nakhoina eibu hunjekle maramsina eina nakhoibu Shisakki lamduda hunjekkani.
6 Masi thabada Israelgi ningthou machasing amadi ningthou Rehoboamna mapukning waraduna haijarammi, "Ishor-di asengba louthup loukoi leitaba Ibungoni."
7 Israelgi mishing amadi ningthoudu maran haidokle haibasi urabada Semaiahgi maphamda Ishor-na laibao tharak-i. Ibungona hairammi, "makhoi maran masak khanglabanina makhoibu ngaksenbiragani. Makhoibu kanbinaba ama eina makhoida pibigani. Adubu Shisakna landarakpa matamda makhoi khangba wagani. Adum oinamak eina saokhibadugi meiridugi mariktudi makhoigi mathakta tahalloi. 8 Ama oirabasu ama oirabasu Shisakna makhoibu maithiba pigani aduga eibu latpaga taibangsida leiriba laisingdu latpaga anigi khetnabadudi ningthijana khanglagani."
9 Matou asumna Egyptki ningthou Shisakna Jerusalem phaoba taksillakkhi. Mahakna Lainingthou Ibungogi ningnashangda leiriba lan thum pumnamak loukhi. Konungda leiriba Lan-thumsingsu amatta khaklamdana pukhi. Solomonna saramba sanagi chunggoisingdu mahakna loukhi. 10 Ningthou Rehoboamna hairibasingsigi mahutta pithraina chunggoi saduna thongakpa phamnaibasingda sinnakhi. Phamnaibasingduna thonggalsu sarammi. 11 Ningthouna Ishor-gi ningnashangda lakpa matamda phamnaibasingduna hairibasingsi puthoklaga utlammi. Ningthou hankhraba matungda thongngakpasingduna hairibasingsi amuk hanna pusinkhi. 12 Mahakna maran leire khanglabada aduga madumak Ishor-da haidokcharabada Ishor-na saorambadu nemthakhi. Maramsina Judahbu pungmang manghanbadi toukhide aduga matungda Judahgi phibam phagatlakkhi.
Rehoboamna pallingeigi asamba wari
13 Rehoboamna Jerusalemda ningthou oina pankhi aduga mapanggal kanba hen-gatlakkhi. Rehoboamna ningthou oiba matamda masagi chahi niphumathoi surammi. Ishor-na matik mayai ngalhange haiduna khandokkhiba sahar Jerusalemda chahi taret ningthou oina pankhi. Mahakpu pokpi mamadi Naamah koubi Amoni ningol oirammi. 14 Rehoboamna phattaba thabak touduna Ishor-gi tung inkhide.
15 Rehoboamna toukhiba thabaksing ahoubadagi aroiba phaoba maichou Semaiah amadi maichou Iddona iramba itihaski lairikta yaori. Atatpa leitana Reho-boam amadi Jeroboam ani lan thengnakhi. 16 Rehoboam nonggaraba matamda Davidki saharduda potloikhi. Mahakna pokpa machanupa Abijahna ningthou oikhi.