1 Samuel 18
1 Saulga Davidka waari shaaba hek loirakpa matamduda Saulgi machaanupa Jonathangi mathawaayduna Davidpu yaamna nungshirammi. Mahaakki nungshibadu asini haayningngai leiramde.
2 Saulna mahaakpu numittudagi konungda pukhi aduga mahaakpu mapaagi mayumda halhankhide.
3 Jonathan amadi Davidki marakta waashaknarammi. Jonathanna Davidpu mathawaaygumna nungshirammi.
4 Jonathanna shetliba maphidu louthoklaga Davidta khudon oinaa pikhi. Mahaakna pairamba thaangshaang, lirung amadi khwaangjetnachingba pumnamak Davidta pikhi.
5 Saulna thaaba mapham khudingda Davidna maay paaklammi. Maramsina Saulna mahaakpu laanmishinggi makok oihankhi. Miyaam amadi Saulgi makhaada thabak touriba pumnamakna maasi yaarammi.
Shaulna Davidpu kallakpa
6 Davidna Goliathpu haatlaga hallakpa matamda Israelgi saahar kayaadagi nupishingna haraao eshei shakladuna jaagoi sara shaaraduna ningthou Saulbu okpa thorakpa matamda pung, pena, amadi atei khongnnaba khutlaishing pairaduna ngaaiduna leirammi.
7 Nungaairaduna nupishingna asumna eshei shaakkhi: "Shaulna lishing lishing hatli, adubu Davidna lishing tarana khujing oiduna yeknababu hatli."
8 Ningthou Saulna makhoygi esheidu taabada yaamna shaaorammi amasung haayrak-e, Davidna lishing taraa aduga eibuna lishing amakhakta thajari aduga masina takpadi mameithangdadi mahaakna eina paalliba leibaaksisu loukhiba taay."
9 Saulna numittudagi houna Davidki mathakta nungaaitaba mityengna yengba houkhi.
10 Mathanggi numitta Eeshordagi laakpa aphaba thawaay amanaa Saulbu laakshinba houraklammi. Mahaakna konungda leiringei matamda loushing yaaodaba mi amagumna leirammi. Numittuda David pena khongduna leirammi. Penasi mahaakna numit khuding khonglammi.
11 Numitsida Saul ta amaa paayduna leirammi amasung madu Davidna langsinkhi. Mahaakna khankhi, "Davidpu phaklangda yeisin-ge." adubu David Sauldagi anirak naanthokkhi.
12 Saulna Davidpu yaamna kirammi. Saulda leiramba Eeshorgi thawaayduna Davidka loynarammi.
13 Maramsina Saulna Davidpu manaakta leihankhide. Adubu lishinggi makok oinaa khanduna thamkhi. Miyaamgi makok oikhi.
14 Eeshorna Davidka loinabiba maramna Davidna touruba khuding mahei yaankhi.
15 Davidna manggol oikhibasina Saul yaamna kirammi.
16 Israelgi mishing amadi Judahgi mishingna mahaakpu nungshirammi maramdi mahaakna touba khudingda mahei yallammi.
Davidna Saulgi machaanupiga luhongba
17 Saulna Davidta haayrammi, “eigi echaa nupi Merab nahaakki nupi oinaa pirabani. Eigidamak amadi Eeshorgi michat yengduna laanpham khuding nahaakna thengnagadabani." (Asumna tourabadi Saulna khallammi Davidpu Philistishingna haatkhigani aduga mahaakki makhutmakna hatloi.
18 Davidna haayrammi, "ningthougi mamaknupa oigadouriba eisi kanaano aduga eigi emungna karino?"
19 Adubu Saulgi machaanupi Merab Davidka luhonggadouba matam naksillaklaba matamda Meholath kouba maphamdagi laakpa Adrielgi nupi oinaa thaajakhi.
20 Ningthou Saulgi machaanupi Michalna Davidpu nungshirammi. Saulna maasi taabada yaamna haraaorammi.
21 Saulna khallammi, "Michalbu Davidta pirage aduga mahaakpu eigi lang oinaa thamlage. Adu oirabadi mahaakpu Philistishingna haatkani." maramsina Saulna Davidta Amukka haayrammi, “nahaak houjikti eigi emak-nupa oiragadabani."
22 Saulna mahaakki manaaishingda yaathang tourammi, "lonna Davidta haayyu madudi ningthouna mahaakpu yaamna pelle aduga ningthougi manaaishingnasu mahaakpu yaamna nungshi haayna tammu."
23 Saulgi manaaishingna haayriba waasi Davidta tamlammi. maduda Davidna haayrak-e, "laairaba chudatnaba mingchat leitba eigumbana ningthougi mamaknupa amaa oigadoubasi karisu leitba araiba thabak amani haayna ningbra?"
24 Saulda manaaishingna Davidna haayba waashingdu tamlammi.
25 Saulna manaaishingduda Davidta asumna tamnaba thaarammi madudi ningthouna machaa ebemma luhongbasida khudon pot oinaa paamba haaybabu Philisti 100 Khaktanggi maun khoktuna purakpa adudani. Maasi ningthougi yeknabashinggi mathakta laman khumba oinabani' (Shaulna Davidpu haatna-naba toukhiba thouraangni)
26 Saulgi manaishingna haayriba waasi Davidta haayruba matamda ningthougi mamak nupaa oigani haaybasi khallubada thoidokpa chingnaba leitana yaarammi. Luhongnabagi numit lepnadringeida
27 David khongshaankhi. Mahaakna mi kharaga loynaraga Philisti 200 Haatkhi. Davidna makhoygi makokshingdu kaklaga ningthougi maphamda mashing amatta waattana pikhi. Maasi ningthougi machaanupi lounanaba waashak ngaakpa oinaa toukhiba thabakni. Maramsidagi ningthou Saulna machaanupi Michal Davidta pikhi.
28 Eeshorna Davidka loinabiri haaybasi Saulna khanglammi aduga Israelgi mishingnasu mahaakpu nungshibirammi. Mahaakki machaanupi Michalsu Davidpu yaamna nungshikhi.
29 Saulna Davidki yeknaba oiduna leikhi.
30 Matamduda Philistishingna laanthengnnaba shem shaadunata leirammi adubu laanpham khudingda phamnaaibashingdagi Davidna thengnaba laanphamna ehen henna maipa klammi.