Genesis 30
1 Rachelna Jacobki machaa amaa phaaoba poktre haaybasi khallubada machembu yaamna kallakkhi amasung mahaakna Jacobta haaykhi, "eibu echaa phanghanbiyu nattrabadi eihaak shijakhrage."
2 Jacobna Rachelbu shaaorammi maramsina mahaakna haayrammi, "nahaakpu mirolhandriba Eeshorgi mahuttu eina shinba yabra?"
3 Matamduda mahaakna haayjarammi, "eigi minaai nupi Bilhah leiri. Maangonda changu aduga mahaakki mapaanna eigi etampakta angaang paamba phangba yaai. Thoidok hendokna mahaakki mapaanna eisu echaa pokpaa yaai."
4 Asumna mahaakki minaai nupi Bilhabu Jacobta nupi oinaa pirammi. Jacobna mahaakka phidinnakhi.
5 Bilha mirolduna Jacobta machaanupa amaa pokkhi.
6 Maasida Rachelna haayrammi, Eeshorna Eibusu waayenbire. Ebungngo mahaakna eigi khonjendu taabire. Maramsina echaa amaa pinabire." maramsina mahaakna angaangdugi maming Dan koukhi.
7 Rachelgi manaai nupi Bilha Amukka haanna mironduna Jacobta machaanupa amasu pokkhi.
8 Masidasu Rachelna haayrammi, "ipaanggal phudoktuna eina echega laakpanabada eina ngamle." maramsina mahaakna angaangdugi maming Naphtali kourammi.
9 Leahna machaa makha taana poktre haaybasi khanglabada, mahaakki manaai nupi Zilpahbu Jacobta nupi oinaa pirammi.
10 Leahgi manaai nupi Zilpahna Jacobta machaanupa amaa pokkhi.
11 Maasida Leahna haayrammi, "laaibak pahare." maramsina mahaakki maming Gad koukhi.
12 Leahgi manaai nupi Zilpahna Jacobta anishuba machaanupa amaaga pokkhi.
13 Maasida Leahna haayrammi. "Eihak nungaaire. Aduga nupi oibishingna eibu nungaai yaaiphabani haayna shingthaanagani. Maramsina mahaakna angaangdugi maming Asher koukhi.
14 Gehu lokpa matamda Rubenna loubukta chatlammi. Mahaakna panyaai punnayaai paambigi mahei loubuktagi phangkhi. Mahaakna mamaa Leahda maheishingdu puraklaga pirammi. madu ubada Rachelna Leahda haayrammi, "nahaakki nachana purakpa phanayaai punnayaai maheidu eingonda khara pibiyu."
15 Leahna Rachelda haayrammi, "nahaakna eigi epuroibabu natomtagi oikhibasi karisu leitba waaphamni ningbra? eigi echaa na purakpa phanayaai punnayaai maheidusu louge haayjabasai? madu taabada Rachelna haayrammi, "nahaakki nachaa-nupaagi phanayaai punnayaaigi mamal oinaa mahaak ngasi ahingsi mahaakka tumba yaai."
16 Numidaang-waairamda Jacobna loubuktagi hallakpa matamda Leahna Jacobka unaba thoklammi, amasung haayrammi, "eigi echaa-nupaagi phanayaai maheidu piduna nahaakpu ngasi eina tuminnanaba waairabani." asumna Jacobna Leahga ahingduma tuminnakhi.
17 Eeshorna Leahna haayjabadu tabikhi maramsina mahaak mironkhi aduga Jacobta mangaashuba machaanupa amaa pokkhi.
18 Leahna haayrammi, "Eeshorna eigi awaaimandu hanjinbire. Eigi enaai nupi phaaoba epuroibada pithokkhi." maramsina mahaakna angaangdugi maming Issachar kourammi.
19 Leah amuk haanna mironduna Jacobta tarukshuba machaanupa amasu pokkhi.
20 Maasida Leahna haayjarammi, "Eeshorna eingonda phajaraba aun pot amaa pibire. Eigi epuroina eibu ekaai-khumnabiragani. Maramdi eina maangonda machaanupa taruk pokkle maramsina mahaakna angaangdugi maming Zebulun thonkhi.
21 Mameida mahaakna machaanupi amaa pokkhi. Mahaakki maming Dinah kourammi.
22 Eeshorna Rachelbu ningshingkhi. Mahaakna haayjabadu Eeshorna tabikhi maramsina chaaron makha taahankhi.
23 Mahaaksu mironduna machaanupa amaa pokkhi aduga maasida mahaakna haaykhi, "Eeshorna eigi ekaaibadu phahanbire."
24 Maramsina mahaakna angaangdugi maming Joseph kourammi. Mahaakna makha taana haayrammi, "Eeshorna eingonda echaa-nupaa amasu pinabisanu."
Jacobna Labanga mantiknaba
25 Rachelna Joseph poklaba matungda Jacobna Labanda haayrammi, "eigi eeyum amadi ereipakta hanjakhinaba eibu thaadokpiro.
26 Eigi etushing amadi echaashinggi maramdagi nahaakki thabak shukhibani. Maramsina makhoybu eingonda pibiro. Eibu thaadokpiro. Eina toujakhiba thabakshingdu nahaakna shengna khangbiribani."
27 Maduda Labanna maangonda haaykhi, "eina nangonda waa khara haayning-e madudi eina laaibao louba matamda Eeshorna nahaakki napaanna eibusu kubibani haayri.
28 Nahaakna paamba khutsumandu haayyu. Madumak eina nangonda pigani."
29 Jacobna maangonda haayrammi, "eina nahaakki seba toujarakpasi khangbirabani. Nahaakki shaa-sanshingna eigaa kayaada paknaba.
30 Eina laaktringeida nahaakki shaa-san mashing yaamlamde. Adubu houjikti mashing laakngamdre. Eina shokluba khudingda Eeshorna nahaakpu kubibani. Adubu houjikti eina karamba matamda eigi emung manungbu shemgatkani."
31 Labanna haayrammi, "eina nangonda kari pisige?" Jacobna haayrammi, "nahaakna eingonda karisu pibidaba yaai. Eina haayjagadouriba waaphamsi nahaakna karigumba yabiba thoklabadi eina nahaakki yaaoshingdu shen-gani amasung hotnabigani.
32 Ngasi nahaakki yaaoshinggi marakta changduna dag leiba yaaoshing amadi amuba yaaoshingduga konnana dag leiba haamengshingdu khaaidoklaga eingonda arembadu pirabadi maduna eigi khutsuman oigani.
33 Nahaakna eingonda pibigadoubadu yengba laakpa matamda eigi pukchel shengbadu shoydana ubigani. Karigumba dag leitba haamengshing amadi amuba yaao machaashingdu eigi shangguda phangba thoklabadi huraanbani haayna loubiba yaai."
34 Labanna haayrammi, "phare, nahaakna haayribadumak oirasanu."
35 Haayriba numitsimaktada Labanna arangba amadi dag leiba haameng laabashing amadi amomshingdu haaybadi machu ngouna langbashingdu khandoklaga machaashingda shinnakhi.
36 Mahaakna Jacobtagi numit humigi laambel thaapna theidokkhi. Aremba shanggudu jacobna sellammi.
37 Jacobna Libani, Lus amadi Almond paambigi mashashing shaangna shaangna maku khokkhraga maheidu ngaohallammi
38 Mahaakna khokkhiba maheishingdu haameng yaaoshingna eeshing thakpa laakpaphamda leiriba khudeng achoubadugi eramda thamlammi. Makhoyna eeshingdu thakpa laakpada kangjennarammi.
39 Haameng yaaoshingduna machei mayaamdugi marakta kangjennaba matamda machaashing tubat tubat laangba, marik marik amadi maphut maphut laangbanachingba oinaa pokkhi.
40 Jacobna yaao machaashingdu khaaidokrammi amasung arangbashingdu Laban-gi shangguda hoijinlammi. Asumna mahaakki shanggudubu tongaan taahankhi. Laban-gi shangguga tinnakhide.
41 Masha kanbashingduna makhoyna machaa poktringeida cheishingdu makhoygi mamaangda thamkhi. Asumna makhoy cheishingdugi marakta yaaonakhi.
42 Masha sonbashingdu makhoyna cheishingdugi marakta thamkhide. Matou asumna masha sonbashingdu Laban-gi oirammi. masha kanbashing aduna Jacobkki oirammi.
43 Matou asumna Jacob enaak khunba nupaa amaa oirakhi. Haameng yaao shanggu shanggu leikhi aduga minaai nupaa amadi nupi, utshing amadi lolanachingba yaamna leirammi.