Proverbs 30
Agurna phongdoklamba waashing
1 Jakehna pokpaa Agurna haayramba maru oiba waashing: "Epuroina eigaa loinabidre, epuroina eigaa loinabidre. Maramsina eigak toupham khangdre.
2 Eihaak miramchatpudi shaaramchatna henna waangle, mi amanaa leigadouba lonchattu eingonda leitre.
3 Loushing leitre. Epuroigi maramda eihaak karisu khangdre.
3 Nongmadon-gi loushingbu kanaana khangba loibage? Nungshitpu kanaana phaaba ngambage? Phida eeshingbu haappa yabra? Nattraga maalemsigi ngamkhei leppa ngambra? kanaano khanglabadi haayyu? Mahaakna pokpaa machaanupadu kanaano?
5 "Epuroina waashakpikhiba pumnamak thunghandaba leite. Ebungngobu thijabashinggi maphamda ebungngodi chunggoigumbani.
6 Ebungngona haaykhidaba waadu nakhoyna Ebungngona haaybani haayrabadi shoydana Ebungngona nakhoybu dandi pigani aduga nakhoy minamba mini haaygani."
Makha taaba paaorou
7 Epuroi, nanaai shidringeida potlam anitadi pinabinaba haayjari:
8 Minamba nganghanbiganu aduga nanaaibu enaksu khulhanbiganu aduga laairaba misu oihanbiganu. Nanaaigi nongmagi changgadouba potshingduta phanghanbiyu.
9 Karigumba eigi achangbadudagi henna leirabadi epuroibu nanaaina kaaothokkhiba yaai. Aduga karigumba eihaak laairaba amaa oirabadi migi mapot huranluduna epuroigi maaythiba oihanbasu yaai.
10 Minaai amagi phattabadu mapuda tamsilluganu. Asumna tourabadi nakhoybu siraap pibigani.
11 Mapaabu cheiba adugumba aduga mamaabu usittaba mishingsu marei.
12 Hek yaribamakhei shengdraba mi kayaa lei adubu makhoy mashaanadi ashengbani haayna ning-e.
13 Makhoydagi henna phaba mi atei amaa leitre haayba mi kayaa lei.
14 Laairaba amadi leijadraba mi kayagi mathakta tamthibagi mashak phanglaba khudongchaba loubagi mi kayasu lei. Asumna makhoyna hingnanaba pambei thiri.
15 Kakphei amagi machaanupi ani leirammi aduga animakki maming "piyu" kourammi. Penba naaidraba pot mari amasu leiri:
16 Ashingbagi taaibang, machapoktabi nupi, akangba leimaayda eeshing taba, kanba ngamdraba mei.
17 Mapaabu usittaba nattraga mamaduna ahal oiraba matamda lunaa toudaba machadu langjana chaabana matik-chai nattraga adugumba nupaadu kwaakna mamit kothokpana matik chaay.
18 Khangbada luraba pot mari amasu leiri:
19 Achouba uchekna nongthakta paiba, chingda linna chatpa, hijaaona achouba eemaayda taoba, nupaa amadi nupi ani nungshinaba
20 Mapuroibabu lunaa toudabi amanaa asumna chatli: Mahaakna mawaa ngangnaruraga erujathoktuna haaygani, "eihak karisu araanba toukhide. "
21 Maalemsina khangba ngamdaba potlam mari amasu leiri:
22 Minaaina ningthou oirakpa, apangba mina apaamba pumbaa laaina phangba
23 Tukkachaningai oibi nupi amanaa mayum panba, minaai nupina mabemmagi mahut shinba.
24 Taaibangsida apikpa jibaa mari lei. Makhoydi thoidokna ashingba jibaashingni:
25 Kakchengshing: Mapaanggal sholli. Adubu kalenda makhoyna machinjaak tanshinduna thammi.
26 Nungaai marakta leiba uchekshing: Makhoysu mapaanggal shonba jibaani. Adubu nunglakta makhoygi leinaba mahum shai.
27 Koujengshing: Makhoygi makok oibinaba ningthou leite adubu lingjel maannei.
28 Chumshing: Khutna phaaduna thamlabasu konung phaaobada shinba thungna lei.
29 Chatpada yengba nungaaiba jibaa mari amasu leiri:
30 nongshashing: Khwaaidagi kanba aduga kanaabusu kidaba amani.
31 Haamengshing, masong phandoktuna chatliba yenba, miyaamgi mamaangda lepliba ningthou.
32 Karigumba phattanabata touduna migi mangnabata sillibadu thaadokke haayrabadi khudakta waakhan khanthou.
33 Shanggom neiraga shanggom mapaan thokpani. Kanaagumba amagi manaatonda kinna thillurabadi ethokpani. Karigumba shaaohallabadi khudongthiba nangbani.