Exodus 34

Nungpak ani

                                                                (Anishuba waayel 10:1-5)

1 Eeshorna Mosesda haayrammi, "hannagi adugumba nungpak ani shemlo. Nahaakna thugaaykhiba ahaanba nungpakshingda Eina ebikhibadugumna haanna ebigani.

2 Haayribasi ayukta shemshaaba loigadabani. shemba loiraba matungda Sinai chingda laak-u. Nahaak nashaamak chingdonda laakkadabani.

3 Nahaakna kanaagumba mi amatta loinaroidoubani. Kanaagumba mi amaa phaaoba haayriba chingsida kaba yaade. San amadi yaao phaaoba haayriba chingsigi mamaangda shajik pijaba yaaroi."

4 Asumna Mosesna haannagi adugumna nungpak ani shemle. Mahaakna ayuk nganna chatkhiduna Sinai chingda thunglammi. Eeshorna maangonda pibikhiba yaathang matung ennaa makhutta nungpak ani paidung chatlammi.

5 Eeshorna leichinlakta khongdoy hunbiraktuna mahaakki manaakta leplammi. Ei Eeshorni haayba khonjen amaa laaklammi.

6 Eeshorna Mosesgi maangda changladuna haayrak-e, "thoujaan heiraba, pukchel taplaba, mapaan naaidana chetna channa nungshibiba ngamba, amadi lengdaba matik mayaai utpiba ngamba Eeshordu Eini.

7 Taaibang lishing kayabu chetna channa nungshibiba ngamba, ayon araan amadi aran ahui, aduga paapnachingba ngaakpiba ngamba ebungngoni. Adubu mapaa oibashingna toukhiba ayon araanshingdu shengdoknaba machaa amadi masu hantak miron ahum nattraba mari phaaoba marandu kaobidaba ebungngoni."

8 Mosesna leimaayda shaangna tuthajaraduna ebungngobu khurumjarm-i.

9 Mosesna haayjarak-e, "he Eeshor, ebungngogi mityengda nanaai Thoujaan phangjaraba mi amaa oirabadi, nanaaina punemjari, Eeshorna nanaai eikhoygi erakta lengdana leibiyu. Eikhoy ngak kanba mishing oidunasu nanaai eikhoyna langjakhiba erashingdu ngaakpiyu aduga ebungngogi oinaa nanaai eikhoybu loushinbiyu.

Areppa waashak Amukka haanna lounaba

(Khong 23:14-19, anishuba waayel 7:-,16:7-17)

10 Eeshorna taakpirak-e, "Eina areppa waashak amaa paammi, nahaakki mishingsigi mamaangda eina maalemsida thokkhidriba aduga Jaatshinggi mathakta amukta ukhdriba thoudok kayaa touge ningli. Makhoyga thengnaruba mishingna Eeshorna toukhiba angakpa thabakshingdu ubaa phanggani. Maramdi Eina nakhoygi damak toubigadouriba thabaksi thoidokna angapa thabak amani.

11 Ngasi Eina nangonda piriba yaathangshingsi en-gadabani. Adu oirabadi nahaakki namaangda Canaanshing, Amorishing, Hittishingh, Perizzishing, Hivishing, amadi Jebusishingbu taanthokkani.

12 Nahaak yaamna chekshingadoubani maramdi nahaakna chatkadouriba maphamduda leiramba mishingduga mahaakka areppa waashak amaa leinakhiba yaai. Karigumba areppa waashak leinakhiba thoklabadi maduna thoidokna khonglouba amaa thokkani.

13 Nakhoyna maru oinaa paangthokkadabadi makhoygi leiramliba phaankhongsjingdu thugaaygadabani. Makhoygi urongshingdu ningkhaayhan-gadabani. Makhoyna ningliba Asherahdu kakthatkadabani.

14 (maramdi nakhoyna atoppa laai ningba yaade. Kallakchaaoba haaynasu khangnari Eeshordi ashengbamak kallakchaaoba Eeshorni.)

15 Nakhoyna chatkadouriba lamduda leiba mishingga nakhoyga areppa waashak leinakhrabadi makhoygi laaishingdu nakhoyna ningba matamda akaaiba kayaa thorakkani. Makhoygi laaishingda makhoyna thou katpa matamda makhoyna nakhoybu shoydana kougani. Asumna tourabadi nakhoygi thougi potshingdu nakhoyna chaaba yaai.

16 Nakhoygi nachaashinggi namoudu thiba matamda makhoygi machaanupashing louruba yaai nachaashingduna makhoygi tung enkhiduna lamchat phattaba thabak kayaa tourakkani. Makhoygi laaishingdugi tungbu ellurabadi lamchat mangba haaybasidi shoidrabani.

17 Nakhoyna ningnnabagidamak dhatuna laai murti saroidoubani.

18 Haamei haptaba tal khangbadu nakhoyna matam leibaakhibikta ngaakna chatkadabani. Eina nangonda yaathang toukhiagumna Aviv kouba thaada numit taretni mayaai kadaba tal chagadabani. Nakhoy haayriba thaasida Egypttagi thorakpani haaybasi khangnanabani.

19 Shaa-san amadi yaaogi oirabasu ehaan haanna pokpadu Eigini.

20 Lolana pokpaa ahaanba machaa labadu yaaogiga onnagadabani. Karigumba nakhoyna masigi mahut piba ngamdrabadi mangak thudekkadabani. Nakhoyna pokpaa nachaa-nupaa ahanshingdusu mamal piduna handokkadabani. Eigi emangda nakhut haangna laakpa yaaroi.

21 Numit tarukni nakhoy thabak shugadabani. Taretni shubaa numittudi potthaaba numitni. Loutaba matam amadi lourokpa matam animakta haayriba numitsida pothagadabani

22 Chayon chayon-gi oinaa khanggadouba usobtu ngaakna chatkadabani. Gehu lokpa matamda amadi chahigi aroiba matamda. Mahei marong peisinbagi oinaa khangadouba usobshingdu ngaakna chatkadabani.

23 Chahi amagi manungda nakhoygi mi nupaa oibashingna Israelgi Eeshorgi maangda ahumlak khurumjanaba changjagadabani.

24 Maramdi maasi tourabad Eina Jaatshingbu taanthoktuna nakhoygi lamgi ngamkhei pakthok-han-gani. Nakhoygi Eeshor khurumjanaba chahi amada ahumlak chatpa matamda kanaagumba amattana nakhoygi leibaaksi khudum chalhalloi.

25 Haamei talga loynanaa nakhoyna eigi ephamda katpa shaagi eedudaga tinshinnaroidoubani." Araan-chaakkhaangbagi thouda katpa potshingdusu ayuk youna thamba yaade.

26 Nakhoygi asumandagi thokpa ahaanba mahei marongshingdu nakhoygi Eeshorgi ningnashangda purakkadabani. Mamaagi makhomda haaptuna haameng amadi yaaonachingba phutpa yaaroi."

27 Eeshorna Mosesda makha taana haayrak-e, "haayriba waashinggsi isillu. Maramdi waashingsigi mapaandagi Israelgi mishingga eigaa waareppa amaa leinarabani."

28 Moses maphamduda Eeshorga loynaraduna numit niphuni leirammi. Mahaak chaak eeshing marik amaa phaaoba shoklamde. Areppa waashakki waaheishingdu mahaakna nungpakta esinllammi yaathang taradusu nungpaktuta isillammi.

Chingdondagi Moses kumlakpa

29 Mosesna Sinai chingdondagi matik mayaai leiraba nungpak anidu pairaduna kumthraakpa matamada Eeshorga waa ngaangnabadu matam kuimanbadagi mamaida mangaan amaa phaaorammi, maasi mahaak mashaanadi khanglamde.

30 Aron amadi Israelgi mishingna Mosesgi matamduda mamaida mangaan amaa phaoribadu urammi. Maramsina mahaakki manaak nakna changdouba kinarammi.

31 Adubu Mosesna makhoybu kourammi maramsina aron amadi miyaamgi luchingbashingduna mahaakki manaakta laaklammi. Mahaakna makhoyga waa ngangnakhi.

32 Mameitha ngda Israelgi mishingdu mahaakki manaakta laaklammi. Matangduda mahaakna Sinai chingdonda Eeshorna maangonda haaykhiba waashing amadi yaathangdu makhoyda taahallammi.

33 Mosesna makhoyda waashingsi haayba loirabada mamaida phina kupsillammi.

34 Mosesna Eeshorgi makada waa ngaangnaba changkhibadagina thoraktriba matamdu phaaoba phidu khumlamde. Mahaakna thoraktuna Israelgi mishingda waashingdu haayba loirabada phidu amuk kupsinkhi.

35 Israelgi mishingna Mosesgi Mamaida mangaan amaa phaore haayba khangkhi. Eeshorna waa ngaangnaba, chattriba matamdu phaaoba mamaida phi kupsinduna leirammi.