Luke 12
Jesusna seboksingbu mitna singhanbiba amasung thougatpiba
( Matthew 10.28-33; 12.32; 10.19,20 )
12 Matam aduda miyamgi ayamba lishing lishingna amana amagi manakta netpa makhei tillarabada, Ibungona ihan hanbada seboksingda haiba hourak-i,
pharisisinggi hamei, haibadi aphasajaningba adu, nakhoina sajen tou, 2 Touigumsung phongdokloidaba pumkup kupsinba karisu leite, aduga khangloidaba arotpa karisu leite. 3 Maram aduna nakhoina amambada haikhi haikhiba adu anganbada tagani; amasung achikpa ka kada nakhoina nakongda ngangnakhiba adu yumthak yumthakta laothokkani.
4 Aduga eigi marup oiba nakhoida eina hairibani, hakchangbu hatlaga, adugi matungda karisu touba ngamdaba makhoibu kiganu. 5 Adubu nakhoina kanabu kigadage eina nakhoida takpige: hatpagi matungda norokta langsinnaba matik leiba Ibungo mahakpu kiyu; hoi, eina nakhoida hairibani, Ibungo mahak asibu kiyu.
6 Peisa anigi damak sendang manga yondra? Amasung makhoi amatabu Ishorgi mityengda kaoba leite. 7 Touigumsung nakokki nasam pumnamak adu phaoba mashing thirabani.
8 Kiganu, nakhoida ayamba sendangdagi mamal helli. Amasung eina nakhoida hairibani, mishinggi mamangda eibu yaba khudingmakpu migi macha nipa adunasu Ishorgi dutsinggi mamangda mahakpu yabigani. 9 Adubu mishinggi mamangda eibu yadaba mahak adubu Ishorgi dutsinggi mamangda yabiroi. 10 Amasung migi macha nipa adugi mathakta wa ngangba mi khudingbu kokpigani; Touigumsung thawai asengbagi mathakta thina ngangba mahak adubu kokpiroi.
11 Aduga makhoina nakhoibu loishanggi kanglupsing, luchingbasing amasung angambasinggi mamangda purabada, nakhoina kari karamna khumgadage nattraga kari haigadage langtaknaganu. 12 Maramdi thawai asengbana pung adumaktada nakhoina kari haigadaba adu nakhoibu tambigani.
Karambagi wa amasung apangba inakkhunbagi pandam
13 Amahiksung miyamgi maraktagi mi amana Ibungoda hai, Guru, phangpham thokpa adu eiga yennanaba iyambabu haibiyu.
14 Touigumsung Ibungona mangonda hai, he mioiba, nakhoigi nathakta wayel mapu nattraga yennaba mapu kanana eibu happage?
15 Aduga Ibungona makhoida hai, cheksillu, amasung karamba pumnamaktagi nakhoi nasa sennajou. Maramdi mioibagi hingba adu mahakki leijaba pot ayamba aduda leiba natte.
16 Maduda Ibungona makhoida pandam ama hairak-i,
kanagumba inakkhunba mi amagi lamda yamna chathok leire; 17 Amasung mahakna mapukningda khallammi, eina kari tousige? Maramdi eigi mahei marong peisinnaba mapham leite.
18 Amasung mahakna hai, eina asi touge: eigi kei makhei sidoklaga, henna chaoba sagatke; aduga maduda eigi maru amasung ipot ichei pumnamak peisinge. 19 Amasung eina ithawaida haige, he thawai, chahi kuinagi damak nahakki aphaba pot ayamba peisille; potthajaro, charo, thaklo, nungaijaro.
20 Touigumsung Ishorna mangonda hai, he apangba, ahing asida nanggi thawai nangondagi louragani; maduda nangna langkhatkhraba pot makhei adu kanagi oigadage?
21 Ishorgiromda inakkhundaduna, mathantagi damak lal peisinba mahak adu asigumbani.
Langtaknadananaba mitna singhanba
( Matthew 6.25-34 )
22 Amahiksung Ibungona seboksingda hai,
maram asina eina nakhoida hairibani, hingnabagi damak nakhoina kari chagani, aduga nakhoigi hakchanggidamak kari setkani haina langtaknaganu. 23 Maramdi chinjaktagi thawaina, amasung phijettagi hakchangna helli. 24 Kwaksingbu wakhal tou: makhoina hunsu hunde, khaosu khaode, makhoigi kotsu keisu leite, aduga Ishorna makhoibu pijabi, ucehksingdagi nakhoidi kayam henna maru oidra. 25 Aduga nakhoi kanana langtaknaduna magi mapunsi aduda khudup ama hengathanba ngambage? 26 Aduna khwaidagi henna pikpa adu phaoba nakhoina touba ngamdrabadi, atei ateigidamak karigi langtaknabano?
27 Tharosingna karamna houbage wakhal tou, makhoina nomsu nomde, langsu naide: adubu eina nakhoida hairibani, Solomonmaknasu magi matik mangal pumnamakta makhoi asigi maraktagi amagumna phijet leitengkhide. 28 Touigumsung ngasi leiriba, hayengdi leirangda thajingadaba loubukki napi adubu Ishorna asup ningthijana thonbirabadi, he thajaphattabasa, Ibungona nakhoibu thoidok hendokna phi tholloidra?
29 Aduga nakhoina kari chagani amasung kari thakkani thiganu, aduga pukning chingnaganu. 30 Maramdi taibang pangi jatsingna pot pumnamak asi thi; adubu potsing asi nakhoida kannei haiba napana khangbi. 31 Adum oinamakpu Ibungo mahakki leibak thiyu, amasung potsing asi nakhoida hapchinbigani.
32 Apikpa yao shanggu, kiganu, maramdi nakhoida leibak adu pibiba nakhoigi napana penjaribani. 33 Nakhoigi areiba adu yonthoktuna pinou; manba naidaba sengao nakhoigidamak semmu; haibadi, huranbana naksindaba, tinkangnasu manghandaba, sarga aduda leiba lal loiba naidabani. 34 Maramdi nakhoigi lal leiba mapham aduda nakhoigi pukningsu leigani.
Mitseng khangbagi kannaba, amasung thajaba dewangi pandam
( Matthew 24.45-51 )
35 Nakhoigi khwang laksinduna, thaomei thanduna leiyu; 36 Amasung luhongbagi chakkhangbadagi makhoigi mabungona hallakpa matamda thong yeirabada, makhoina mahakki damak thuna thong hangdoknanaba ngaiba mishingumba nakhoi oiyu. 37 Mabungona lenglakpada minasing mitseng khangduna leiramba phangba adu yaiphabani. Eina nakhoida thangei sengna hairibani, mabungo aduna khwangjet laksinduna, makhoibu chanaba phamthahallaga, lenglaktuna makhoibu thougan toubigani. 38 Aduga mabungona anisuba yuthak amasung ahumsuba yuthak tabada lenglaktuna makhoibu asum phanglagadi, makhoi adu yaiphabani. 39 Touigumsung asi khangu, yumbunakari yuthakta huranbana lakkani haiba khanglamlabadi, mahakna mitseng khangduna magi yum adu sagun touhallamloidabani. 40 Nakhoinasu thourang touduna leiyu, maramdi nakhoina ningdaba pungphamda migi macha nipa aduna lenglakkani.
41 Amahiksung Peterna hai, Prabhu, Ibungona pandam asi eikhoida nattraga pumnamaktasu haibiribra?
42 Maduda prabhuna hai,
adunadi achaba matamda makhoida channaba saruk pinanaba magi mabungona imunggi mathakta pannahangadaba thajaba yaba asingba dewan adu kanano? 43 Magi mabungona lenglakpada adugumna phangba minai adu yaiphabani. 44 Chumna eina nakhoida hairibani, mahakna mahakki leijaba pumnamakki mathakta mabu pannahanbigani.
45 Touigumsung eigi Ibungona lenglakpa thilli haina minai aduna mapukningda hairaga, minai nipasing amasung minai nupisingbu yeiba, aduga chaba, thakpa amasung yu ngaoba hourabadi, 46 Minai aduna ningdaba numit amasung khangdaba pung aduda mabungo aduna lenglakkani, mabu matup ani thokna kakthatlagani, amasung thajaba yadabasingga loinana magi saruk phanghangani.
47 Amasung mabungogi ningba adu khanglaga, thourang langdaba amasung mabungogi pamba matung inna toudaba minai adubu cheipham yamna naihanna phugani. 48 Touigumsung mabungogi ningba adu khangdaduna, phuba matik chaba thabak touba minai adubu cheipham kharata naihanna phugani. Amasung yamna pikhiba mi khudingdagi yamna louge haigani; aduga mishingna yamna sinnabikhiba mi adudagi makhoina henna nigani.
Matamgi khudam
( Matthew 10.34-36 )
49 Eina prithibida mei hunthanaba lakle; mei houjik hourabadi, eina pamba karino? 50 Eina baptist lounanaba baptist matou ama lei; amasung masi thungdriba phaoba eibu kaya insilliba! 51 Prithibida ingthaba piba eina lakpani haina nakhoina khanbra? Eina nakhoida hairi, natte, hennadum khaidoknanabani. 52 Maramdi houjiktagi houna yum amada mi manga leiba adu aniga ahum, ahumga ani khaidoknagani. 53 Makhoina mapaga macha nipaga, macha nipaga mapaga, mamaga macha nupiga, macha nupiga mamaga, manembokka mamouga manembokka khaidoknagani.
54 Amahiksung Ibungona miyamsingdasu hai,
nakhoina nongchuptagi leichin karakpa ubada, nakhoina hek hai, nong chugani; aduga asumna thok-i. 55 Amasung khagi nungsit sitlakpada nakhoina hai, meichak kanna saba oiragani; aduga madu thok-i. 56 Nakhoi aphasajaningbasa, prithibi amasung atiyagi matou adu nakhoina khangi, Touigumsung matam asi nakhoina khangba ngamde haiba karigino? 57 Aduga nangga wathoknaribaga loinana mapugi mangda chatlingeida, lambida mangondagi kokpiba phangnaba hotnaro; nattraga mahakna nangbu wayel mapu tanna chinglaktuna wayel mapu aduna nangbu phamnaiba machada sinnaraga, phamnaiba macha aduna nangbu keisumshangda thamjingani. 59 Eina nangonda hairibani, nangna singgadaba aroiba peisa adu singdriba makhei, mapham adudagi khak thoklakpa yaroi.