Mark 8

Jesusna mi lishing maribu pijaba

( Matthew 15.32-39 )

8 Matam aduwaida amuk miyam yamna leiduna, makhoina chananaba karisu leitrabada, Ibungona seboksingbu kousinduna makhoida hairak-i, 2 Eina miyam asida nungsiba pokle, maramdi makhoina eiga loinana houjik numit humni leiminnaraduna makhoigi chanaba leitre; 3 Amasung eina makhoibu chara helhanduna makhoigi yumda thakhrabadi, makhoina lambida wantharagani; aduga makhoi kharadi athappadagini. 4 Maduda Ibungogi seboksingna khumjarak-i, lamhang asida kanagumbana mishing asibu talna mapuk thalhanba kadaidagi ngamgadage? 5 Aduga Ibungona makhoibu hanglak-i, nakhoigi tandum kaya yaoribage? Maduda makhoina hanggatcharak-i, taret. 6 Amasung Ibungona miyam adubu leipakta phamthananaba yathang piraga, tandum taret adu louduna thagatcharaga, thugaiduna mamang mamangda yennanaba Ibungogi seboksingda pibire; aduga makhoina miyamda yenbire. 7 Amasung makhoigi nga macha khara leirammi, aduga Ibungona madugi mathakta bor pibiduna, asisu makhoigi mamangda yengbinaba yathang pire. 8 Amasung makhoina chaduna thalle; aduga lemhouba machet makai thumuk taret khun-gatle. 9 Amasung makhoi adu lishing marirom oirammi. 10 Aduga Ibungona makhoibu thadokkhre; khudak aduda Ibungona seboksingga loinana hida lengsinduna, Dalmanuthagi lamda lakle.

Ibungona seboksinggi wakhal tadaba adu warakpiba

( Matthew 16.1-12 )

11 Amahiksung pharisisingna thokraktuna, Ibungobu chang yengba oina sargadagi khudam Ibungodagi thiduna, wa hangdok hangjin touba hourak-i. 12 Amasung Ibungona thawai wana luna nungsamapi honduna hai, miron asina khudam thiriba kari maramgino? Thanggeisengna eina nakhoida hairi, miron asida khudam piraroi. 13 Maduda Ibungona makhoibu thanamduna, amuk hida lengsinduna wangmada lengthokkhre.

14 Amahiksung makhoina tal puba kaoraduna hinungda tandum ama nattana makhoigi leiramde. 15 Amasung Ibungona makhoida yathang piduna hai, yengu, pharisisinggi hamei amasung Herodki hamei adu cheksillu. 16 Aduga makhoigi tal leitabagi maramda makhoina amaga amaga khannarammi. 17 Maduda Ibungona khangladuna makhoida hai, tal leitabagi maramda nakhoina karigi khannaribage? Nakhoina houjik phaoba udri khangdribra? Nakhoigi thammoi kallibra? 18 Mit panna panna nakhoina udabra, amasungna panna panna nakhoina tadabra? 19 Amasung eina mi lishing mangagidamak tandum manga thugaibada, nakhoina machet makaina thanba thummuk kaya khun-gatpa adu nakhoina ningsingdabra? Makhoina Ibungoda hanggatli, taranithoi. 20 Aduga mi lishing marigidamak tandum taret aduda machet makaina thanba thummuk kaya nakhoina khun-gatpage? Amasung makhoina Ibungoda hanggatli, taret. 21 Maduda Ibungona makhoida hairak-i, houjik phaoba nakhoina khangdribra?

Bethsaida Ibungona mamit tangba mi amabu phahanbiba

22 Amahiksung makhoina Bethsaidada lak-i, Amasung makhoina Ibungogi maphamda mittangba mi amabu puraktuna, mahakpu sokpinaba Ibungoda nonjei. 23 Aduga Ibungona mittangba mi adugi makhut paiduna khundagi mahakpu puthokkhre; amasung Ibungona mamitta tin sitchanbiduna, mathakta khut thambiraga, mahakpu hanglak-i, nangna karigumba ubra? 24 Maduda mahakna yengkhattuna hairak-i, eina mishingbu ui, adubu eina makhoibu upambigumna koichat chatpa ui. 25 Matung aduda Ibungona amuk mahakki mit mathakta khut ani thambire; aduga mahakna shangtrikna yengbada, pharaduna pot pumnamak iseng sengna ujarakle. 26 Amasung Ibungona mahakpu mayumda thakhiduna hai, khunda changganu.

Jesusbu Christamakni haina Peterna haidokpa

( Matthew 16.13-20; Luke 9.18-21 )

27 Amahiksung Jesusga seboksingga Caesarea Philippigi khun khunda lengthoklakle; aduga lambida Ibungona sebok singda hanglak-i, mishingna eibu kanani hainabage? 28 Maduda makhoina Ibungoda hanggatlak-i, baptist toubiba John, aduga kharana Elijah, Touigumsung ateisingna Ishorgi wa takthokpasinggi amani hai. 29 Amasung Ibungona makhoida hanglak-i, adubu nakhoinadi eibu kanani haibage? Peterna Ibungoda khumlak-i, Ibungo nahakti Christa aduni. 30 Aduga mahakki maramda kanadasu haidokkanu haina Ibungona makhoida kanna sinnare.

Jesusna mahakki siba amasung hinggatpagi wa mangjounana khanghanbiba. mina masa mathantabu yajadanaba Jesusna kouba

( Matthew 16.21-28; Luke 9.22-27 )

31 Amahiksung migi macha nipa adu ayamba awa anang phangba tai, ahallamansing, athoiba purohitsing amasung sastragi ojhasinggi yadaba khangba tai, mahakpu hatpa tai, aduga mahakna numit humni suraga hinggatpa tai haiba makhoida Ibungona tambiba houre. 32 Amasung hairiba asi Ibungona iphong phongna ngangthoklammi, maduda Peterna Ibungobu manakta pusillaga warakpa houre. 33 Touigumsung Ibungona onsillaktuna seboksingbu ubada, Peterbu waraktuna hai, itungda chatthokkhro, seitan! Maramdi nangna Ishorgi oiba adu khande, adubu migi oiba adu khalli. 34 Amasung Ibungona seboksingga loinanamiyambu kousinduna makhoida hairak-i, kanagumbana eigi itung inninglabadi, mahakna masa matomtabu yajadasanu mahakki Cross loukhatsanu, amasung eigi itung injasanu. 35 Maramdi mathawai kanjaningba kanagumba aduna madu mangjagani; aduga eigi maramgi amasung aphaba wapaogidamak mathawai mangjaba kanagumba aduna madu kanjagani. 36 Maramdi taibangpal apumba phangjaraga, magi thawai mangjaba mi adugi kari tongjaba leibage? 37 Maramdi mi amana magi thawaiga kariga sinnagadage? 38 Maramdi nupi lannaba amasung papchenba miron asida eigidamak amasung eigi waheisinggidamak ikaiba kanagumba adugidamak migi macha nipa adunasu asengba sargadutsingga loinana mapagi matik mangalda lenglakpa matamda ikaigani.