Hosea 5
5 he purohitsa, taro waaphamsi, he Israelgi emung manung, pukning changna taro, he leima ningthoukon, nakhoysu taro, nakhoygi nathakta tougadaba waayel amaa leire, maramdi Mizpahda nakhoy laangi matougummi, Tabordana saandokliba langummi.
2 Makhoyna Sitimgi komdu luba hen-gathalle, adubu pumnamaksigi mahei oinaa eina makhoybu dandi pigani.
3 Ephraimbu eina masak munna khang-e, eigi mityengdagi Israel lotpa ngamloi, maramdi he Ephraim, houjikti nakhoy lamchat maangle haayba khangle, Israelbu amotpana thalli.
Laimurti latpa yaadaba
4 Makhoyna touba thabak asukki matik phatte maadudi makhoy mapugi manaakta amuk hallakpa ngamlaroi. Makhoygi thamoida lamchat mangbagi echel lei, asigisu mathakta makhoyna Eesor-bu khangde.
5 Israelgi napan mamaida ubaa phang-e, Ephraimsu maagi paapta luplagani. Judahsu makhoygi marakta tinkhigani.
6 Iratnaba saa amadi yaonachingba puduna makhoyna Eesor-bu thiba chatkani, adubu makhoyna maabu mapham keidasu phangba ngamloi. mahaakti makhoydagi thaapna leikhre.
7 Makhoyna Eesor-bu usitte, makhoyna makhong sengdaba machaa pokle, houjikti anouba thaa pankhatlakpana makhoygi loubukka makhoygabu maanghal-lagani.
Judah amadi Israelgi marakta lan
8 Gibeahda pere, khongu, Ramahda bengun khongu. Bethavenda laangi khollao thaaduna haay-u he Benjamin, eikhoy nakhoygi damak lepli.
9 Dandi pigadaba numittuda Ephraim mang taklaba mapham amaa oigani. Eina laaothokliba soinaidraba waaphamsi Israelgi jaat khudingmakta oigadouribani.
10 Judah-gi leibaak ngaakpa misingsi, yumlon keironnabagi lam munba misinggumle. eesing heidokpagi matougumna eigi asaaoba makhoygi mathakta heithagani.
11 Ephraim ot-neibiragani adugaa bichargi Numitta makhoy mamaay phiruk khumgani, maramdi awaaphamda taro haayna tamkhre.
12 Ephraimgi maphamda eise leisougum oigani, Judah-gi maphamdana eisi akangba potkum-oigani.
13 Ephraim mahaak nare adugaa Judahna mahaak sokle haayba khanglabada, Ephraimna Assyriada chatli. Mapamdugi maaiba achoubada yenghallui, adubu mahaakna nanggi anaaba kokhanba nattraga asokpa phahanba ngamloi.
14 Ephraimgi maphamda eihak nongsa amagum oigani, Judah-gi emung manungdana nahaa oiriba nongsagi matougum oigani. asengbamak ei isamakna machet machet segaay-gani adugaa chaathokkani, eina machet machetsingdu pukhigani, maaduda kanaanasu makhoybu kanba ngamloi.
15 Eihak houjikti ephamlangda hallage, makhoyna masaagi maraal khang-jaduna eibu thidri phaaoba adugaa awaaba sakpham puduna makhoyna eibu thidri phaaoba ei samai leiraklaroi.