Ezekiel 37
Akangba sarusinggi tampak
37 Eigi ithakta Eshor-gi saum tarammi. Eshor-gi thawaiduna eibu loinaraduna mapanda puthokpirammi. Saru yamna leiba tampak amada eibu puduna chatlammi. 2 Mahakna eibu sarusingdugi akoibada puduna chatlammi. Yengu, mapham-duda mashing lakngamdraba saru tampaktuda leirammi.Hairiba sarusingdu yamna kanglammi. 3 Mahakna eingonda hairammi. Hey nupa, sarusingsi mathawai happa yagadra?" Eina maduda paokhum pirammi, " Mapu Ibungo Eshor-na khangbiribadu mangai." 4 Masigi mathangda Ibungona eingonda hairammi, "sarusingsida wa phongdok-u. Makhoida haiyu, "hey kanglaba sarusing, Eshor-gi yawadu taro. 5 Kanglaba sarusing, nakhoina Mapu Ibungo Eshor-na asumna takpiri: yengu, nakhoida eina thawai happigani. Aduna nakhoi hingna leiba ngamgani. 6 Singli tangli palhallagani. Shadong happiragani. Unsa pibiragani. Thawai happiragani. Adu oirabadi nakhoi hinglagani. Matamduda nakhoina Eisi Eshor-ni haiba khanggani.
7 Eibu yathang pibikhibadugi matung inna eina wasingdu phongdo klammi. Eina asum wasingdu hairingei matamda khon-jen ama tho klammi. Yengu yamna houba makhon thokpa houra klammi. Magi magi mapham chana sarusingdu samjinnaba houra klammi. 8 Eina asum yengkhibada hairiba sarusingsida singli panba houra klammi. Shadong panba hourakle. Unsana makhoibu kupsinba hourakle. Adubu makhoida thawaidi leiramde. 9 Matangduda Ibungona eingonda hairammi. "hey nupa, thawaidu kouduna haiyu, Mapu Ibungo Eshor-na asumna takpiri: Laklo, thawai, laklo maikei marimaktagi. Chatlo asibasinggi manungda, makhoibu hinghallu. " 10 Mahakna piba yathangdugi matung inna eina wa phongdo klammi. Makhoida thawai changkhirammi, makhoi makhongna leppa hourakle. Hairibasi yamna yamkhraba matou amani.
11 Masigi matungda mahakna eingonda hairammi, "he nupa, sarusingsi Israelgi mishingni haiba khangu. Yengu, makhoina hairi, eikhoi sikanglaba mishingni. Eikhoi asagi mayon chongdre. Eikhoi mang taklaba mishingni. 12 Maram-sina wa phongdopka matamda makhoida haiyu, Mapu Ibungo Eshor-na asumna takpiri: yengu, eina nakhoibu mongphamdagi louthokpigani. Mongphamdagi nakhoibu hougatpigani. He Eigi mishing, Eina nakhoibu naranyai Israelgi lamda hallanhanbigani. 13 Eina nakhoigi mongpham hangdoktuna nakhoibu mongphamdagi hougatpiba matamda, he eigi mishing, Eisi Eshor-duni haiba nakhoina khanggani. 14 Eigi thawaidu nakhoida happiduna nakhoi sinaidaba punsi phanggani, Eina nakhoibu nareipakta thambigani, matamduda nakhoina Eshor oiriba Eina haikhiba wasingni haiba ningsingani. Eshor-na takpiri Eina haikhiba wasingdu soidana pangthokkani."
Judahga Israelga punba
15 Eshor-na eingonda wa hairaklammi:16 He nupa, kwakchin ama khullaga iyu, ' Judah amadi mahakka loinana leiminnakhiba Israelgi machasing, aduga atoppa kwakchin ama louraga iyu, ' Joseph Ephraimgi machang amandi mahakna samnaramba Israelgi mishing' 17 Nahakki nakhutta makhoi amatta oina leinanaba makhoigi maramda ikhriba kwakchin anidu amatta oina punsillu. 18 Nahakki ee tinnabasingduna Nahakki naphamda nahakna eikhoida hairiba wasingsigi machang karino haina hanglakpa matamda 19 Nahakna makhoida haigadabani, "Mapu Ibungo Eshor-na asumna takpiri: yengu, Joseph amadi mahakka tinnariba Israelgi mishinggi maramda iriba Ephraimgi makhutta leiribadu eina paiba tare. Eina masibu Judahgi cheiduga samnabigani. Tongan tongan tariba chei anidu amatta oina eigi ikhutta tinsillagani. 20 Nahakna makhoigi maramda ikhibadu makhoigi mamit mamangda nakhutta pairaba matamda 21 Makhoida haiyu, " Mapu Ibungo Eshor-na asumna takpiri: Israelgi mishingna leiruriba Jatsinggi maraktagi makhoibu pubirakkani. Makei khudingmaktagi makhoibu khomjinbiduna mareipakta leihangani. 22 Israelgi loibi chingsangduda makhoibu jat amatta oina tahan-gani. Makhoigi mathakta ningthou amakhakta pan-gani, makhoi jat ani thokna khairaroi. Leibak ani thoknasu khaidoklaroi, 23 Lai murti khurumduna amadi makhoina touriba phattaba thabaksingduna makhoi masabu manghannaba thabak amuk touraroi. Makhoi papsu touraroi. Dharmada hantharaklibasidagi makhoibu eina kanbigani. Eina makhoibu sengdokpigani. Makhoi eigi mishingni haina khangnagani. Aduga eihak makhoigi Mapu Ibungoni haina lounagani.
24 Eigi inai Davidna makhoigi ningthou oigani. Makhoibu yao senba amattana senbigani. Makhoina cheksinna eigi yathang ngakkani aduga eigi niyamsingdu ingani. 25 Eigi inai Jacobta pikhiba nakhoigi napa napuna leiramba lamduda makhoi leigani. Matam leiba khibikta makhoiga loinana macha masusingdusu leigani. Matam leiba khibikta eigi inai Davidna makhoigi ningthou oigani. 26 Mara chetna panba yananaba makhoiga eiga areppa wasak ama lounagani. Eina makhoida bor pibiduna makhoigi mishing hen-gathan-gani. Matam leibada lengdana makhoigi marakta eigi ningnashangdu lingkhatkani. 27 Eigi leiphamdu makhoigi marakta matam leiba khibikta urong oina khinduna thambigani. Eihak makhoigi Mapu Ibungo oigani. Aduga makhoi eigi mishingni haina sonnagani. 28 Matam leiba khibikki oina makhoigi marakta eigi ningnashangdu lengdana leiba matamda jatsingna eisi Lainingthou ibunoduni haiba hajana khanggani."