Jeremiah 17
Judahgi araanbagi mahei awaaba
1 Yotki khorjei paayduna Judahgi paapshingdu isilli. Manina shemba machin panduna eri masina makhoygi thamoinu-ngda. Yekli masina makhoygi phaankhonggi chidaida.
2 Makhoygi phaankhong amadi ashengba ukhongshingdu masha shaandoktuna houriba u, awaangba mapham, chingnachingba mapham khudingda lei. Leiri lamhaangda taariba leibaakshingduda nakhoyna touba paapki mahei
3 Nareibaak shinba thungna nakhoygi paapki ethin leiribadugi maramna nakhoygi naran nathumdu laanda loina puhankhigani.
4 Nakhoygi napaa napudagi phanghouba lamdu eina nakhoyda piraroi. Nakhoyna khangdriba lamduda nakhoybu thaaduna nakhoygi yeknabashinggi minaai oihan-gani. Maramdi mutpa nairaroidaba meidu eina shaaoba maramdagi nakhoygi nathakta taagani.
Makhal makhaagi waahai kaya
5 Eeshorna asumna taakpiri: taaibang mioibada thajariba mi, taaibangmida matenggidamak changjariba midu awaabanida, adugumba nupaaduna Eeshorgi manaakta changyaade.
6 Leikanglada houriba paambigummi, uraroi masina aphaba haaybadu, hougani masina lamhaangda leiriba chinglakta, lengani mapunsi mi leiba ngamdaba thumhi oiba lamduda.
7 Eeshorda thajariba midu numgaibani, thamjariba Eeshorda aroiba thaajabadu,
8 Ishing leiba maphamda houba u paambigummi. Mahaakti thokhalliba mayon echelduna, kide masina nungshaagi meishaa laakpa matamda, maramdi masigi manaadu matam leibada sngdunata lei. Ekang thaada masina thoina khoiraangba leite, maramdi maasi mahei yaandana leiba matam leite.
9 Taaibang mioibagi thamoisi leiriba potshinggi marakta Khwaaidagi lounam touba potni, haayningai leitana marin shengde, kanaana mioibagi thamoibu knganga ngambage?
10 Eeshor oiriba eidi thamoibuta yeng-e, pukningbuta chaang touwi, pibi eina manaa manaa touba thabakki matung enna, manaa manaa touba thabakki maheidu phanghanbi eina
11 Urembina mashaana kokpa marum nattabadu pusilli makonda, asigi matougumbani kanaagumba namthaak touduna lan peisilliba nupaadusu mahaakki punsi tangkhay chandringeida thaamlamgani maasibu mahaakna, mameithangda mahaak apangbani haayba praman chap chaana phang-gani.
12 Matik mayaai leiraba shinghasan, leiraknaba yelhoungeidagi, oiriba eikhoygi ningnashang, he Eeshor, ebungngoda Israelgi asha pumnamak leiri,
13 Ebungngo nahaakpu hundokpashingdu ekaaiba nanggani, leibaaksida leiriba mishing ebungngobu ningdabashingdu marai lukhan-gani, hingbagi eephut oibiriba Eeshorbu makhoyna khonggaonare.
Jeremiahna Eeshorda tengbangnaba haayjaba
14 He Eeshor nanaaibu yengshinbiyu. Adu oirabadi nanaai ashoy angaam leiraroi. Nanaaibu kanbirabadi amaang ata leiroi. Maramdi nahaaktani eigi changjapham haaybabu.
15 Yeng-u, makhoyna eingonda haayri," Eeshorna waa ngangbiri haaybadu kadaaydano? Ngaklasanu."
16 Nanaigi ethakta phattaba thoknanaba ebungngoda haayjaba natte, mang taknabagi mashak oiraba numittu laaknanaba haayduna ebungngoda haayjabasu leite, khangbiri maasi Ebungngona . Eigi echindagi thokkhiba waashingdu ebungngogi maangda leiri.
17 Nanaibu kihanbiganu, awaaba taaraba numittuda Ebungngona nanaaigi changjapaham oibiri.
18 Nanaibu ot neiribashingdu dandi pibiyu, nanaaibudi ekaaiba nanghanbiganu, makhoybu lammuknahanbiyu, nanaaibudi lammuknahanbiganu, thok-hanbiyu makhoygi mathakta awaabana thallaba numittu, makhoybu thoina henna mang tak-hanbiyu.
Pothaba numit ngaakpa
19 Eeshorna eingonda asumna haayrammi, "Benjamin kouba sannathong Judahgi ningthoushingna chatthok chatshin toribaduda chatlaga leptuna leiyu. Leplucho Jerusalemgi sannathongshingdudasu chatlaga.
20 Makhoyda haayyu, "he Judahgi ningthoushing, taro Eeshorgi yawaadu. Sannathongsi phaaoduna chatliba Jerusalemgi mishing nakhoysu taro Eeshorgi yawaasi.
21 Eeshorna asumna taakpiri: nakhoygi napunsidu yengduna waaphamsi munna taro. Potthaaba numitta potlum puganu. madu Jerusalemgi sannathong phaaoduna nungthinda pusillakkanu.
22 Potthaaba numitta nakhoygi nayumgi mapaanda potlum puduna chatkanu. Potthaaba numitta thoina thabak enkhang touganu. Nakhoygi napaa napushingda eina yaathang toukhibagumna potthaaba numit-sibu shengna thammu.
23 Adubu eina haaybadu nakhoyna taakhide. Thoinadum mangak kankhi. Makhoyna eina piba paaoutaak loukhide.
24 Eeshorna taakpiri "karigumba nakhoyna eina haayba ellabadi potthaaba numitta sannathongsi phaaoduna potlum amaa phaaoba pusillakkanu. Potthaaba numitsisu shengna thamduna thoidokpa thabak amatta touganu.
25 Adu oirabadi Davidki shinghasanda ningthou oinaa phamlagadaba ningthoushingduna sannathongsi phaaoduna changgani. Makhoyna dollai amadi shagol tongduna makhoygi manaai mashan luchingbashing, Judahda leiriba mishing aduga Jerusalemgi mishingna tung enduna laakkani. Aduga haayriba saaharsi matam leiba khibikta mi taaba mapham amaa oinaa leiragani.
26 Judahgi saaharshing, Jerusalemgi akoybada taariba lamshingda leiriba mishingna Eeshorgi ningnashangda meida thaaduna katnnaba thougi potlam, mahei maronggi thougi potlam, dhup amadi thaagatpagi thougi potlamnachingba puduna laakkani.
27 Potthaaba numitsi shengna thammu haayna eina nakhoyda haaykhiba amadi potthaaba numita Jerusalemgi sannathong lansillakpa matamda nakhoyna paapki potlum puduna laakkanu haaybasi endrabadi, nakhoygi sannathongshingsi eina mei thaadokkani. Masina Jerusalemgi konungshingdu chakkani aduga maasibu muthatpinaba kanaasu leiroi.