Matthew 19
Nupi khaainabagi waahang
( Mark 10.1-12 )
19 Amasung asum thoklare, Jesus-na tambibasing asi loirabada, Galileedagi saandoraktuna Jordan waangmada Judeagi lamdamda lenglakle, 2 adugaa miyaamna yaamna ebungngo-gi tung eenjarammi, amasung mapham aduda ebungngona makhoybu phahanbirammi.
3 Matung aduda pharisi singna ebungngo-gi manaakta laaktuna chaang yengba oinaa haayrak-e, maram khudingmakkidamak nupi khaainaba asi waayel kaaybra? 4 Amasung ebungngona khumlak-e, ehaan hanbadagi oihanba mapu aduna makhoybu nupaa amasung nupi oinaa sembirambani, 5 Amasung maram asigi damak nupaana mapaa mamaa thaadoktuna maagi nupida napsin-gadabani amasung makhoy ani aduna masa amata oigadabani, haayramba asi nakhoyna paadabra? 6 adunadi makhoyna amuk ani oidaduna masa amata oire, maram aduna Eesor-na tinnahan-khraba adu mina khaaidoktasanu. 7 makhoyna ebungngo-da haayrak-e, adu oirabadi, Moses-na khaainabagi waaroi laairik piduna maabu khaainou haayna karigi yaathang pirambage? 8 ebungngona makhoyda haay, nakhoygi thamoi kanbagi maramna Moses-na nakhoybu nupi khaainaba yaarambani, touegumsung ehaan hanbadagi asumna touramba natte 9 Amasung eina nakhoyda haayri, kanaagumbana maagi nupibu nupaa laannabagi nattana khaainaraga atoppa amaa luhongba adu migi nupi laannaba thabak touwi. (amasung khaainarabi mahaakpu luhongba mahaak aduna migi nupi laannaba thabak tourabani.) 10 Sebok-singna ebungngo-da haayjarak-e, nupaa amanaa maagi nupiga asumna mari leinarabadi, luhongdabana phei. 11 aduda ebungngona makhoyda haay, haayribasi mi pumnamakna louba ngamde, touegumsung maasi pikhraba makhoy adudani. 12 maramdi makhoygi mamaa puknungdagi asum poklaklaba masa onbasing lei, adugaa misingna semba masa onbasing lei, amasung swarga leibaakki damak makhoy masaana masa onhanjaba masa onbasing lei. lousinba ngamba mahaak aduna maasi lousinjasnu.
Jesus-na angaang-singbu bor pibiba
( Mark 10.17-31; Luke 18.18-30 )
13 Matam aduda ebungngo-gi khut makhoygi mathakta thambiduna Eesor-da haayjabinaba apikpa angaang-sing ebungngo-da pujarak-e; amasung sebok-singna makhoybu cheihat-lammi. 14 touegumsung Jesus-na haay, apikpa angaang-sing leijasanu, amasung makhoyna eingonda laakpa khaamganu; maramdi swarga leibaak adu asigumba makhoygini. 15 Amasung ebungngona makhoygi mathakta khut thambire amasung mapham adudagi lengthok-khre.
Eenaak-khunba paakhang amanaa lomba naaidaba hingba thiba
( Mark 10.17-31; Luke 18.18-30 )
16 Amasung yeng-u, mi amanaa ebungngo-gi manaakta laaktuna haayjarak-e, oja, eina lomba naaidaba hingba phangna-naba kari aphaba thabak toujagadage? 17 aduda ebungngona maangonda haay, nahaakna aphaba adugi maramda eingonda karigi hanglibano? aphaabadi amatta marei. touegumsung nangna hingba aduda changninglabadi, yaathangsing adu ngaak-u, 18 manaa ebungngo-da haay, karambano? amasung Jesus-na haayrak-e, nangna mi haatpharoi, nupi laannapharoi, huraanpharoi, araanba saakhi pipharoi, 19 napaa namaabu ekaai khumnou, amasung nanggi keiroy leikaaibu nasaamakkumna nungsigadabani. 20 nahaa aduna ebungngo-da haayjei, pumnamak asi eina ngaakcharak-e, eina houjik kari waatlibage? 21 Jesus-na maangonda haayrak-e, nangna mapung phaaba oininglabadi, chatlu, nanggi leijaba makhei yonthoktuna laairaba-singba pinou, adugaa swargada nanggi laal leigani; adugaa laak-u, etung enja-raraao. 22 touegumsung nahaa aduna haayriba adu taabada, waana chat-thokkhre; maramdi mahaak maral yaamna leiba amaa oirammi.
Eenaak-khunbagi apanba
23 Jesus-na mahaakki sebok-singda haay, eina nakhoyda thaanggei sengna haayribani, enaak-khunba mina swarga leibaakta changba lui. 24 Amukka eina nakhoyda haayri, enaak-khunba mina Eesor-gi leibaakta changbadagi ut amanaa yetum manaada litpana henna laay. 25 Amasung sebok-singna maadu taabada thoidokna ngakladuna haayrak-e adu oirabadi, kanaana aran khubaam phangba ngamgadage? 26 Jesus-na makhoyda yengduna haayrak-e, misingdadi maasi oithoktabani, touegumsung Eesor-dadi pumnamak oiba ngaktani 27 Matam aduda Peter-na ebungngo-da khumlak-e, yengbiyu, eikhoyna pumnamak thaadokchaduna ebungngo-gi tung enjare, aduda eikhoyda kari oiragadage? 28 adugaa Jesus-na makhoyda haayrak-e, eina nakhoyda thaanggei sengna haayribani, anouba taaibang-paanda migi machaa nupaa aduna mahaakki matik mangaangi phambaalda phamba matamda, Israelgi salaai taraanithoibu waayel touduna eigi etung eenba nakhoysu phambaal taraanithoida phamgani. 29 Amasung eigi eeminggi damak mayum makei, machin manaao, machan mache, mapaa mama, machaa-masu, lou sing oirabasu thaadokpa mi khudingmakna saruk yaamna phangjagani, amasung lomba naaidaba hingba phangpham thoklabani. 30 touegumsung ahaanba oiba ayaambana akonba oigani, adugaa akonbana ahaanba oigani.