Deuteronomy 2
Lamjaao lamhaangda lenba
1 Masigi matungda Eeshorna eingonda taakpikhiba matung ennaa Akabagi epaaklomda leiriba lamhaanglomda khongshaanba houkhi. Numit kayaani amaa eikhoyna Seir kouba chingduda chattuna lenkhi.
2 Matangduda Eeshorna eingonda haaykhi,
3 "Nakhoyna Chingsida matam kuina chattuna laakle. Houjikti Awaanglomda namai ollo.
4 Mishingda haayyu: houjikti nakhoygi nachin nanaaoshing thokpa Seirda leiba Esaugi machaanupashinggi lamda youragani. Makhoyna nakhoybu ubada kigani. Maramsina nakhoyna cheksillu.
5 Makhoyga thoidokpa nungaainadaba thabak touroidoubani. Maramdi Eina nakhoyda makhoygi lamsi piroi. Nakhoygi nakhong phaaoba makhoygi lamsida taahalloi. Seir kouba chingsi Esaugi chaakthung oinaa Eina pikhrabani.
6 Nakhoyna chaanaba pot makhoydagi peisa piduna leigadabani. Peisa piduna thaknaba eeshing phaaoba makhoydagi leigadabani. Nakhoygi napuroi Eeshorna nakhoyna toujaba thabak khudingda bor pibirabani.
7 Ebungngo mahaakna nakhoyna achouba lamhaangsida chatlibasi khangdaba natte. Houkhiba chahi niphusi napuroi Eeshorna nakhoyga loynanaa laaklibasini. Maramsina nakhoy awaatpa leikhidabani.
8 Seir chingda leiriba eikhoygi echin-enaaoshing oiriba Esaugi machaashingdagi eikhoy yaamna thaapna chaathokkhi. Arabahagi lambidudagi Elath amadi EZiongaber tungoinaramlaga Moabki lamhaanglomda maay onkhi.
9 Eeshorna eingonda taakpikhi, "moabshingga muknaganu. Makhoyga laan shoknaba yaade. Makhoygi lamsi nakhoyda piroi. Argi lamsi Lotki machaanupashingda chaakthung oinaa eina pikhribani,
10 (Hannadi maphamsida Anakimna waangchaaoba mashing yaamba kaanglup amaa taarammi. 11 Anakimna makhoybu Rephaimsu kounarammi. Adubu Moabki mishingna makhoybu Emim kourammi.
12 Mamaangeidadi Horgi mishingsu Seirda leirammi. Esaugi machaashingna makhoybu taanthokkhi. Makhoybu tumna maanghan-duna maphamduda khundaakhi. Eeshorna piraba lamduda Israelgi mishingna toukhibagumna makhoyna lamdubu loushinkhi.)
13 Houjikti hougatlo Jered kouba eephuttu youna chatlo. Yaathangsigi matung ennaa eikhoyna Zered kouba eephuttu youna chatkhi.
14 Eikhoyna Kadesbarnea thaadoklamlaga Zered kouba eephutsi lanba matamdu phaaoba chahi 38 Changkhi. Matamdugi laanmishingdu Eeshorna haanna haaybikhiba gumna loina sikre.
15 Tashengna haayrabadi makhoydu Eeshorna manghankhribani.
16 Asumna eikhoygi erakta leiramba laanmishingdu nonggakhraba matungda Eeshorna eingonda haaykhi,
18 "Ngasi kouba numitsida nakhoyna Moabki lam Ar kobadu phaaoduna chatkadabani.
19 Nakhoyna Amongi machaashinggi leibaaktu phaaoduna chatpa matamda makhoybu shaaohanganu. Makhoyga ningai sangdanaganu. Amongi machaashinggi lamdu nakhoyda piroi. Maramdi haayriba lamsi Eina Lotki machaashingda chaakthung oinaa pikhribani.
20 (Haayribasisu Rephaimgi leibaak kounarammi. Haanna maphamsida Rephaim leirammi. Ammorishingna makhoybu Zamzumimi koukhi.
21 Makhoysu mashing yaamba Anakimgumba mishing oirammi. Eeshorna makhoygi maangda makhoysi tumna manghanbikhi. Makhoyna mishingsi taanthoklaga loushinkhi.
22 Seirda leiba Esaugi machaashinggi maangda Eeshorna Horda leiba mishingbu tumna manghanbikhibagumna makhoybusu manghanbikhi. Makhoyna haanna leiramba mishingbu taanthoktuna maphamdu loushinkhi.
23 Khunggangda taaduna Gaza phaaoba shaandokkhiba Avimshing amadi Caphtordagi laakkhiba Caphtorgi mishingduna makhoybu tumna maanghan-duna maphamduda khundaakhi.) 24 Hougatlo Arno-ngi tampaaklomda chatlo. Nakhoyda eina Amori shaageigi ningthou Hesbon, Sihon amadi mahaakki leibaaktu nakhoygi nakhutta pirabani. Mahaakki lamdu loushinba houro. Mahaakka laan thengnaro.
25 Ngasi kouba nongsidagi houraduna nongmadonsigi makhaada leiriba mishingna nakhoygi naramda taaraga thoidokna akibaa amadi thuk laaoba phaogadabani. Mishingna nakhoygi naramda taabadata thak thak nikkani.
Israelgi mishingna ningthou Sihonbu maaythiba piba
(Shing 21:21-30)
26 Maramsina eina Hesbongi ningthou Sihonna Kedemothta leiringeida aphaba paao puhanduna mi khara thaarammi.
27 Eina ningthoududa haayhankhi, "nahaakki leibaaktu phaaoduna Eibu chathalbiyu. Eina lambida chumna chatchaagani. Yetta nattraga oyda haidok haijin toujaroi.
28 Eikhoyna chaanaba chinjaaktu nakhoydagi leijage aduga thaknaba eeshing phaaoba nakhoydagi leijagani khongna nahaakki leibaaktu samduna chathalbiyu.
29 Seir chingda leiba Esaugi machaashing amadi Arda leiba Moabshingna eina haayjaba yabikhibagumna nakhaksu yaabiyu. Eikhoygi epuroi Eeshorna eikhoygi chaakthung oinaa pinabiraba Jordan lallaga leiba leibaaktu youdriba phaaoba nahaakki nareibaaktu phaaoduna chathalbiyu.
30 Hesbongi ningthou Sihonna eikhoybu phaaoduna chathankhide. Maramdi nakhoygi napuroi Eeshorna mahaakki thamoidu kalhankhi. Mahaakpu nakhoygi nakhutta taananaba mahaakki thamoidu nunggumna kalhankhibani.
31 Matamduda Eeshorna eingonda haaybikhi, "yeng-u, Sihon amadi mahaakki leibaaktu nakhoyda piba hourabani. Mahaakki leibaaktu nakhoygi oiba yaanaba khundaba houro.
32 Matamduda Sihonna eikhoyga laan thengnanaba Jahaj taanna laanmi puduna thoklakkhi.
33 Eikhoygi epuroi Eeshorna mahaakpu eikhoygi ekhutta taahanbikhi. Eikhoyna mahaakka loynanaa machaashing amadi mahaakki miyaambu maaythiba pikhi.
34 Mahaakki saaharshing loynanaa nupaa, nupi amadi angashing phaaoba tumna haatkhi. Jaat adugi mi amaa phaaoba khakkhide.
35 Makhoygi leibaaktudagi khomlakpa shaa-san amadi manaa mathumshingdu nattana atei karisu purakkhide.
36 Aarongi manaakta leiba Aroer kouba maphamdudagina tampaakta leiba saahar Gilead phaaobada leiriba lamshingdu laakshinnaba hotnabada thoina aruba thengnakhide. Eikhoygi epuroi Eeshorna pumnamaksi eikhoygi ekhutta taahankhi.
37 Jabok turenda khongbalda taariba lamshing, Chingleibaakta shaagatliba saaharshing, amadi Amongi machaashinggi lamdudi thoidokna kainanaba nakhoyna toukhide. Eikhoygi epuroi Eeshorna thingkhiba maphamshingduda eikhoyna changkhide.