2 Chronicles 17
Jehosaphatna ningthou oiba
1 Mahaakki machaanupa Jehosaphatna mahut shinduna ningthou oikhi. Mahaakki matamda Israelga laanthengnaba ngamnaba mapaanggal kankhatnaba hotnakhi.
2 Judahgi mapham khudingda chekpal khagatlaba laanbangumlaba saahar kayaa shemgatkhi. Judah amadi mapaagi matamda lousillamba saaharshingda leibaak ngaakpa thamlammi.
3 Eeshorna Jehosaphatka loinabirammi maramdi mahaakki mapaana nahaa oiringeida toukhibagumna achumba tourammi. Mahaak Baal khurumlamde.
4 Mapaana ningjaramba Eeshordubu ningjakhi. Ebungngona taakpikhiba yaathangshingdu kaidana chatlammi aduga Israelna toubagumna mahaak toukhide.
5 Maramsina Eeshorna mahaakpu ngaakpirammi aduga Judah pumbana mahaakki maphamda loipot karammi. Mahaak awaat-apa leitba ningthou amaa oirammi aduga minasu ekaai-khumnarammi.
6 Eeshorgi tung enbasida mahaakki thamoi nungaairammi aduga masigi mahei oinaa Judahda leiriba ashengba maphamshing aduga Asherahgi khubhamnachingbadu muthatkhi.
7 Mahaakna ningthou oiba ahumshuba chahida makhaada eriba mishingsi Judahgi saaharda hiram kayaamarumda tambinaba thaarammi. Makhoydudi: Ben-Hail, Obadiah, Zechariah, Nethanel amadi Micaiah.
8 Haayriba mishingsi Levi mapaan aduga purohit aniga loynanaa chatlammi. Levishingdudi: Shemaiah, Nethaniah, Zebadiah, Asahel, Semiramoth, Jehonathan, Adonijah, Tobijah amadi TobAdonijah maasida chatkhiba purohit aniduna Elishama amadi Jehoram oirammi.
9 Makhoyna Eeshorgi puyadu puduna chatlammi. Judah saahargi mapham khuding chattuna makhoyna puyadu mishingda taakpikhi.
Jehosaphatki thaagatningai oiba
10 Yumlonnabada taariba leibaakshingduna Jehosaphatki mathakta laan houba kinarammi maramdi Eeshorna makhoyda ethinsi phaohallammi.
11 Philistigi mishingna Jehosaphatta khudon oinaa sanaa amadi silver mashing yaamna puraktuna katkhi. Arabta leiba mishingnasu yaao 7,700 Amadi haameng 7,700 puraklaga pikhi.
12 Matou asumna Jehosaphat mapaanggal kanba hen-gatlakkhi. Judahda leiba saahar pumbaa mahaakna chekpanna khagatkhi.
13 Haayriba saaharshingduda chinjaak mapaan naaidana peiduna thamkhi. Jerusalemda mahaakna mashak naairaba phamnaaibashingdu thamkhi.
14 Haayribasi shaagei shaageigi tongaanna thambani. Judahgi shaageigi Adnahna laanmigi makok oirammi. Mahaakki makhaada laanmi 300000 leirammi.
15 Mahaakki makhaada jehohananna laanmi 280,000 paannarammi.
16 Ahumshubada Zichrigi machaanupa Amasiahna laanmi 200,000 Makok oirammi. (Amasiahna Eeshorgi seba chatpada peisa louramde)
17 Benjamingi shaageigi luchingba Eliadana ten amadi chunggoi paayba 200,000-gi makok oirammi.
18 Mahaakki mathangda jehozadadna luchingduna 1800,000 Amasu leirammi.
19 Haayriba mishingsi ningthougi laanmi oinaa Jerusalemda leirammi aduga masigisu mathakta atei maphamshing Judahda chekpan khagatlaba laanbanda laanmi kayaa amasu thamkhi: