Leviticus 7
Ashengba potki mathakta touruba marangi thou
1 Tinkok laikokki thougi chatnabidi asini: masisu thoidokna ashengba thou amani haayna lougadabani.
2 Meida thaaduna thou tounaba shaa hatphamdumaktada tinkok laikokki thougi shaasisu haatkadabani. Masidagi taarakpa eedu phaankhonggi akoybada chaaithokkadabani.
3 Masigi mahaao, anoyba mamei, mahkoi marin yomliba mahaao,
4 Pei aniduga konnana mayaanglenda leiriba mahaaogi shaaruk, peiga loynanaa louthokkadouba phirakki mahaaogi shaaruknachingbashingsi louthoklaga katkadabani.
5 Haayribashingsi louthoklaga phaankhongda meida thaaba thou oinaa Purohitna Eeshorgi maphamda katkadabani. Maasi tinkok laikokki thouni.
6 Ashengba mapham amada purohitki emunggi nupaashingna haayribasi chaaba yaai. Masisu thoidokna shenglaba shaarukni.
7 Tinkok laikokki thousisu ayon-araangi thouga amattani. Haayriba anisigi chatnabisu amattani. Ayon araan koknaba thou toubiriba purohittuna potshingsi lougadabani.
8 Kanaagumba mi amagidamak meida thaaduna thou paangthokpiriba purohittuna shaadugi maun adu lougadoubabani.
9 Mahei maronggi thou oinaa katlaba matamdana leirangda houba tal, khang nattraga tawada houba talshingdu thoudu paangthokliba purohittuna lougadabani.
10 Mahei maronggi thou, thaoga nattraga akangba katlabashingduna aron-gi machaanupashinggi oigani. Makhoyna maasibu chaang chap mananna yennagadabani.
Lamdaai shumdaaigi thou
11 Kanaagumba mina Eeshorgi khuyaakhaada lamdaai shumdaaigi thou oinaa katlaba matamda engadouba chatnabishingdu asini:
12 Karigumba nupaaduna thaagatchabagi thou katlarabadi, katlariba thaagatchabagi thougi potlamdudagi hendokna thaao haplaga haamei yaaodaba tal thaona houba tal maipombi thaoga yaannaraga aphaba atadagi houba talnachingba katkadabani.
13 Lamdaai shumdaaigi thouduga konnana mayaai kaba tal houraga katkadabani.
14 Haayribasi paangthokpada Eeshorgi maphamda thou khudinggi oinaa tal amam-mam katkadabani. Maasi lamdaai shumdaaigi thou toudaba ee chaaithokpigadouriba purohittugi sharuk oigani.
15 Thaagatpagi thouga loynanaa lamdaai shumdaaigi potshingdu katpa numittumaktada chagadabani. Haayribashingsi ayuk youhanba yaade.
16 Kanaagumba nupaa amanaa katlariba thoudu waashak ngaakpa nattraga katningna ngamjaba katlaba oirabadi, katlariba numittuda nattraga mathanggi numitta chaaba yaai.
17 Karigumba humnishuba numit phaaoba shaashingdu lemduna leiba taarabadi, meida thaadokkadabani.
18 Lamdaai shumdaaigi oinaa shaadu humnishuba numit phaaoba chaarabadi, adugumba nupaadu shengle haayna louroi. Mahaakna thou toujare haaybagi thoidokpa maheisu leiroi. Maasi amaangba potni haayna lougani. Kanaagumba mina haayriba potsi chaarurabadi nupaadugi marandu mahaakna pugani.
19 Amaangba potka shamnaruba shaadu chaaba yaade. madu meida thaadokkadabani. Amaangba shamnarudaba miduna shaadu chaaba yaai.
20 Kanaagumbana mashaada amaangba pakna makna Eeshorgi maphamda lamdaai shumdaaigi katlariba shaadu chaarurabadi adugumba nupaadu mahaakki shalaaidagi taanthokkadabani.
21 Kanaagumba nupaa amanaa amaangba pot amaa shamnarurabadi, amaangba mi nattraga shaa nattraga maangi haayna khanglaba pot amaaga shoknarurabadi, Eeshorgi maphamda lamdaai shumdaaigi oinaa katlariba shaadu chaarurabadi adugumba nupaadu mahaakki shalaai dagi taanthokkadabani."
22 Eeshorna Mosesda haayrammi,
23 "Israelgi mishingda haayyu: san, yaao nattraga haamenggi mahaao chaaba yaade.
24 Matomta sijaba shaa nattraga karigumba shaa amanaa hattoklamba shaagi mashaadu atei atei thabakta shijinnaba yaai adubu chaabadi yaaroi.
25 Eeshorgi khuyaakhaada meida thaaduna katpa thougi shaagi mahaaodu chaarabadi adugumba nupaadu mahaakki shalaaidagi taanthokkadabani.
26 Nakhoyna leiruba mapham khudingda uchek nattraga shaa haatpa matamda ee chaaba yaade.
27 Kanaagumba nupaa amanaa ee chaarabadi adugumba nupaadu mahaakki shalaai dagi taanthokkadabani.
28 Eeshorna Mosesda haayrammi,
29 "Israelgi mishingda haayyu: Kanaagumba mina lamdaai shumdaaigi thou katlaba matamda katlariba pottugi sharuk khara Eeshorda katchanaba khaaydokkadabani.
30 Makhutmakna Eeshorgi maphamda katkadouriba meida thaaduna tougadouriba thougi pottu purakkadabani. Eeshorgi makada athoiba khudon oinaa katkadouriba mahaao amadi thabakki shaaruktu mahaakki makhutmakna purakkadabani.
31 Purohitna mahaaodu phaankhongda thamlaga meida thagadabani. Adubu thabakki shaaruktu aron amadi mahaakki machaanupashinggi oigadabani
32 Nakhoyna lamdaai shumdaaigi oinaa katliba shaadudagi yet thangba maphaigandu purohitta katkadabani.
33 Aron-gi machaanupashinggi marakta lamdaai shumdaaigi thou oinaa ee amadi mahaao meida thaadokliba nupaaduna yet thangba maphaigandu phanggani.
34 Lamdaai shumdaaigidamak athoiba khudon oinaa katlariba mathabaak amadi maphaigangi sharuk eina Israelgi mishingdagi louraga purohit aron amadi mahaakki machaanupashinggidamak matam leiba khibikki oinaa khaaidoklabani.
35 Eeshorgi purohit oinaa makhoybu shengdokpikhiba numittuda khaaidokkhraba Eeshorgi maphamda katlaba thougi potshingdagi makhoygi sharuk oinaa thunggadouba shaaruktu mashak takkhrabani.
36 Makhoybu thaao noibikhiba numittuda Eeshorna makhoygi sharuk oinaa tamlabasi yaathang amaa pikhrabani. Makhoygi tungda laakkadouba chaaron-shurondasu haayribasi pigadabani.
37 Meida thaaduna thou tounanaba, mahei maronggi thou, ayon-araangi thou, tinkok laikokki thou, amadi lamdaai shumdaaigi thounachingbada mathakta pikhiba pathapshingsi chatnagadabani.
38 Sinaigi lamhaangda leiringeida Eeshorna Isrelgi mishingbu ebungngogi khuyaakhaada thou katnanaba yaathang pibikhiba matamda Sinai chingda Mosesta Ebungngona taakpikhiba hiram shingni.