Job 4
Ahanba marei (4:1,14:22)
Eliphazna ngangba hourak-i:
4 1-2 Job, eihak wa khara ngangningi aduga masina nahakpu thoidokna nungngaihandaba touroi haina ningi. Eihak wa ngangdana tuminna leiba ngamlaktre.
3 Nahakna mi kayada paotak pibikhi, atonba kayadasu panggal happikhi.
4 Khudi thiraba mi kayada nahakki wangangdana sougatkhi, makkhong thaba thoktaba kayasu nahakna sougatpikhi.
5 Adubu houjikti nahakki nathakta awaba tare aduga masi nahak khangba ngamdre, Masina nahakpu khurouchalle aduga masina maram oiduna nahakchammanare.
6 Nahakna Ipuroibu thajei aduga madugi mahei oina nahak ayon aran toudaba mi amani, maramsina houjiksu khongpham lengdana leibaduna hingnabagi mangal oiri.
7 Houjikti wakhal munna tou achumba kanana awapham phangbage?
8 Eina khangbadi mina phattaba thabak toui aduga phattaba thabaktu maru hunbagumna hulli, madugi mahei oina phattaba lok-i.
9 Nongleina humkhibagumna Ipuroina makhoidubu tumna manghanbiri.
10 Phattabasingna nongshana khek laobagumna khongduna khangi, Adubu Ipuroina makhoibu mamu thudek-i.
11 Hatningai phangdraduna chaba phangdraba nongshagumna, makhoi aroiba sor holli aduga makhoina pokpa machasingdu choijainana mangduna tok-i.
12 Matam amagi wani yamna lonna thokkhiba, lonna thokkhiba oiba maramna taba phaoba phangkhide.
13 Akiba mang mangbagi matougumna eihak tumba ngamkhide.
14 Eihak kimanduna ni klammi, kimanduna thak thak niktuna khanglammi.
15 Nungsit liri liri sitpagumna eigi imaida yeirammi, kibadagi isam chap-chap yunglammi.
16 Imangda karigumba ama leptuna leiba urammi, Eina munna yenglammi adubu karino haibadudi laksinba ngamkhide. Achikpadu thugairaduna khongjen ama laklammi.
17 "Ipuroigi mityengda aranba itou toudaba leibra? Nattraga leisemba Mapugi mangda asengba kana leibage?
18 Ipuroina koirouthakta leiriba loina phaoba thajade, Ibungogi mangda thougan touriba dutsing phaoba maran leiribani.
19 Leibaktagi oirakpa jibabu Ibungona thajagani khanbra? Leisougumna noikhaiba yaba uphuldagi semba adubu kari thajagani?
20 Mi haibasidi ayukta sidrabasu, numit tadringeida khanghoudana siribani.
21 Mahakkini haina leijaramba pumba louthokpikhiba yai, adubu lousing yaodana sibana ayambani."