Zechariah 8
8 Panggallaba Lainingthouna wapaosisu Zechariahda khanghankhi: 2 "Jerusalemda leiriba mishingsi tasengna nungsiba maramna Jerusalembu tengbangge haina eina khourangna leirambani. Makhoibu nungsibadutana makhoigi yeknabagi mathakta saokhibani. 3 Eigi asengba sahar Jerusalemda hanjinduna eihak leigani. Saharsimak matik magun leiba sahar kougani aduga panggallaba Lainingthouna yatabiriba chigdubu asengba ching kougani. 4 Amuk hanna cheisu pairaba ahan nupa nupisingna saharsigi mayaida phamduna leigani.
5 Lambelda nupamacha amadi nupimachasingna sannaduna leigani.
6 "Masi thadoklamlaba Jatsinggi maphamda oithoktaba amagumna ugani adubu eigi iphamdadi oithoktaba leite. 7 Eigi mishingbu lanpha oina pukhiba leibaksingdagi amuk hanna puthokpirakkani. 8 Jerusalemda leijanaba nongpok nongchup animaktagi makhoibu pubirakkani. Makhoi eigi mishing oigani aduga eina makhoigi mapuduni. Eina makhoigi mathakta mara tana wayelduna pan-gani.
9 "Nathouna leiyu. Eigi ningnashang saba matamda maichousingna pinabikhiba wapaodu nakhoina houjiksu tari. 10 Hairiba matamsigi mamangda kanagumba mishingna mi nattraga sanachingba waiba phangkhide. Kanasu yeknabagi makhuttagi nanthokpa ngamkhide. Eina mi amaga amaga nungsinahankhide. 19 Adubu jatsigi hinghouribasingsi hannagi matougu-mna toubiroi. 12 Pukning ingthana makhoina mahei marong hun-gani. Makhoigi drakha pambidu mahei yangani, malemsinasu mahei pokhangani, aduga nong marang kaina tagani. Hinghouraba eigi mishingda hairiba borsi pibigani. 13 Hey Judah amadi Israelgi mishing, houkhiba matamda lamlanbasingna amana amagi mathakta sap tounarammi. Makhoina hai, ' Judah amadi Israelda takhiba amangbadu nakhoigi nathakta taba oiyu." Adubu nakhoibu eina kanbigani aduga lamlanbasingduna hainagani, Judah amadi Israelda phanghankhiba bordu nakhoisu phangba oiyu." Maramsina nathouna leiyu aduga kiganu. 14 Panggallaba Lainingthouna takpiri, "nakhoigi napa napusingna eibu saohanba matamda eina makhoibu awabada tahankhi aduga eigi pukning hongkhide. Eina ningkhibadu pangthokkhi. 15 Houjikti Jerusalem amadi Judahgi mishingbu eina bor pinanaba sem sare. Maramsina akiba utkanu. 16 Nakhoina tougadoubasingdu asini: amana amagi maphamda achumba ngangu. Loishangda achumbadu pinaba hotnou. Achumbaduna ingthaba purakkadabani. 17 Amana amabu mangnaba sarou singanu. Wasaklaga oidaba sakhi piganu. Minamba chumdaba amadi tamthibadu eina tukkachei."
18 Panggallaba Lainingthouna Zechariahda wapaosimasu pibikhi: 19 "Marisuba, mangasuba, taretsuba amadi tarasuba thada chara hellibadu Judahgi mishinggi nungngairaba thoudok ama oihallagani. Nakhoina achumba amadi ingthabadu phangnaba hotnou."
20 Panggallaba Lainingthouna asumna takpiri: "sahar kayadagi mishingna Jerusalemda lakkadouba matamdu lakle. 21 Sahar amagi mishingna atoppa sahargi mishingda haigani, 'Panggallaba Lainingthoubu khurumjanaba lakcharibani amadi Ibungogi bor phangjanaba changjaraklibani.' 22 Mapan naidraba miyam amadi panggallaba jat kayana panggallaba Lainingthoubu khurumjanaba Jerusalemda lakkani. Ibungogi bor phangjanaba makhoina haijagani. 23 Maramduda lamlanba tarana Jewdi amada asumna haigani, 'Ipuroina nakhoiga loinabire haibasi eikhoina khangjare maramsina nakhoigi narakta eikhoi tinjage."