Genesis 21

Isaac Pokpa

21 Ishor-na haikhiba matung inna Sarahgi manakta amuk hallakkhi aduga Ishor-na wasakpikhiba matung inna Sarah mironkhi. 2 Asumna Sarahna mironduna Mapu Ibungona takpikhiba matamdu ikai kaidana ahan matam oiraklabasu Abrahamgi machanupa ama pokkhi. 3 Sarahna pokkhiba machanupadubu Abrahamna Isaac haina mingthonkhi. 4 Mapu Ibungona takpikhiba matung inna machanupa Isaacpu numit nipalni subada maton-gi un kakkhi. 5 Machanupa Isaac pokpa matamda Abraham masagi chahi chamma mapung pharammi, 6 Matamduda Sarahna hairammi, "Mapu Ibungona eibu nungngaihanbire aduga thawai tana nokhanbire. Waphamsi taba mi khudingna eiga loinana haraominnagani. 7 Sarahna makha tana asumna haijarammi, "Sarahna angang poklaga khom pithakanni haibasi Abrahamda kanana haikhibage? Adubu mahakna ahan matam oiraklabada mahakkidamak eina machanupa ama pokpire."

Hagar amadi Ishmaelbu chathankhiba

8 Angangdu nongma nongmagi chaoraktuna khom khainarammi. Isaac ngasidagi khom khainare haiba numittuda Abrahamna achouba chakkhangba ama pangthoklammi. 9 Egypt ningol Hagarna pokkhiba machanupaduna Isaacka sannabadu Sarahna urammi. 10 Maramsina mahakna Abrahamda hairammi, "minainupisi machanupasiga loinana tanthokkho. Maramdi minainupisigi macha nupasiga eigi icha Isaacka nahakki naran nathumsingsi saruk yennagadabagi maram leite, matiksu leite." 11 Machanupadugi khallubada Abraham yamna nungngairamde. 12 Adubu Mapu Ibungona Abrahamda hairammi, "nupa machadugi amadi minai nupidugi khallubada thoidokna nungngaitaba touganu. Sarahna tou haiba makheidu nahak tou maramdi nahakki charon suronsi Isaacki matung inna ming thongadouribani. 13 Minai nupigi machadagisu Eina Jat ama thok-han-gani. Thoidokpa maramdi mahaksu nahakki dharani." 14 Asumna Abrahamna ayuk nganna hougatladuna tal sembire aduga saunda ishing haplaga Hagargi marengbanda yansinbiraduna angangduga loinana thakhi. Mahakna Arahamga kainaraba matungda Beershebagi lamjao oina leiriba lamhangduda koina chatkhi.

15 Saunda haplakpa ishingdu loikhraba matungda angangdu mongsong amagi marumda hiphallami. 16 Masigi matungda lirungda tenjei pallaga kappada sanna chatpamuk lapna handoklaga angangdu tungoinana thamlaga hairak-i, "angangsina sibadu eigi imitsina yengningde." Mahakna mamai onthokktuna pamduna leiringeida angangduna khonjel wangna kappa houraklammi. 17 Angangduna kappadu Mapu Ibungona tarammi, maramsina koirou nongmadondagi Mapu Ibungogi dutsing laklaga Hagarda hairammi, "nahakki kari nungngaitaba leibage, Hagar? Kiganu, nupamachasina leiriba maphamsidagi thorakpa khonjeldu Mapu Ibunggona ngamnamak tabire. 18 Hougatlo, angandubu pamkhatlo aduga nathanungda chetna konsinjou. Maramdi mahakki mapanna Eina achouba jati ama thok-han-gani." 19 Matamdumaktada Mapu Ibunggona mahakki mamit panghanbiduna ishing leiba guha ama uhanbirammi. Mahakna maphamduda chattuna saunduda ishing haptuna machanupaduda ishing pithaklammi. 20 Mapu Ibungona angangdubu chetna sennabirammi, aduga angangdu hom hom chaorakkhi. Mahak lamjao lamhangda leirammi amasung ten kappa yamna heirammi, 21 Mahakna leikhiba lamjaodugi maming Paran kourammi. Mahakki mamana mahakki nupi ama Egypttagi thibirammi.

Abraham amadi Abimelek wasaknaba

22 Abimelek amadi lanmi makok oiriba Phicolna Abrahamda hairammi, "nahakna touba thabak khudingda Mapu Ibungona kubiri. 23 Maramsina houjikmak Mapu Ibungogi ming panduna eigi iphamda nattraga eigi dharada nattraga tungda lakkadouba eigi charon suronda nahakna keidoungeidasu nattaba chatloi haina wasaku. Eina nahakki naphamda phajana toukhiba asigumna nahakna eingonda tougani aduga nahakna Saidangduna leiriba lamsidasu aranba toupharoi." 14 Masi tabada Abrahamna hairammi, "ei Wasakkani."

25 Abimelekki manaisingna namduna munbikhiba guha amagi matangda Abrahamna Abimelekta wakatpa matamda, 26 Abimelekna hairammi, "hairibadu kananna toukhibano haibadu eidi khangdri. Nahaknasu waphamsi eingonda haikhidri. Adugisu mathakta waphamsi eina ngasi phaoba tadri." 27 Adubu Abrahamna yao amadi sannachingba puduna Abimelekta pirammi, aduga makhoi ani areppa warepnaba ama thamkhi. 28 Yao shanggudagi Abrahamna yao amom taret khandoklammi. 29 Masi ubada Abimelekna Abrahamda hairammi, "yengu, nahakna khaidokliba yao amom taretsigi maramdu karino? 30 Abrahamna khumlammi, "eina guhasi toukhibani haibasi nahakna sakhi oigadouribani. Maramsina nahakna eigi ikhuttagi yao amom taretsi lougadabani." 31 Maramsidagi maphamdubu Beersheba koukhi. Maramdi maphamduda makhoi ani wasaknakhi. 32 Matou asumna makhoina Beershebada warepnaba ama thamkhi. Masigi matungda Abimelek amadi lanmigi makok Phicol hougattuna Philistisinggi lamdu tanna chatkhi. 33 Abrahamna Beershebada uchan pambi ama thakhi. Aduga lengba naidraba Lainingthou Mapu Ibungogi minglen sonjakhi. 34 Phillistisinggi lamdamda Abrahamna matam yamna sangna Saidangduna leikhi.