2 Corinthians 6

1 Amasung ebungngoga loynanaa thabak touminnaduna, nakhoyna Eeshorgi thoujaal arembada phangba oidananaba, eikhoynasu nonjari.

2 (maram di ebungngo mahaakna haay, yabiba matamda eina nanggi haayjaba taabire, aduga lanbibagi numitta eina nangbu pang-bire.  Yeng-u, houjik yabiba matamni; yeng-u, houjik lanbiba numitni.

3 Eikhoygi thougan toujabada ayol aran leitananaba, karigumbada khudi thinaba kari amata pidaduna, Eeshorgi thougan toujabashinggumna eikhoyna esha ethantabu maram khudingda uhanjari:

4 Thoidokpa khangheibada, awaa-anaabada, anang anangbada, achin achinbada,

5 Yeiba yeibada, keishumshangda haanna hanna taabada, waathok laanthoknabada, waana shubaa ayaambada, mitsheng khaangba khaangbada, chara henba hendabada;

6 Ashengbada , akhangbada, kuina khaangbada, chanbibada, thawaay ashengbada , nungshi sannadabada,

7 Achumbagi waada, Eeshorgi paanggalda; yet oyda dharma chenbagi lan phijetki mapaanna, 

8 Thaagatpaga ekaai-khumnadabagana, aphaba amasung phattaba paaodamna minambashing-gumlabasu achumbani;

9 Khangbidaba shinggumlabasu ningthina khangbibani; siribashing-gumlabasu, yeng-u eikhoy hingli; laakpa phangbashing-gumlabasu hatpide;

10 Thawaay waabashing-gumlabasu matam leibaakhibikta haraaowi; laairabashing-gumlabasu ayaambabu enakhulhalli; karisu leitbashing gumlabasu pumnamak elei lei; maram pumnamak asida uhanjari.

Thaajaba shinggi pukningda nungshiba pok-hannaba wa

11 He Korinthki misa, eikhoygi eya nakhoyda kathokchari, eikhoygi pukchel chaaohalle.

12 Eikhoygi nungda nakhoy chinba natte, adubu nakhoygi nungshibada nakhoy chinjabani.

13 Houjikti mannaba matouna laman shingbagi damak (eina echaashingdagumna ngangjaribani), nakhoygisu chaaohanbiyu.

Hajadabashingga marup oidanaba mitna shinghanba

14 Thaajadabashingga pabot oiminnaganu. Maramdi dharma chenbaga dharmachendabaga kari mapaang oibage? aduga angaanbaga amaambaga kari tinnabage?

15 Amasung Christaga BElijahlga kari mannaba leibage? aduga thaajabaga thaajadabaga kari sharuk oinabage?

16 Amasung Eeshorgi ashengba sangga laimurtishingga kari yaaminnaba leibage? maramdi eikhoydi hingliba Eeshorgi ashengba sangni; Eeshorna haaykhibagumbani, eina makhoygi nungda leisu leigani, koychatsu chatkani; aduga eina makhoygi Eeshor oigani, amasung makhoyna eigi mi oigani.

17 Maram adugidamakna Eeshorna haay, makhoygi maraktagi nakhoyna thoklaktuna tongallo. Amasung shengdaba kari amata shokkanu; aduga eina nakhoybu loushinbigani,

18 Amasung eina nakhoygi napaa oigani, aduga nakhoyna eigi echaa nIpa, echaa nupi oigani haayduna engam ngamba Eeshorna haay.