2 Chronicles 9
Sebagi maharanina Solomongi manaakta laakpa
(1 Ning 10:1-13)
1 Sebagi maharanina Solomongi mingchat taarabada aruba waahang hanglaga chaang yengge khalladuna Jerusalemda laaklammi. Mahaakka loynanaa loinakhamin kayaa amaa aduga maru maraang, sanaa, silver amadi mamal tanglaba nung kayaamarum utta haplaga puduna laaklammi. Mahaakna Solomongi manaak youraba matamda mahaakki mapukningda leiriba pumnamak haayjarammi.
2 Solomonna mahaakki waahang pumnamakki paaoukhum pirammi. Solomonna khumba ngamkhidaba paaoukhum amatta leikhide.
3- 4 Sebagi maharanina Solomongi loushing shingba aduga mahaakna leiriba yum, chariba chinjaak, mahaakki phamnaaibashingna shetliba chariba, mahaakki minaaishingna touriba seba, makhoyna shetliba phijet, ebungngogi ningnashangda mahaakna katliba meida thaaduna katpa thou potlamshing uraga maharanidu tuminna leithokpa ngamlamde.
5 Maramsina maharanina ningthouda haayrak-e, "eina ereipakta leiringeida nahaakki leibaakngaklon aduga ningthougi loushinggi maramda tajakhibadu achumbamakhni.
6 Adubu mina haaybashingdu maphamsida ekhongna thongna laaktriba phaaoba thajaramde. Makhoyna tamkhibadudi ningthougi leiriba loushingdugi tangkhay amaa phaaoba phangde. Eina tabadudagi eningthougi loushingna mahelli.
7 Ningthougi maharanishingdu thoidokna nungaaijaramgani. Ningthougi seba chatchaaduna matam leibada ningthougi loushing meiri phangjariba manaaishingsibu kayagi matik nungaaijarigaba.
8 Napuroi Eeshordu henna matik mayaai leiba oisanu. Ebungngo mahaakna ningthouda loushing pinabiduna napuroi Eeshorgi phambaalduda ningthou oinaa phamhanbiri. Napuroi ebungngodunaIsraelbu lunaa channa toubiba maramna matam leibada Israel machaashingbu ngaakpi senbi. Achumba amadi ashengbadu tounanaba haayduna ningthou oihanbire."
9 Maasi haayraga Sebagi maharaniduna Solomonda sanaa, kilo 4,140 purakpadu katlammi. Masidasu nattana mahaakna maru maraang amadi mamal tanglaba nung kayaa katlammi. Sebagi maharanina purakkhiba maru maraangdugumna aphaba kanaanasu purakkhidri.
10 Ophirdagi sanaa purakkhiba ningthou hiram amadi Solomongi manaaishingduna thangjing paambi amadi mamal tanglaba nung kayaa amasu purakkhi.
11 Haayriba usidagi ningthou Solomonna ningnashang amadi konunggi siri shemkhi. Masidagi mahaakna pena amadi sargitnachingbasu shaakhi. Judahda asigumba thangjigi u masigi mamaangda amukta ukhidre.
12 Ningthou Solomonna Sebagi maharanida apaamba pot khudingmak pirammi. Maharanina ningthouda katchage haayna purakkhiba adudagi henna ningthouna khudon oinaa pot pibikhi. Masigi matungda maharaniduna manaaishinga loynanaa mareibaakta hankhi.
Ningthou Solomongi Lan-thum
(1 Ning 10:14-25)
13 Chahi chahigi oinaa ningthou Solomongi sanaa kilo 22,977 Karak-e.
14 Masigi mathakta lalonbashing amadi Arabiaki ningthoushing aduga leibaak leibaakki waayenbashingnasu ningthou Solomongi maphamda sanaa amadi silver yaamna purak-e.
15 Ningthou Solomonna phudonglaba sanaagi chunggoi ani shaarammi. Chunggoi amam-mamda kilo taret, taret-na yomlammi.
16 Masigi mathakta mahaakna phudonglaba sanaagi chunggoi machaa 300 su shaarammi. Ningthouna pumnamaksi Lebananda leiriba yumduda thamlammi.
17 Ashengba sanaana phudonglaba saamu mayagi shinghasan amasu mahaakna shaakhi.
18 Haayriba shinghasansigi khongkap taruk chanba siri amaa shaarammi. Shinghasansida sanaana shaaba khongnetpham amasu shaarammi. Haayriba shinghasansigi phamnaba maphamdugi nakan anida paambom amam-mam paallammi. Paambom anidugi nakanda nongsha ani lephanlammi.
19 Sirigi khongkap taruk leiribadugi nakan amam-mamda nongsha amam-mamsu lephanlammi. Masigumba shinghasansi karigumba leibaak amada amukta shakhidri.
20 Ningthou Solomongi thaaknaba paattra pumnamak sanaana shaarammi. Lebanangi umangda leiriba yumduda leiriba patrashingdusu sanaana shaarammi. Solomonna pallingeida silverdi pot oinaa shingthaanaramde.
21 Matamsida ningthou Hiramgi manaaishingga loynanaa ningthou Solomongi manaaishingsu Tarsista lalonba chatlammi. Chahi ahum ahumgi manungda Jahajta Tarsistagi sanaa, silver, saamu maya, heitup, amadi yotnachingba puduna laaklammi.
22 Ningthou Solomonna maalemsida paankhiba ningthoushinggi marakta Khwaaidagi lan leiba aduga loushing shingba ningthou amaa oikhi.
23 Eeshorna mahaakki pukningda happikhiba loushinggi meiridugi mangaandu phangjanaba maalem-sida leiriba ningthoushingna Solomongi manaakta laaklammi.
24 Haayriba ningthoushingsina laakpa matamda sanaa, silver phijet leiteng, manam nungshiba, maru maraang, shagol, amadi khacharnachingba chahi khudinggi khudon oinaa purakkhi.
25 Maramsina Solomongi dolai amadi shagol thamnaba mapham 4,000 Aduga shagol laanmi 12,000 leirammi. Kharana dolai thamnaba shaagatkhiba saaharshingda aduga kharana Jerusalemda thamrammi.
26 Euphratetagi houraga Egyptka tainaba lamdu phaaoba waayenlammi.
27 Jerusalemda ningthou Solomongi matamda silverdi nunggumna mamal leite haayna lounarammi Sephelda houriba heibong paambigumna deodar hourammi.
28 Egypt amadi atoppa leibaakshingdagi Solomongidamak shagol yaamna purakkhi.
Solomonna pallingeigi samlappa waa
(1 Ning 11:41-43)
29 Solomonna palamba matamgi akup-pa warondu maaichou Nathanggi etihaski laairikta Siloh Ahijahgi tungda thokkadouba waashing eba laairik, aduga Jeroboamgi maramda maaichou Nathanggi etihaski laairikta, aduga Jeroboamgi maramda maaichou Iddona Shangshangna ukhiba esinba laairiktuda yaaori.
30 Solomonna Israelgi ningthou oinaa chahi niphu paankhi.
31 Masigi matungda Solomon nonggaakhi. Mapaa Davidki saaharduda mahaakpu potloikhi. Mahaakki mahutta machaanupa Rehoboamna ningthou oikhi.