Exodus 31
Bezalel amasung Oholiab
(Khong 35:30-36:1)
31 Ishor-na Mosesda hairammi, "yengu, Judahgi salaida pokpa Hurgi machanupa Urina pokpa Bezalelnbu maming panduna koukhrabani. 3 Mapu Ibungogi Thawaina Mahakpu sengdokpirabani. Maramsina mahak Matik chaba, lousing leiba, thabak khuding touba ngamba nupa ama oihallabani. 4 Maramsina mahakna sana, lupa, pithrainachingba kayai leiteng semba heigani. 5 Mahakna nung kaktuna makhal makhagi leiteng thok-hanba ngamgani. Unachingba subasu heigani. 6 Yengu, Eina Dan-gi salaida pokpa Ahisamakki machanupa Oholiab haibadu mahakka loinana thabak sunaba khandoklabani. Eina nangonda khanghankhiba pot pumnamak saba ngamnaba matik chaba mishingda Eina matik mayai suna pirabani. 7 Eina nangonda haikhibadi: miyam tinpham sang, matik mayaigi urong oina phambal, phambalgi mathakta thamgadouriba khubham, miyam tinphamda thagadouriba machaksing, 8 Thagadouriba phan amadi masiga loinana thamgadouriba patrasing, thaomei makhong amadi masiga thaminnagadouba patrasing, dhup thanaba phankhong 9 Meida thaduna touba thougi phankhong amadi masiga thaminnagadouba patrasing khudeng amadi masigi patrasing, 10 Purohit Aron-gidamak phajana saraba asengba phijet, machanupasinggi asengba phijet hairibasingsi Makhoina purohit oina thabak puba matamda setkadabani. 11 Asengba maphamda thamnanaba noinanaba thao amadi manam nungsiraba dhupnachingbagi maramda eina nangonda yathang pikhibadugi matung inna nahakna pangthaokkadabani."
Potthaba numit ningsingba
12 Ishor-na makha tana Mosesda hairammi, 13 "Israelgi mishingda masisu haiyu: nakhoigi tungda lakkadouba miron phaobada nakhoga Eigagi irakta khudam ama oina leihouragadouba potthaba numitsi kaidana ngakna chatkadabani. Numitsi ngakna chatlabadi Ishor Oiriba Eina nakhoibu sengdokpirabani haibasi khangba ngamgani. 14 Potthaba numitsi asengba numit ama oiba maramna niyam kaidana ngakna chatkadabani. Masibu kaina chatpa mishingdu sibagi cheirak phanggani. Kanagumba mina hairiba numitsida thabak tourabadi Adugumba nupadu taibang chinjak chahalloi. 15 Numit tarukni thabak kanna sugadabani. Aduga taretni suba potthaba numitsi Ishor-gi maphamda asengba numit ama oiba maramna ikai khumnaba utkadabani. Potthaba numitta thabak touba nupadu sibagi cheirak phanghangadabani. 16 Hongba naidaba areppa wasak oina Israelgi mishingna lakkadouriba miron khudingda masi ngakkadabani. 17 Numit tarukni changna Ishor-na potthakhi haibasi kaodanaba Israelgi mishing amadi Eigagi marakta lengdaba khudam ama oina leihouragadabani."
Sanagi shal
(Anisuba wayel 9:6-29)
18 Sinai chingdonda Ibungona Mosesda takpigadoubasingdu takpa loirabada Ishor-gi khutmakna iraba nungpak anikhak Mosesda pibirammi.