Colossians 2
Christaga amata oiba amasung minamba lousinggi maheigi marida mitna singhanba
2 maramdi nakhoygi damak, Layodik eyaaida leibasinggidamak amasung eigi isak udriba ayaambasinggi damak eina kayaa kanna angam talliba, 2 haaybadi, nungsibana tungsitnaduna, khngbagi aoiba matougi ayaamba pumnamakta, Eesor-gi athuppa wa, Christa-bu pumkhng khngba phaaoba,makhoygi pukning themjinbinanaba, eina nakhoybu khanghanjaningi; 3 ebungngo-da lousing amasung maheigi laal pumnamak lotli. 4 kanaagumbana nakhoybu waaheigi thembana namthaak toudananaba, asi eina haayri. 5 maramdi ei esa leitrabamaksu, eina haraaona nakhoygi chaang naaiba amasung Christada nakhoygi thaajabagi achetpa adu yengduna ethawaainadi nakhoyga loinajari.
6 maram aduna nakhoyna Christa Jesus Eesor-bu lousin-jabagumna ebungngo-da chatsu chatlu, 7 ebungngo-da marasu tathaba, sasu saagatpa oiduna amasung nakhoybu tambikhibagumna nakhoygi thaajabada chettuna thaagatchaba yaamkhatlu.
8 Christagi matung enba nattana, misinggi mathang mathang taarakpa waa matung enba, taaibang-paangi maru oiba chatnabigi matung enba, kanaagumba mina mahaakki mahei masingna amasung karisu nattaba minambana nakhoybu phakhiba yaai haayduna cheksil-lu.
9 maramdi ebungngo-da Eesor-gi oibagi athanba pumnamak hakchaang oinaa palli; 10 adugaa ebungngo-ga loynabana nakhoybu thal-hanbire; ebungngodi mapu amasung paanggal oiba pumnamaki makokni 11 Khutna semba nattaba un kakpana ebungngo-da nakhoybusu un kakle haaybadi, mioibagi hakchaanggi oiba hongdoktuna Christagi un kakpadani; 12 buptized loubada ebungngo-ga loynanaa nakhoybu phumminare, adugaa maaduda, ebungngobu asiba-singgi maraktagi hinggatpiraba Eesor-na touba thabakta thaajabagi mapaanna nakhoybu ebungngo-ga loynanaa hinggatpire. 13 Amasung nakhoybu, haaybadi nakhoygi nasagi ayol arangi amasung nakhoygi nasagi un kaktabagi marampa siraba nakhoybu, Eesor-na ebungngo-ga loynanaa hinghanbire; eikhoybu eikhoygi ayol aran pumnamak thoujan-biduna,
14 eikhoyda ona teinaramba, eikhoybu yeknaramba waayel yaathang adugi khutigi waarep adu muthatpiraduna, maadu crossta yotpi thajinduna, eikhoygi eraktagi maadu ebungngo mahaakna louthokpire; 15 Mapu amasung paanggal oiba makhei munthoktuna crossta makhoygi mathakta maay paaktuna, ebungngo mahaakna ephong phongna makhoybu utpire.
16 maram aduna chaabada, thakpada, nattraga chaak-khangba numit, nattraga thanou, nattraga potthaaba numitki maramda mi kana amatana nakhoybu waayeldasanu. 17 Masising asi oigadaba thabakki mamini; adubu masadi Christagini. 18 mi kana amatana nakhoygi manaa adu maningtamna nollukchabagi amasung swarga-dut singbu ningbagi mapaanna nakhoydagi munthoktasanu; mahaakna ukbhiba pot aduda khubaam oiduna, mahaakki hakchaanggi oiba pukningna arembada chaaothok-e; 19 adugaa asigumba asina makok adubu chetna paide; makok adudagi tangsam tangsamgi amasung tingsam tingsamgi mapaanna samjinba amasung tusinba hakchaang pumnamakpu Eesor-gi chaaokhatpana chaaokhatli.
20 Taaibang-paangi maru oiba chatnabidagi nakhoyna Christaga loynanaa siminnarabadi, taaibang-paanda hinglibagumna. nakhoy nasa nathantabu karigi waayel yaathanggi maakha pollibage? 21 Paisu paignu, tangsu tangganu, soksu sokkanu, 22 pumnamak asi misinggi chatnaba yaathang amasung paaoutaak matung ennaa sijinnabada maangnanaba oiribani. 23 thabak asi masa masaana semgatchaba laining lambi chatchabada, nollukchabada amasung masa masaabu laknajabada lousinggi mingchat leirabamaksu, hakchaanggi maningtamba adu khamnabagidamak kari amata kaannaba leite.