Jeremiah 33
Awaaba kokpagi waapaao
1 Loisanggi kaada mahaakpu bandi oinaa thambiringei matamda Eeshorna Jeremiahda Amukka haanna waa haayrakrammi:
2 " maalemsibu shembikhiba mara tana lengdana thambiriba Eeshorgi waani. Koloina mahaakki kounabani Eeshor.
3 Eibu kourak-u. Eina nakhoyda paaoukhum pirakkani. Nakhoyna khangdriba achouba amadi aronba potki maramda eina nakhoyda haaybigani.
4 Israelgi Eeshorna asumna taakpiri: saaharsida leiriba yumshing, laanmi mapei mapei taksillakliba amadi thanggi jaagoi saaribadu ngaaknanaba laaklabada tekkhraba Judahgi ningthougi konunggi matangdani:
5 Chaldeanshingna laandarakle. Makhoyna eigi ashaaoba meiridudagi hatkadouriba mishinggi ashibaa mashaaduna maphamsi pumthal thal-hangadabagi laakle. Makhoyna touba phattaba thabakshingdu yengduna saaharsidagi lotlabani eigi maaythong.
6 Yeng-u, houjikti eina maasida yaaiphaba amadi nungaaiba animak pubirakkani. Makhoybu yaaiphahanbaga loynanaa chaaokhatpa amadi soingamdana leiba yaana-naba makhoyda mapaan naaidaba bor pinabigani.
7 Judah amdi Israelgi yaaiphabadu amuk haanna eina pibigani. Hannagumna makhoybu eina amuk shaagatpigani.
8 Eigi mayokta makhoyna toukhiba paapshingdu chamthokpigani. Makhoyna eibu khonggaonaba amadi makhoyna touba thabakki maranshingdu eina ngaakpigani.
9 Eina makhoygi maphamda aphaba tougadabadu maalem-sida leiriba Jaatshinggi mamaangda saaharsi haraaoba, thaagatpa amadi matik mayaai leiraba eigi minglengi urong oinaa lepkani. maasida eina waatta paadana bor pibasi uraga makhoyna eibu kigani aduga eibu uraga thak thak nikkani.
10 Asumna Eeshorna taakpiri: taaibang mi amadi shaa phaaoba leitraba maphamni haayna nakhoyna lounariba, Judah amadi Jerusalemgi lambi leikangla oirambashing taaibang mi natraga shaa phaaoba leiba ngamdre haayna lounariba maphamshingduda,
11 Taaragani haraao tayaambagi khonjen amuk hanna. Luhonggadouriba nupaa amadi nupigi haraaobagi khonjendu taaba phang-gani. Taagani Eeshorgi ningnashangda thaagat-pagi nungaaiba phongdokpa oinaa katnanaba pot puduna laakliba mishingna shakkadaba esheishinggi khonjendu. Makhoyna shakkani: Nongthak nongkha anigi Eeshorgi maphamda thaagatlu, maramdi Eeshordi yaamna phaba mapuni. Mahaakki chetna channa nungshibadu matam leibada hongba leite. Eeshorna taakpiri eina haannagi matougumna leibaaksigi yaaiphabadu hanjinbigani.
12 Nongthak nongkha anigi Eeshorna asumna taakpiri: taaibang mi amadi shaa phaaoba leitraba leibaak amadi masigi saaharshingsida thok-han-gani yaaoshenba shing shanggu shanggu puduna koyna chattuna leibadu.
13 Chingda taariba saaharshing, Negevki saaharshing, Benjamingi lam, Jerusalemgi lamshing, amadi Judahgi saaharshingda yaao shanggu makhoybu chekshinna mashing thiduna senbigadaba amagi makhaada leihn-gani. Masimak Eeshorna taakpiri.
14 Eeshorna taakpiri, yeng-u, Israel amadi Judahgi emung manungda eina shaakhiba waashaktu thunghangadaba matamdu laakle.
15 Adugumba numittuda amadi matamduda Davidki yengduna eina ashengba chaaron amaa shemgatkani. Leibaaksida mahaakna achumba amadi ashengba mashak utkani.
16 Haayriba matamsida Judahbu ngaakpigani. Aduga Jerusalembu thoina mipainingai leiroi. Matamduda toyna kounagadaba mamingdu asini: Eeshorna oibire eikhoygi ashengba urongdu."
17 Eeshorna asumna haayri: Israelgi emung manungda ningthou oinaa pananaba Davidki chadanaoda waathalloi.
18 Eigi emangda meida thaaduna katpa puja mahei maronggi puja, amadi matam leibada thou tounanaba Levi shaageidagi purohit waathalloi.
19 Eeshorna Jeremiahda waa haayrirak-e:
20-21 " Eeshorna asumna taakpiri: nakhoyna nungthin pobotta amadi numidaanggi amaambada eigi areppa waashaktu thugaayba ngamlabdi, ahing amadi nungthin maagi maagi matamgi matung ennaa chathallaroi haaybasini. Haayribasi thoklaba matamda eigi enaai Davidka yaanakhiba areppa waashaktu kairaduna mahaakki dhaaraadagi shinghasanda phamnanaba kanaanasu leitba yaai. Matamduda Levi shaageigi maraktagi eibu seba touhn-gani haayduna khandokkhiba purohit shingdu leitba yaai.
22 Nongmadonda leiriba thawaan-michakshing amadi samudra khongbalda taariba leingoi mashing thibaa ngamdabagumna, eigi enaai Davidiki dhaaraada amadi eibu seba tougadouriba Levi shaageigi purohitshingdu mashing hen-gathan-gani.
23 Eeshorna Jeremiahda waa haayraklammi:
24 Mishingsina haayriba waashingdu nahaak tadrabara? makhoyna haayri, "Eeshorna khandokkhiba jaat anidu houjikti khonggaonabire. " asumna makhoygi mityengda eigi mishingsi jaat amani haayna udre.
25 Eeshorna taakpiri: ahing nungthin anisiga eina areppa waashaktu leinaramdraba, nongmadon amadi maalemsida kaidana chatliba hounalonchat lengdana lenanaba shemlamdraba,
26 Matamduda Jacob amadi eigi enaai Davidki chadadu khonggaonaramgadabani. Matamduda Abraham, Isaac, amadi Jacobki machaa-masushingdugi mathakta waayenduna pannabagi mahaakki chatondagi amaa phaaoba khallamloidabani. Yeng-u, eina makhoyda pibigani yaaiphaba aduga makhoygi mathakta utkani thoujaan."