Matthew 5

Chingthakta tambiba

1 Amasung miyaam-shing adu uraduna Ebungngona chingda kaakhatkhi, amasung phamthaaraba matamda ebungngogi sebokshingna maangonda laaklammi;

2 Amasung Ebungngona ya kaathoktuna makhoyda tambiba houre;

Yaaiphabashing

( Luke 6.20-23 )

3 Thawaay tonbashing adu yaaiphabani,maramdi swarga leibaak adu makhoygini.

4 Tengtharibashing adu yaaiphabani, maramdi makhoybu nungaaihanbigani.

5 Pukning. Tappashing adu yaaiphabani, maramdi prithibi asi makhoyna phangpham thok-e.

6 Dharma chenbagi damak aram khouraanglibashing adu yaaiphabani, maramdi makhoybu thal-hanbigani.

7 Nungshiheibashing adu yaaiphabani. Maramdi makhoyna nungshibiba phanggani.

8 Pukning ashengbashing adu yaaiphabani, maramdi makhoyna Eeshorbu ujagani.

9 Tapthaba pibashing adu yaaiphabani, maramdi makhoybu Eeshorgi machaashing kougani.

10 Dharma chenbagi damak awaaba phanglibashing adu yaaiphabani, maramdi swarga leibaak makhoygini.

11 Eigi maramgi damak mishingna nakhoybu cheiraba amasung ot-neiraba, aduga nakhoygi nathakta phattaba pumnamak theijillabada nakhoy yaaiphabani.

12 Haraojou amasung thoidokna nungaaijou, maramdi swargada nakhoygi manaa-chaaowi, maramdi nakhoygi namaangda leiramba Eeshorgi waa taakthokpa shingbu asumna ot-neikhi.

Thum amasung thaaumeidagi paaoutaak

( Mark 9.50; Luke 14.34-35 )

13 Nakhoydi taaibang paanbagi thumni, adubu thum aduna maagi mahaao maangkhrabadi, madu karamna haaohan-gadage? adudagidi madu hundoktuna mishinggi khongna netthatpa nattana karisu kannaadre. 

14 Nakhoydi taaibang paanbagi mangaanni, chingthakta leiba saahar lotpa yaade. 15 Aduga mishingna thaaoumei thaallaga thummuk makhaada thamde, touegumsung thaaoumei makhong mathakta thamduna emungda leiba pumnamakpu ngaalhalli. 16 Matou asumna mishingna nakhoygi aphaba thabak uduna swargada leiba nakhoygi napaabu thaagatnanaba nakhoygi mangaan adu mishinggi mamaangda ngaansanu.

Waayel yaathang ariba amasung Jesusgi waayel yaathang

17 Eina waayel yaathang adu nattraga Eeshorgi waa taakthokpa shinggi waa adu maanghange laakpani haayna ningganu, eidi maanghanba laakpa natte, touegumsung thunghanba laakpani. 18 Maramdi eina nakhoyda thaanggei shengna haayribani, swarga amasung prithibi maangdriba phaaoba waayel yaathang adudagi leiee machet amaa nattraga bindu amatasu, pumnamak thungdriba phaaoba,maangloi.

19 Maram asina kanaagumbana Khwaaidagi henna pikpa yaathangshing asigi maraktagi amabu thugaayduna mishingda adugumna tambiba mahaakpu swarga leibaakta Khwaaidagi pikpa khougani; touegumsung kanaagumbana enduna tambirabadi mahaakpu swarga leibaakta achouba kougani.

20 Maramdi eina nakhoyda haayribani, nakhoygi dharma chenbana shaastragi ojaashing amasung pharisi-shinggi dharma chenbadagi hendrabadi, nakhoyna swarga leibaakta sungchang changloi.

21 Nangna mi haatpharoi; amasung kanaagumbana mi haatlurabadi, waayen-gi awaabada taagani, haaybasi thaainagi makhoy aduda haaykhibadu nakhoyna taare.

22 Touegumsung eina nakhoyda haayri, kanaagumbana maagi machin manaaobu shaaorabadi, waayen-gi awaabada taagani; amasung kanaagumbana machin manaaobu raka haaybadi, mahaakna ahallupki awaabada taagani; amasung kanaagumbana apangba amaangba nang haayrabadi, mahaak norokki meigi awaabada taagani.

23 Maram aduna nangna laatna pungda nanggi katnaba pot puraklabada nanggi nachin nanaaona nanggi nathakta karigumba amaa leikhibadu ningshinglaklabadi,

24 Katnaba, adu laatnapunggi mamaang aduda thamlamduna, chatlaga nanggi nachin nanaaoga haanna chamthoknou, amasung adudagi laaktuna nanggi katnaba pot adu katcharo.

25 Nangga waa thoknariba aduna nangga loynanaa lambida leiringeida maga, thuna chamnou; adu nattrabadi waa thoknariba aduna nangbu waayenba mapuda pithokpa yaai, amasung waayenba mapuna nangbu phamnaaibada shinnaduna nangbu keishumshangda thaajinba yaai. 26 Eina nangonda thaanggei shengna haayribani, nangna shinggadaba aroiba peisa adu shingdriba makei mapham adudagi khak thoklakpa yaaroi.

27 Nangna migi nupi laannapharoi, haaykhiba asi nakhoyna taare;

28 Touegumsung eina nakhoyda haayri, nupi amabu apaambana sumhattuna yengba mi khuding makna maagi pukningda mahaakka loynanaa laannaba thabak toukhrabani.

29 Amasung nanggi yethangba namitna nangbu paapta khudi thihallabadi, khottoktuna nangondagi hundok-u; maramdi nashaa apumbaa norokta taahaanbadagi nanggi hakchaanggi kaayat amaa maangkhibana nanggi kaannabani.

30 Amasung nanggi yet-thangba nakhutna nangbu paapta khudi thihallabadi, kakthattuna nangondagi hundok-u; maramdi nashaa apumbaa norokta taabadagi nanggi hakchaanggi kaayat amaa maangkhibana nanggi kaannabani.

31 Asumnasu haaykhre, kanaagumbana maagi nupi khaainage haayrabadi, khaainabagi laairik nupi aduda pisanu.

32 Touegumsung eina nakhoyda haayri, laannaba thabakki nattana nupi khaainaba mi khudingmakna maabu mawaa laannabi oihallabani; amasung kanaagumbana khaainarabi mahaakpu luhonglabadi, nupi laannaba thabak touwi.

33 Amukka, thaainagi mishing aduda haaykhiba adu nakhoyna taare, madudi, nangna laanna waashakkanu, adubu nanggi waashakpa adu Eeshorda paangthok-u.

34 Touegumsung eina nakhoyda haayri, khak waashakpharoi, swarga pandunasu waashakkanu, maramdi Eeshorgi phambaalni;

35 Leibaak pandunasu waashakkanu, maramdi ebungngogi khonggi khongnetphamni; aduga Jerusalem pandunasu waashakkanu, maramdi achouba ningthougi saaharani.

36 Nanggi nakok paaydunasu waashakkanu, maramdi nangna sham manaa amatasu ngouhange nattraga muhange ngamba natte.

37 Touegumsung nanggi waa adu hoy haayraga, hoy haayyu, maay haayraga, maay haayyu, amasung asidagi henba makheidi phattabagi mapudagini.

38 Mit amagi mahut mit amaa, ya amagi mahut ya amaa, haaykhiba asi nakhoyna taare. Adubu eina nakhoyda haayri, phattraba adubu thingganu.

39 Touegumsung kanaagumbana nanggi yet-thangba nakhajaaida khupaakna thaarabadi, maangonda atoppa adusu onsillu.

40 Amasung nangbu waayenshangda pukhattuna nanggi phurit louningba mahaak aduda nanggi ennaphi adusu pithokkho.

41 Amasung kanaagumbana nangbu mile amaa chatnaba namlabadi, maaga mile ani chatminnou.

42 Nangonda nijaraba mahaak aduda pinou, amasung nangondagi pujaningba mahaak adudagi leithokkanu.

43 Nanggi keiroy leikaaibu nungshiyu amasung nanggi yeknababu tukkachou, haaykhiba asi nakhoyna taare.

44 Adubu eina nakhoyda haayri, nakhoyna swargada leiba nakhoygi napaagi machaashing oiraknanaba nakhoygi yeknabashingbu nungshiyu, amasung nakhoybu ot-neibashinggi damak haayjabiyu,

45 Maramdi ebungngo mahaakna phattaba amasung aphaba shinggi mathakta ebungngo mahaakki numit thokhalli, aduga dharma chenba amasung chendaba shinggi mathakta nong chuhalli.

46 Maramdi nakhoybu nungshiba-shingbu nakhoyna nungshirabadi, nakhoygi kari manaa leibage? Khaajana thoubaa-shingnasu adum touba nattra?

47 Amasung nakhoyna nakhoygi nachin nanaaoshingdata khurumlabadi ateishingdagi nakhoyna kari henna toubage? atoppa Jaatshingnasu adum touba nattra?

48 Maram asina nakhoygi swargagi napaana mapung phaabagumna nakhoysu mapung phaagadabani.