Acts 15
Aatoppa jaatki Christiansing amasung Mosesgi waayel yaathang
15 Amasung Jihndiyadagi kana kanaagumba misingna kumtharaktuna, Mosesgi hounabi matung ennaa un kaktrabadi, nakhoyna araan khubam phangba ngamloi, haayduna machin manaaosingda makhoyna tambirak-e. 2 maaduda Paulga Barnabasgana makhoyga yaamna ningai tounaduna waa yetnarabada, waa yetnaba asigi maramda Paul, Barnabas amasung makhoygi maraktagi atei kana kanaagumbabu paakhon-chatpasing amasung ahal-laman singda Jerusalem taanna kanaba khandokle.
3 maram aduna seenglupna makhoybu lambida thillaaktuna, atoppa Jaatsingna pukning hongba adu lira liraduna makhoyna Phenic amasung Samaria lallakle, adugaa machin manaaosing pumnamakpu yaamna haraaohallammi.
4 Amasung makhoyna Jerusalemda thunglarabada, seenglup, paakhon-chatpasing amasung ahal-laman singna makhoybu lousinbire, adugaa Eesor-na makhoyga loynanaa toubikhiba thabak pumnamak makhoyna libire. 5 touegumsung makhoy un kakpa taare, amasung Mosesgi waayel yaathang adu ngaaknanaba makhoyda yaathang piba taare haayduna thajaraba Pbarisisinggi Khutpudagi kharana hougatle.
Jerusalemda tinnaba
6 maaduda paakhon-chatpasingga ahal-laman singgana waa asgi maramda taananaba tinnare. 7 adugaa yaamna waa yetnarabada, Peter-na hougattuna makhoyda haay,
He echin-enaaosa, attoppa jaat singna eigi chindagi aphaba waapaao taaraga thajanaba, mamaangeida Eesor-na nakhoygi naraktagi eibu khandokpire haayba nakhoyna khang-e. 8 adugaa pukningbu khangbiba Eesor-na eikhoyda toubikhiba adugumna makhoydasu thawaay asengba pibiduna, makhoyda saakhi pibire. 9 Amasung thaajabagi mapaanna makhoygi pukning sengdokpiduna, ebungngo mahaakna eikhoyga makhoygagi marakta karisu tongaanba leihande. 10 maram aduna houjik eikhoygi epa epu-singnasu eikhoynasu puba ngamdaba popubu sebok-singgi mangaakta nakhoyna thonggattuna, Eesor-bu karigi chaang yenglibano? 11 touegumsung ebungngo Jesus-gi thoujaanna makhoyga maannana eikhoysu araan khubam phanggani haayba eikhoyna thaajei.
12 maaduda miyaam pumnamakna tuminna leire; adugaa Barnabasga Paulgagi mapaanna atoppa Jaatsinggi marakta Eesor-na khudam sing amasung angak angakpa toukhiba adu makhoy anina lithokpiba makhoyna taarammi.
13 Amasung makhoyna tuminna leiraba matungda Jamesna khumlak-e.
He echin-enaaosa, eigi waa tabiyu: 14 Eesor-na ebungngo mahaakki minggi damak atoppa Jaatsingdagi mi khutpu amaa louthoknanaba ahaanbada karamna mityeng tabikhiba adu Simeonna lithokpire. 15 Amasung asidi Eesor-gi waa taakthokpa singgi waaga mannei; asumna ere,
16 Thabaksing asigi matungda eina hallakkani, adugaa Davidki tukhraba phijang adu eina amuk sagani; amasung maadugi maangkhraba adu eina amuk sagani; adugaa eina maadu chumkhatkani,
17 Lemhouba misingna amasung eigi ming louraba atoppa Jaatsing pumnamakna Eesor-bu thinanabani haayduna
18 Ahaanbadagi hiram sing asi khanghanbiba Eesor-na haay.
19 maram aduna eina khanjabani, atoppa Jaatsinggi maraktagi Eesor-na onsillakpa makhoy adubu eikhoyna waahanganusi; 20 adubu makhoyna laida katluraba sengdaba pot, marumbi, lakhattuna siba saa, amasung ee chaaba pumnamak asidagi lapthoknaba eikhoyna makhoyda ekhisi.
21 maramdi mamaangeidagi houna sahar saharda Mosesgi niyaam laairiksingdu saandokpa mising leiduna maadu potthaaba numit khudingda loysang loysangda panarammi.
Aatoppa jaatki Christiansingda eduna thaakhiba
22 Matam aduda makhoygi maraktagi machin manaaosinggi marakta luchingba-singbu; maming Barsabba kouba Judas amasung Silasbu, khandoktuna Paul amasung Barnabasga loynanaa Antioch taanna thaana-naba seenglup apun-baga paakhon-chatpasing amasung ahal-laman singgana phagani ningle.
23 Amasung asumna eduna makhoygi khutta thaakhre: eikhoy echin-enaao, paakhon-chatpasing amasung ahal-laman singna Antioch, Syria amasung Ciliciada leiba atoppa jaat echin-enaaosinggi maphamda khurumjari.
24 eikhoyna yaathang pikhidaba mi kharana eikhoydagi chatkhiduna, nakhoygi pukning onna-teinahanduna, nakhoybu waaheina olang onsaohalle haayba eikhoyna tabagi maramna, 25 eikhoyna pukning amata oiraduna misingbu khandoklaga, eikhoygi ebungngo Jesus Christagi minggi damak Mathawaai katthoklaba, 26 eikhoyna channaraba Barnabas amasung Paulga loynanaa makhoybu thaaba phei ningle. 27 maram aduna eikhoyna Judasga Silasgabu thaare; makhoy masaanasu nakhoyda waaram asimak machinna taakpiragani.
28 maramdi thoidokna kaannaba potsing asi nattana henna lumba pot nakhoygi nathakta haptabana phei haayduna thawaay asengbanasu, eikhoynasu ningle, 29 haaybadi, laida katluraba pot, ee chaaba, lakhattuna siba saa, amasung marumbi pumnamak asidagi nakhoyna lapthokpa phei; nakhoy nasaana pumnamak asidagi ngak chaarabadi, nakhoygi aphaba oigani. nakhoy yaaiphaba oisanu.
30 asum touna makhoybu thaadokpirabada, Antioch taanna kumtharakle; adugaa miyaambu khomjinduna, makhoyna laairik adu pire. 31 Amasung makhoyna maadu parabada, pukning thougatpibagi maramna haraaojare. 32 adugaa makhoy masaana Eesor-gi waa taakthokpasu oiba Judasga Silasgana machin manaaosing adubu waahei ayaambana thoujan-biduna, makhoybu pukning chet-hanbire.
33 Matam khara makhoyna leiramlaga, machin manaaosing adudagi makhoybu thaarakpasing adu taanna engthana thaadokpire. 34 touegumsung Silasna aduda leiba phei ningle. 35 touegumsung Paulga Barnabasgana ayaamba ateisinggasu loynanaa Eesor-gi waapaao tambiduna amasung saandoktuna matam lellammi.
Paulga Barnabasga khaainaba
36 Amasung numit kharagi matungda Paulna Barnabasda haay, eikhoyna Eesor-gi waapaao saandoklamba sahar khudingda echin-enaaosing karamna leiba, houjik amuk handuna yeng-usi. 37 adugaa Barnabasna Mark kouba Johnbasu makhoyga loynanaa puninglammi. 38 adubu makhoybu Pamphyliadagi thaadoklamlaga thabakta makhoyga loynanaa chatminnadaba mahaak asibu makhoyga loynanaa puba aphaba natte haayna Paulna ninglammi.
39 asumna ningai thoknaduna, makhoy amaaga amaga khaaynakhre, adugaa Barnabasna mahaakka loynanaa Markpu puduna Cyprus taanna hi tongkhi; 40 touegumsung Paulna Silasbu khandokle, adugaa machin manaaosingna makhoybu Eesor-gi thoujanda sinnabiduna, makhoyna chat-thokkhre. 41 adugaa mahaakna seenglup seengluppu chethanbiduna Syria amasung Cilicia lallakle.