Psalm 5

Ngakpi senbinaba haijaba

5 He Ishor, nanaigi waheisingsi tabiyu, nanaigi awabasi tabiyu.

2   Iningthou amadi ipuroi, nanaigi wakatsi tabiyu. Nanaina khurumjari, he Ishor,

3   Ayukki matamda Ibungona nanaida haijabadu tabi, nongngallakpada nanaina Ibungogi khuyakhada changjari, ngaijari nanaina Ibungogi paokhumdu.

4   Aranba touba matamda penbiba Mapu Ibungo natte Ibungodi, Ibungo leiba maphamda phattaba leiba yade.

5   Napan toubasingbu Ibungona yengningde, Ibungo nahakki naphamda phattabasinggi mapham leite.

6   Minamba wa ngangbasingbu Ibungona namthabi, tamthiba amadi marin chumdaba mishingbu Ibungona hangoi.

7   Ibungogi mapan naidraba nungsibaduna cheingak oiduna changjaba ngammi nanaina Ibungogi ningnashangda. Ngamjei Ibungobu khurumjaba asengba Ibungogi ningnashangda, Ikai khumnaba uttuna khurumjari nanaina Ibungoda.

8   He Ishor, nanaigi yeknaba yami, Ibungogi aningbadu pangthokpa ngamnaba lamjingbiyu, nanaina injaba ngamnaba Ibungogi lambidu takpiyu.

9   Yeknabasingna hairibasingdu nanaina keidoungeidasu thajaruba leite, makhoina pambadi nanai mangkhibasitani. Makhoina ngangthorakpa wasingdu langban-gi khoihigumbani, adubu manungdadi hu puba lingumbani.

10 He ipuroi, makhoibu cheirak pinabiyu, makhoina silliba thousilduna makhoigi mangnaba oihanbiyu, makhoina toukhiba aranbasingduna maram oiduna makhoibu Ibungogi mangdagi tanthokpikho. Ibungogi thakta lanhouge thouranglibadusu namthabikho.

11 Ibungogi nakada changjarakpasingdu nungngai yaiphabani, matam leibada harao tayamna ishei sakchasanu. Ibungobu nungsijabasingdubu ngakpi senbiyu, Ibungogi thoujantana makhoi nungngaijaribani.

12 He Ishor, Ibungogi yathang injabasingdu kubiyu, Ibungogi nungsibaduna makhoibu chunggoi oina ngakthokpi.