Isaiah 17

Mapuna Syria amadi Israelbu awaapham taahangani

1 Damascuski maramda phongdokkhiba laaibao: yeng-u, Damascus, saahar oiba toklagani, oiragani maasi amaang atana thallaba peipham amaa,

2 Masigi manungda leiriba saaharshingdu matam leiba khibikta manglaba mapham oiragani,

haayriba saaharshingsida oihouragani yaaoshinggi tumpham, aduga kanaanasu makhoybu kihalloi.

3 Ephraimda leiriba laanbanshingdu leiraroi, Damascuski leibaakshingdusu leiraroi, nongthak nongkha anigi mapu, Eeshorna taakpiri, aramshinggi leihouriba eremkhakshingdu Israelgi machaashinggumna matik mayaai leigani.

4 Adugumba numittuda Jacobki matik mayaaidu leikha taahangani, mahaakki noi pellaba mashaadusu kangsallakkani,

5 Maru lokliba kanaana maru lepna lokpagi matougum oigani, Rephaimgi tampaakta phou chaarong khaaobagi matou maanggani,

6 Chorphon paambida kaaduna nikpa matamda amaa ani leihoubagumna magisu khakkani niknanaba mahei khara, awaangba mashaada mahei amaa nattraga ani leihoubagi matougum leihoubagum mahei marong paanba upaal amada mari nattraga manga, asumna taakpiri nongthak nongkha anigi mapu, Eeshorna.

7 Adugumba numittuda taaibang mishingna makhoybu shembiba mapudubu ningshingani. Makhoyna Israelgi shengthoiraba mapududa yenggani.

8 Makhoygi makhutna sajaba phaankhongshingdu thaoina touroi. Makhoyna makhoygi khutsana shaakhiba potshingduda thoina mitaroi. Yengloi makhoyna Asherah nattraga dhup thaariba phaankhongshingdudasu.

9 Adugumba numittuda Israelgi mishinggi maramdagi Hivi amadi Amorishingna thaadokkhiba saaharshinggi matougumna makhoygi saaharshingdu thaadokkani. Amaang atana mashak oiraduna leihougani makhoygi saaharshingdu.

10 Nakhoygi aran khubham oiriba Eeshordubu nakhoyna kaokhre, nakhoygi changjapham oiriba loibi chinggumba ebungngodubu kaokhre nakhoyna. Maramsina nakhoyna aphaba maru thajarabasu, nakhoyna lamlaanbashinggi laaidu ningludrabasu,

11 Nakhoyna thaakhiba pottu thaakhiba numittumaktada houhallabasu, mahei pinbadi leiraroi, ahoinadum masigi marakta awaaba amadi anaaba yaamna nanggani.

Yeknabashingbu maaythiba piba

12 Aha, mishingna laaorakliba khonjensi, laaorakli samudradagi eraokhon thokpagi matougumna, Aha, Jaatshingna laaorakliba khonjensi, makhoyna achouba eeshing kaaybagi matougumna laaorak-e,

13 Jaatshingna eeshing kairakpagi matougumna laaorakli, mahaakna makhoybu cheigani, aduga makhoy mahaakki makhon taabadata chenkhigani loibi chingda nonglei nungshit laakpa matamda phouham paibagi matougum oigani, nonglei nungshit laakpa matamda uphun paibagi matougum oigani.

14 Numidaang-waai oirakpada yeng-u, akibana than-gani, ayuk youdringeida haayribashingdu karisu ubaa phangde. Haayribasi eikhoybu neikhibashing aduga eikhoybu manghankhibashingdugi maraibakta tamlambashingduni.