Philippians 1
Philippinsingda Paulna eba laairik
Khurumjaba
1 Jesus Christagi manaaising Paul amasung Timothina luchingba-sing amasung dikansingga loynanaa philippida leiba Christa Jesus-da asengba-sing pumnamakta:
2 eikhoygi epa Eesor amasung ebungngo Jesus Christadagi thoujaal amasung engthaba nakhoyda leibisanu.
Paulna thaagatchaba amasung haraaojaba
3 Ahaanba numittagi houjik phaaoba aphaba waapaao thoina saandokpada nakhoygi mapaang oibagi maramda, 4 haraaobaga loynanaa eina nonjaduna, nakhoy pumnamakkidamak matam leiba khibikta eigi nonjaba khudingda, 5 nakhoybu ningsingjaba pumnamakta eina eigi Eesor-bu thaagatchei; 6 Asimak eina thaajei, haaybadi, nakhoygi nungda aphaba thabak houbikhiba ebungngo mahaakna Jesus Christagi numit adu phaaoba maadu matol lomhanbigani.
7 asumna nakhoy pumnamakki maramda ningba eigidamak achumbani, maramdi nakhoydi eigi thamoinungda leiri, adugaa eibu jotlhing phalangna punbada amasung aphaba waapaaogi ngaklou oibada amasung chethanbada, nakhoy pumnamakti eigaa loynanaa thoujaalgi saruk phangminnabani. 8 maramdi eina Christa Jesus-gi nungsiheibaga loynanaa nakhoy pumnamakpu kayaa khourangjaba, Eesor-na eigi sakhini.
9 Amasung asi eina haayjabani, haaybadi, khngbada amasung waakhal pumnamakta nakhoygi nungsiba henna henna yaamkhatnanabani; 10 aduna nakhoyna thoihenna phaaba thabak adu yaanabani; adugaa Eesor-gi matik mangaan amasung thaagatchaba phaaoba. 11 Jesus Christagi mapaanna dharma chenba oibagi maheina thalladuna Christagi numit aduda nakhoyna asengba, amasung langjaba leitba oinanabani.
Mahaak phaadok tabagi mahei
12 Amasung, echin-enaaosa, ethakta thokpa thabak adu aphaba waapaao henna pangnanaba thokle haayba eina nakhoybu khanghanningi; 13 aduna eibu pulliba asi Christagi damakni haayba Praetorium sangba apumbada amasung atei atei pumnamakta phonglaakpani; 14 adugaa eibu pulliba maramna Eesor-da chetna thajahanba echin-enaao ayaambana kiba leitaana Eesor-gi waa ngaangna-naba thoihenna thouna pharibani.
15 Kharana aoibamk khambanba amasung yeina sunabagi maramna, adugaa kharana aphaba pukninggi maramna Christagi paao saandok-e; 16 Kharana, eina aphaba waapaaogi ngaklou oinaa lepli haayba khaangduna, nungsibadagi; 17 adubu atei ateina, eibu punbagi phibamda eingonda awaa-anaang hen-gathanningduna, mairannai taanabadagi sengdana Christagi paao saandok-e; 18 adunadi karino?
adumakpu maram khudingda, tousinnabada oirabasu, achumbada oirabasu, Christagi paao saandok-e; adugaa maaduda eina haraaojei, hoy, haraaosu haisojagani. 19 maramdi eina kangi haaybadi, nakhoygi nonjaba amasung Jesus Christagi thawaaygi samjinbiba mapaanna eigi aran khubaamda asi onthokpigani; 20 Eina kari amata ekaairoi, adubu yaamna thouna phana matam leiba khibikta oibagumna houjiksu hingbana oirabasu, sibana oirabasu, eigi hakchaangda Christa-bu thaagatpa oigani, asi eigi khouraangna ngaijabagi arnasung tarang tarang khangna ningbagi matung enbani.
Hingbaga sibaga karambana henna phaabage
21 maramdi eingondadi, eina hingba Christiani, adugaa siba tongjabani. 22 touegumsung hakchaangda hingbadi, asi eigi thabaktagi mahei yaallagadi, maaduda ei karibu khan-gadaba eina khangde. 23 adubu eina chat-thoktuna Christaga loynanaa leiba pamjaduna, ani adugi marakta achinbada leijari; maramdi masina yaamna henna phaabani. 24 Adum oinamakpu hakchaangda paanba nakhoygi maramgi damak henna kaannabani. 25 Amasung chetna thaajaba asi leiduna, eina paan-gani haayba khang-e; adugaa eina nakhoyga amuk leimin-nabanina eigi epanna Christa Jesus-gi marida nakhoygi chaaothokchaba yaaimkhatnanaba, 26 Thaajabada nakhoygi mangam pangbagi amasung haraaobagi damak nakhoy panminnagani haayba eina khang-e.
Thounaphanaba ensinbiba
27 Asita, nakhoygi paanba mipal Christagi aphaba waapaaogi matik chaana pallu; adund eina laaktuna nakhoybu unaba oirabasu, unadaba oirabasu, nakhoyna pukning amata oinaa aphaba waapaaodagi thaajaba adugi damak tannaduna thawaay amada chetna lepli haayba nakhoygi maramda eina taaba yagani.
28 adugaa yeknaba-singna kari amatada nakhoybu kihandasanu; kidaba asi makhoygi damakti amaangbani, adubu nakhoygidi kanbibagi thaanggeisengba khudamni, amasung khudam adu Eesor-dagini; 29 maramdi Christada thajanabata nattana, ebungngo-gi maramda awa khangnabasu, asi ebungngo-gi damakta nakhoyda thoujanbire; 30 nakhoyna eingonda haanna ukhraba, amasung houjikti eingonda oiribani haayna nakhoyna taaba soknaba adumak nakhoyna soknari.