Psalm 85

Leibak chaaokhatnaba haayjaba

1 Eeshorgi leibaakni haayna leiribasida ebungngogi thoujaalgi erik utpiri, Jacobki chaaron-shuronda Ebungngona amuk haanna kubire.

2 Makhoyna toukhiba araanba pumnamak kokpire, yollaba kayasu ngaakpire.

3 Ebungngona makhoybu shaaobirambadu tokpire, ashaaoba meimutpire.

4 He epuroi, laanbiba mapu, nanaai eikhoybu konshinbiyu, nanaai eikhoybu nungaaibidabadu tokpiro.

5 Matam kaktana nanaai eikhoybu shaaobikhigadra? ebungngogi ashaaobadu meimutpiroidra?

6 Nanai eikhoygi epaanggal happiyu, ebungngogi nanaai oiriba eikhoyna thaagat-chaagani.

7 He Eeshorgi chetna channa nungshibadu uhanbiyu, ebungngogi kanbibagi mangaandu nanaai eikhoyda pibiyu.

8 Eeshorna taakpiba pumnamak nanaai eina taajari, ebungngogi mini haayna leiribashingduda leitaana palhanbigani taakpi. Pumnamaksi eikhoyna apangba thabak toudrabatada oigadouribani.

9 Ashengbamak ebungngobu ekaai-khumnaba mishingdubu Ebungngona kanbigani. Eikhoyna leiriba leibaaksida Ebungngona lengdana leibigani.

10 Nungshibaga thaajabaga amatta oigani, achumba amadi engthaba anisu amatta oigani.

11 Taaibang migi ashengba pukcheldu koirou yougani, Eeshorgi ashengba matiktuna maalemsida youhanbirakkani.

12 Eeshorna eikhoybu yaaiphahanbigani, eikhoygi leibaaksida mapaan naaidana mahei lokkani.

13 Achumbana Eeshorgi maangda lamyaan-gani, ebungngogi damak achumbana lamjinggani.