Revelation 6
Chumshing haangdokpa
1 Amasung yaao machaa aduna seal taret adugi amaa haangdokpa matamda eina ure, aduga mathawaay paanba mari adugi amanaa nongkhongbagi makhongumna, laak-u, haayba eina taare.
2 Aduga eina ure, amasung yeng-u, shagol angouba amaa, aduga madugi mathakta tongliba mahaak aduna lirung pairammi; maangonda luhup pibikhre, aduga mahaakna ngamla ngamla duna, ngamsu nganmanaba thokkhre.
3 Amasung Ebungngona anishuba seal adu haangdokpa matamda, anishuba mathawaay paanba aduna, laak-u haayba eina taare.
4 Aduga atei shagol amaa thokkhre, madudi angaangbani; amasung madugi mathakta tongliba maangonda prithibidagi engthaba louthoknaba amasung mishing amanaa amabu haatnaba pibire, aduga achouba kabaak-thaang amaa maangonda pibire.
5 Amasung Ebungngona ahumshuba seal adu haangdokpa matamda, ahumshuba mathawaay paanba aduna, laak-u, haayba eina taare. Aduga eina ure, amasung yeng-u, amuba shagol amaa, aduga madugi mathakta tongliba mahaak adugi makhutta khal amaa leirammi.
6 Amasung mathawaay paanba mari adugi maraktagi khonjen amanaa haayba eina tare, asumna haay gehu kilo amanaa nongmagi khutsumal oigani, aduga phou kilo ahum-gisu nongmagi khutsumal oigani; amasung thaoga angur mahigabudi nahaakna shokkanu, haayba eina taare.
7 Amasung Ebungngona marishuba seal adu haangdokpa matamda, marisushuba mathawaay paanba aduna, laak-u, haayba eina taare.
8 Amasung eina ure, aduga yeng-u, shagol awaoba amaa, amasung madugi mathakta tongliba mahaak adugi maming shiba kou-e; aduga khamnug leibaakna maagi matung ellammi. Amasung Prithibigi sharuk marigi sharuk amagi mathakta matik, haaybadi, kabaak-thaangna, tanggambana, shibana amasung pritthibigi lamlakta leiba shaashingna haatna-naba, makhoyda pibire.
9 Amasung Ebungngona mangaashuba seal adu haangdokpa matamda, Eeshorgi waagi damak amasung makhoyna pikhiba saakhi adugi damak haatkhiba makhoy adugi thawaay shing adu laatnapunggi makhaada eina ure;
10 Aduga makhoyna awaangba khonjenna laaoduna haay, he ashengba amasung achumba mapu, prithibida paallibashinggi mathakta Ebungngona waayenbiduna, kayaa kuina eikhoygi eegi laman khumbiroidabage?
11 Amasung makhoy amam-mamda achonba phingou pibire, aduga makhoygumna hatkadouriba, makhoyga minaai oiminnabashingsu makhoygi machin manaaoshingsu mashing sudriba phaaoba,makhoyna houjik matam kharagi damak potharamkhisanu, haayna makhoyda haaybire.
12 Amasung Ebungngona tarukshuba seal adu haangdokpa matamda eina ure, amasung achouba yuharaba thokle, numitna shaa matugi phigumna murakle, amasung thaa pumbana eegumna oirakle; 13 Aduga akanba nungshitna lenghanba heiyit paambina asangba heiyit kenhanbagum, atiyagi thawaan-michakshingna prithibida taare.
14 Amasung atiyabu laairik makol konshinbagumna louthokkhre, aduga ching khudingbusu, ethat khudingbasu maagi maagi maphamdagi honghankhre.
15 Amasung Prithibigi ningthoushingna, angamba shingna, lanjinglen-shingna, enaak khunba shingna, akanbaashingna, minaai khudingna amasung maningtamba mi khudingna makhoy masha mashana chingnunghutta aduga chinggi nungjaao manungda lotle;
16 Aduga makhoyna ching chingda amasung nungjaao nungjaaoda haay, eikhoygi ethakta taaduna phambaal adugi mathakta phamliba ebungngo mahaakki maangdagi, amasung yaao machaa adugi ashaaoba adudagi eikhoybu lotpiyu;
17 Maramdi makhoygi ashaaobagi achouba numit adu laakle, aduga kanaana leppa ngambage?