1 Samuel 21

Shauldagi David chenkhiba

1 Nobta leiriba purohit Ahimelekki manaakta David laaklammi, Ahimelekna kina kina mahaakka unaba thoklammi, amasung hanglammi, "nakhongna thongna maphamsida karigidamak lengbiraklibano?"

2 Davidna purohit Ahimelekta haayrammi, "ningthouna eibu maphamsida karigumba thoudang amaa paangthoknaba haayduna thabirakpani. Ningthouna eingonda haaykhi, "adubu eina laakpa matamda ningthouna taakpikhibadi eina tougadouriba thabaksi kanaagumba mi amada haaydokpa yaade haayna yaathang touraklabani. Laanmishinggidi eina unagadouba mapham khudingda hannana paao thaarabani.

3 Adubu nahaakki naphamda kari kari phangningai leibage? Yaamdrabada nahaakna eingonda tanja mangadangga atei areiba kharadanggadi pidaba yaade.

4 Purohituna haayrammi, “eigi ekhutta achamba tal amaa phaaoba leite. Leiribasi ashengba tankhaktani. Nahaakki laanmi shingna nupiga tinnadrabadi haayribashingsi nangonda piba yaai."

5 Davidna purohittuda haayrammi, eidi mnggol touduna thabak chatpa matamda nupiga tinnade. Laanmishinggi mashaada yaaoriba pumnamak ashengba ngaktani. Echam chaamba karigumba thabak chatpa phaaobada eigi laanmidi masha shengdoklaga chatchei. Adu oirabadi ngasidi kayagi matik shengna laakkadage haaybadu khanbiyu.

6 Maramsina purohittuna Davidta ashengba tanshingdu pikhi. Eeshorgi khuyaakhaada katkhiba taldu nattana atoppa tal leiramde. Katliba tanshingdu louthoklaga anouba talshing kattuna mahut shinkhi.

7 Matamduda Saulgi yaaoshenba shinggi makok oiriba Doeg kouba nupaa amasu ningnashangduda le klammi maramdi maphamduda mahaak waashak amaa paangthoknaba laaklammi.

8 Davidna Ahimelekta haayrammi, "nahaakki nakhutta ta nattraga thang amaa phaaoba leitra? eigi khutlai amatta purak-houdre. Ningthouna tourakpa yaathangdu yaamna athuba amaa oiba maramna karisu purakpa nangdabani."

9 Ahimelekna khumlammi, "Elahgi tam-pakta nahaakna haatkhiba Goliathki thangdu ephod leiribadugi nakanda phina yomduna leibani. Darkar oirabadi madu puro. Haayribasi nattana atei atoppa khutlai leitre."

Davidna haayrammi, "phare. madudagi henna phaba atei kadaaydagi thiruni? Madumak purage."

10 Davidna Saul thaadoktuna chenkhraga Gathki ningthou Achiski maphamda changjakhi.

11 Achiski manaaishingna Davidta haaykhi, "masibu Israelgi ningthou David nattra? nupaa asigi maramdani makhoyna eshei shakpa matamda "Shaulna lishingna khujing oiduna haatpa matamda, Davidna lishing tarana khujing oiduna haatkhiba nattra?"

12 Makhoygi waashingdu taaraga Davidna ningthou Achispu kirammi.

13 Maramsida mahaak makhoygi marakta leiba matamda angaaoba nupaa amagumna tousannarammi. saahardugi thonggalda mahaakna lei khotchinduna tousannei aduga mayadagi taarakpa tinduna makhaadangda houriba makoidu youhallammi.

14 Maasi ubada Achisna manaaishingda haayrammi, "yeng-u, nupaasi ngaore. Adu oirabadi karigidamak mahaakpu maphamsida puraklibano?

15 Eigi konungsida angaaoba mi waatpara? angaaoba nupaasibu eigi emangda angaaoba matousi utna-naba puraklibra? nupaasi konungsida thamsi haayribra?"