Deuteronomy

ANISUBA WAYELLON

Deuteronomy 

WAAHOUDOK

Anisuba waayellon haayna kounariba Laairiksida piriba thoidok hendokpa machang oiriba waaphamdi Israelgi misingna lamjaao lamhaangda matam kuina chatlaklaba matungda makhoyda pibigani haayna leplaba Canaan kouba leibaaktu changlamdaaida Moabki lamda panduna matam khara leiringeida Moses-na miyaamda pikhiba paaoutaaklonsing eduna takpasini.

Laairiksida esinduna thamlamba maru oiba hiram singdi asini: (1) Moses-na mamaangchatta chahi niphugi manungda thok-khiba thoudok-sing nouhounana ningsinghanba matang, mahaakna misingda lamjaao lamhaangda Eesor-na makhoybu chingduna pubiraktuna ngasi makhoygi oiriba phibam takpiduna Eesor-bu thoidokna kina amadi lunaa touduna yaathang hiktoktanaba haaykhiba. (2) Athoiba yaathang taradu nouhounana ningsinghanduna ahaanba athoiba yaathangdu mara chetsinna takpiduna Eesor-bu kaodanaba haayjaba amadi Canaanda changlaba matungda Israelgi misinggi punsida maru oinaa engadouriba pathapsing takpa. (3) Eesor amadi Israelgi misinggi marakta leinakhiba areppa waasakki artha taakpiba amadi areppa waasaktuda matam leibada leptuna leinanaba paaoutaak piba. (4) Joshuabu Eesor-gi misingsi chingbinaba makok oinaa khandokpa. Eesor-gi lengdaba magunbu thaaduna saklaba matungda Moses-na Israel jaatpu bor piramlaga Jordan turelgi nongpokta Moabki lamdamda Moses nonggaakhiba.

Samlapna Eesor-na mahaakki misingbu nungsibiduna kanbire maramsina misingnasu ebungngo-gi nungsibadu ningsinggadabani. Nungsibaga haayba enbaga thaadoknaba leitaana misinggi pukningda leihanduna lomba naaidaba punsi phangbaga loynanaa borsu phangna-naba paaoutaak piramba.

Laairiksibu khangna-naba maru oiraba waahei parengdi pandup 6:4-6 Sida pire. Jisuna miyaamda haaykhiba "napuroi Eesor-bu nathamoi, nathawaai amadi nathouna phudokna nungsiyu." haaybasini.

Hiram takpa

Mosesgi ahaanba paaoutaak 1:1-4:49

Mosesgi anisuba paaoutaak 5:1-26:19

k) Athoiba yaathang taraa 5:1-10:22

kh) Chatnaron, pathapsing amadi maangjounana khutsemwa 11:1-26:19

Cannanda changnnaba paaoutaaksing 27:1-28:68

Areppa waasak nouthok-hanba 29:1-30:20

Moses-na ngangkhiba aroiba waahei 31:1-33:29

Moses nonggaba 34:1-12