1 Samuel 1
Elkanah amadi mahakki imunggimishingna Silohda leiba
1 Ephraimgi chinggi lamdagi Ramoth kouba khundagi Ephraim sageigi Zuphki machanupa Tohuna pokpa Elihugi machanupa Jerohamna pokpa Elkanah kouba nupa ama leirammi. 2 Mahakki nupi ani surammi: Amagi mamingna Hannah aduga atoppa amadugi mamingna Peninnah kourammi. Peninnahdi macha po klammi aduga Hannahdi macha poklamde.
3 Eligi machanupa Hophni aduga Phineh anina Ishor-gi ningnashanggi purohit oina leiringeida chahi chahi khudinggi Elkanah hairiba nupasina Siloh tanna laklaga nongthak nongkha anigi Mapu Ishor-bu khurumjanaba laklammi. 4 Elkanahna puja chatluba khudinggi Ibungogi khuyada katluba athenpotsingdu puraklaga mahakki nupi Peninnah amadi mahakna pokpa machanupasing amadi nupisingda pijarammi. 5 Elkanahna Hannahbu nungsirabasu saruk tamba matamdadi saruk amatta thunglammi maramdi Ishor-na mahakpu macha pokhallamde. 6 Peninnahna mahakpu yamna thina laknabirammi amasung Ishor-na mahakpu macha pokhandribani haidunasu laknarammi, 7 Matou asumna chahi kaya houkhre. Aduga makhoina Ishor-gi ningnashangda chatpa matamda Peninnahna Hannahbu itat tattana noknabirammi. Maramsina mahakna athenpotsingdu charamde. 8 Mapuroiba Elkanahna hanglammi, "Hannah, nahak karigidamak kaplibano? Nahakna athenpotsingsi chadriba karigino? Nathawai yamna chaklibasina karigino? Icha nupa taradagisu nahakna henna nungsiba nattra?"
Hannah amadi Eli
9-10 Nongma Ishor-gi ningnasangda makhoigi chara chaba loiraba matamda Hannah phuk hougatlammi maramdi mahak thoidokna pukning warammi.Ishor-da haijaba matamda mahak thamoi sokna kapkhi. Matamsida purohit Elina mahakki phamphamda thongjin manakta phamduna leirammi. 11 Hannahna wasakladuna hairak-i, "he nongthak nongkha anigi Mapu Ishor-gi manai nupigi awabasi ubirabadi aduga karigumba Ibungona nanaibu nungsibirabadi, nanaibu kaobidaduna ichanupa amatang pinabirabadi angangdugi masam kakloi. Angangdugi mapunsi chuppa Ibungogi seba tounaba Ibungogi khuyakhada katchagani.
12 Hannahna asumna Ishor-gi maphamda haijaduna leiringeida machin lengbadu yengduna leirammi. 13 Hannahna thamoinungda tuminna machinbandi thoktana haijarammi. Maramsina Elina yu ngaobi nupi amani haina lanna lourammi. 14 Elina mangonda hairammi, "kaya kuina nahak yu ngaokhigadage? Yu ngaoribadu phakho." 15 Masi tabada Hannahna paokhum pirak-i: natte Ibungo, nanai eihak thamoi kairabi nupi amani. Nanai eihak yu thakchade. Adubu Ishor-gi maphamda nanai thawai hakchang animak katthokcharibani. 16 Nanaibu lamchat leitabi nupi amagu-mna loubiganu. Nanaina chinda murum murum sollibasi thamoi puba ngamdaduna touribani.
17 Elina hairammi: Nungngaina chatlo. Israelgi Mapu Ibungona nahakna nijariba bordu pibabirabani.
18 Mahakna haijarammi, "nanaibu nungsibuyu." Masi hairamlaga mahak hougattuna chatkhre aduga nungngaina chathakhi. Mahakki maithongda awaba saklon pukhide.
Samuel pokpa aduga mahakpu Ibungoda katthokpa
19 Makhoina Ishor-obu ayuk nganna hougatlaga khurumjarammi. Masi loirabada Ramahda hankhi. Elkanahna mahakki nupi Hannahga phidinnarammi. Matamsida Ishor-na mahakna nijakhiba bordu thunghanbikhi. 20 Hannah mironduna machanupa ama pokkhi. Mahakna pokliba angangdugi mamaing Samuel kourammi. Matangsida mahakna asumna haikhi: angangsi eina Ishor-gi nijakhibani.
21 Elkanah amadi mahakki imung manunggi mi pumnamakna chahigi oina Ishor-gi maphamda puja tounaba chatlammi. Matamduda sakchakhiba wasaktu ngaknaba mapukningda chap yungna khanjarammi. 22 Adubu Hannahdi chatpa ngamlamde. Maramsina mahakna mapuroida haijarammi, "angangsi khom hek khaibaga Eshorda katnanaba aduga maphamduda mahak mapunsi chuppa leinanaba eina puduna chatkani." 23 Mapuroiba Elkanahna mangonda hairammi, "nahakna phagadoubadu tou. Hoi, mahak khom khaiba phaobadi eikhoiga leiminnaba phei. Nahakna khanjaribadu Ishor-na yabiba oisanu." Asumna Hannahna angangdu sennaduna mayumda leihouwi.
24 Angangdu khom khaiba matam youraklabada, chahi ahum suba shallaba ama puraga angangduga loinana makhoi chatlammi. Yam ephah ama aduga drakha mahi kharung ama yaona Silohda leiriba Ishor-gi ningnashangdu tanna angangdu puduna laklammi. Matamduda angangdu yamna nourammi. 25 Makhoina sandu hatlaba matungda Eligi manakta angangdu purammi. 26 Hannahna Elida hairammi, "Ibungo, nanaibu ningsingbiribara? Ishor-gi khuyakhada khurumjaduna leiringeida Ibungona thengnabikhiba nupidu nanaini. 27 Ibungogi maphamda nanaina angangsi nijakhibani aduga Ibungona nanaida nijabadu pinabire. 28 Maramsina eina anganssibu Ishor-da katcharabani. Mahakki mapunsi leiribamakhei Ishor-gi oina leijarasanu." Masigi matungda Ishor-gi khuyakhada makhoi punemjakhi.