Zephaniahm 1

1 Judahgi ningthou Amon-gi machanipa Josiahgi matamda Hezekiahgi machanipa Amariah, Amarihgi machanipa Gedaliah, Gedaliahgi machanipa Chusi, Chusigi machanipa Zephaniahda Mapu Ibungogi waheidu asumna lakkhi.

Judah amadi yumlonnaba leibakki mathakta aroiba

2   Ishor-na laothokli, malemsida leiriba pumba eina loina humdokkani,

3   Mi amadi sha animak manghan-gani, samudrada leiriba nga, nongthakta pairiba ucheksu eina loina manghan-gani. Phattabasingbu eina noihatkani, malemsida mi kouba jiba amatta thamlaroi. Asumna takpiri Ishor-na,

4   Judah youba phaoba eigi khut tingthokkani, Jerusalemda leiba mi khudingdasu masi yougani, Babylon-gi charon suron loina manghan-gani. Murti khurumliba purohitsingsu neikhaigani.

5   Nongthakta leiba laiyamsingbu khurumnabagidamak yumthakta karibasing, amadi Milcomgi ming louduna wasaklibasing

6   Ishor-bu hundokkhrabasing amadi Ibungo mabu thijadabasingbu manghanbigani.

7   Mapu Ibungo Ishor-gi mangda tumin leiyu, maramdi Ishor-gi numittu naksalle. Ishor-na usin ama semle, aduga magi mishingbu taramna okli.

8   Ishor-na usin thagadaba numittuda, eina achou ashangsinggi sanggai amadi phamnaibasingbu amadi mahousa nattaba lamchat chatpasingbu dandi pigani.

9   Adugumba numittuda ningnashanggi manggonda jagoi saribasing, aduga Ibungogi yumda mihat mipun amadi oidaba thabak touribasingbu cheirak pigani.

10 Ishor-na takpiri, adugumba numittuda, nga yekpa thonggaldagi mikap miraokhol ama tagani, sahargi anisuba maphamdagi nahebagi khonjel thokkani,

11 Sahargi makha thangba nakanda leibasingna tengthagani. Lalonba amadi sana lupagi thabak touribasing loinamak mangkhigani.

12 Matamduda thaomei ama pairaga eina Jerusalembu thigani. Yu ngaobagumna khangpokshangda thuptuna leiriba, thamoinungda " Ishor-di karisu touroi, aphaba nattraga phattaba amatasu touroi" hairibasingsisu eina dandi pigani.

13 Makhoigi lan thum loina manghan-gani, yumsu ningkhaihangani, aduga makhoina yum sagatlabasu madu leiba phangloi, drakha pambi thadunasu madugi mahi thakpadi phangloi.

14 Ishor-gi achouba akhannaba numittu lakle. Yamna yangna lakli, Ibungogi numittu akhaba oigani mathouna leiba lanmi phaoba kapkani.

15 Adugumba numittu asaobagi numitni, awa anana than-gani, amang atanasu khangba ngamloi, amamba amadi maithong langsinba numit oigani, leichin nongphai,unna than-gani,

16     lan-gi pungkhon amadi mikap miraokhonna irang langgani. Lanban khagatlaba sahar amadi lanjabungda leiriba mishinggi mathakta mapan naidaba awaba pigani.

17 Ishor-gi mamangda pap toubagi maramna mittangbagum chatkani, makhoigi ishei uphulgi matougumgani, makhoigi masadu amangbagi maonggumgani.

18 Makhoigi sana lupana makhoibu kanba ngamloi Ishor-na saorakpa numittuda, asaobagi meiriduna malem pumba tumgani, maramdi malemsida leiriba pumbagi mathakta mana khanghoudana aroiba ama purakkadouri.