Acts 20
Paulna Macedonia, Greece amasung Troasda chatpa
1 Amasung ninnaba adu toklaba matungda, Paulna sebokshingbu kouduna thoujaanbiraga, khaaynaduna Macedoniada chatnanaba thokkhre.
2 Aduga mahaakna lamshing adomda chatlakpada, makhoybu yaamna thoujaanbiraga, Greecetanna laakle.
3 Amasung mahaakna maduda thaa ahum lellamlaga, Syria taanna hi tongduna chatke touringeida Jewish-shingna mahaakpu yeknaduna sarou shinnaba thoklabada, mahaakna Macedonialomda han-ge ningle.
4 Aduga Bereadagi Pyrrhusgi machaanupa Sopater Thessalonicashingdagi Aristarchus amasung Secundus, Derbegi Gaius, amasung Timothy, aduga Asiadagi tukhika amasung Trophimus, makhoysi mahaakka loynarammi.
5 Adubu makhoy asina mang thaakhiduna, Troasda eikhoybu ngaairammi.
6 Aduga haamei jaodaba tan chaakkhaangba numit matungda eikhoyna Philippidagi hi tonglaaktuna, numit mangaanida Troasda makhoygi manaakta thunglare; maduda eikhoy numit taretni phaaire.
Eutychus
7 Amasung chayon-gi ahaanba numitta eikhoyna tal thugaaynanaba tinnarabada, Paulna hayeng shaandokke ninglabada makhoybu tambi takpiduna mahaakki waa ngaangba adu ahing nongyaai yourammi.
8 Aduga eikhoyna tinnaba mathak thangba ka aduda thaaoumei yaamna thallammi.
9 Amasung Eutychus kouba kanaagumba paakhang amaa mihutthongda phamlammi; mahaak tumningbana karma namtharammi. Aduga Paulna tambi taakpiba kuitha-khibana mahaak tumthaakhiduna ahumshuba mathangdagi taare, amasung sina loukhatle.
10 Maduda Paulna kumthaduna maangonda nontharaga, konduna haay, nakhoy ninganu; maramdi maangonda mathawaay leiri.
11 Aduga mahaakna kakhatlaga, tal thugaayduna charaga, makhoyga khara kuina, nonganba phaaoba ngangnaraga, asumna chatthokle.
12 Amasung makhoyna nupaa machaa adu hingna pukhre, aduga makhoygi haraao nungaaiba adu khajikta natkhidre.
Paulna Miletusda chatpa
13 Touegumsung eikhoyna hi taanna haanna chattuna, Assos phaaoba hi tongle; maduda Paulbu tonghange ningbani, maramdi mahaak mashaana khongna chatke haayna asumna yaathang pirammi.
14 Aduga mahaakna eikhoybu Assosda oknarabada, eikhoyna mahaakpu tonghanduna, Mityleneda laakle.
15 Adudagi hollaaktuna, eikhoyna matung nongma aduda Khiyagi mamaangda thungle; aduga nini shubada Samo shoklamlaga, matung numit aduda Miletusda laakle.
16 Maramdi Paulna Asiada matam lendananaba, Ephesian laanthoknaba hi asum honthanaba pukning leple; maramdi ngamlabdi, mahaakna Pentekost numitta Jerusalemda leinanaba hathu hathu chatlammi.
Miletusda Paulna maagi khaaynawaa Ephesiangi ahallaman shingda haayba
17 Amasung Miletusdagi Ephesianda mi thaakhiduna, shinglupki ahallaman shingbu maangonda kouhallakle.
18 Aduga makhoyna maangonda laaklabada, mahaakna makhoyda haay:
Eina Asiada Khongdarakpa ahaanba numittagi matam pumnamak nakhoyga loynanaa karamna leijaramba nakhoy nashaana khangbi,
19 Haaybadi, eina pukning yaamna nemjaba, pi taba, amasung Jewish-shinggi sarou shinnaba maramna eingonda chaang yengba thoklabaga loynanaa Eeshorgi thougan toujaduna;
20 Eeshorlomda pukning hongba amasung eikhoygi ebungngo Jesus Christaromda thaajaba Jewish-shingdasu Greekshingdasu saakhi piduna,
21 Karigumba kannagadaba waa nakhoyda phongdokpadagi amasung miyaam mamaangdasu, yum yum khudingdasu nakhoybu tambibadagi karamna eina hanthadaba nakhoyna khangbi.
22 Aduga houjikti, yengbiyu, thawaayna punduna ei Jerusalem taanna chatli; mapham aduda eingonda kari thokkadabano ei khangde.
23 Asitadi khangjei, apunba amasung awaa-anaangbana eibu ngaaiduna lei haayna thawaay ashengbana saahar khudingda eingonda saakhi pi.
24 Touegumsung eigi eethou amasung Eeshorgi thoujaalgi aphaba waapaaogi saakhi pinanaba, ebungngo Jesusdagi phangjaba thougan adu eina loijananaba, eigi thawaay eingonda aruba oinaa ningyaade.
25 Aduga houjikti, yengbiyu, nakhoygi narakta eina Eeshorgi leibaak koisan shaandoktuna chatlammi, adubu nakhoy pumnamakna eigi eeraal amuk haanna uraroi haayba ei eshaana khangjei.
26 Maram aduna mi pumnamakki eegi maramda eigi eeraal leite haayba ngasidi eina nakhoyda saakhi toujari.
27 Maramdi Eeshorgi ningba pumnamak nakhoyda phongdokpadagi eina hanthaajade.
28 Ebungngomakki eena leibikhraba Eeshorgi shingluppu yokthaklaba, nakhoy nashenda amasung shanggu pumnamak aduda pukning thingjillu; thawaay ashengbana nakhoybu shanggu adugi luchingbashing oihanbire.
29 Eina chatthokkhraba matungda shanggubu khakpidaba, tamthiraba keisaalshingna nakhoygi narakta changgani haayba eina khang-e,
30 Amasung nakhoy nashenmakki maraktagi makhoygi tung ennaba sebokshingbu chingthoknanaba seraannaba waa ngaangba nupaashing thorakkani.
31 Maram adugi damak chahi ahum phaaoba eina ahing nungthil pi tana mi khudingbu waarakpa tokchade haayba ningshingbiduna nakhoyna mitsheng khangbiyu.
32 Aduga houjik eina nakhoybu Eeshorda amasung ebungngo mahaakki thoujaalgi waada shinnajari; waa asina nakhoybu shemgatpiba amasung shengdok-pikhraba makhoy pumnamak adugi marakta phangpham thokpa adu nakhoyda pibiba ngammi.
33 Eina mi kanaa amatagi silver, sanaa, nattraga phirol karamba touyaade.
34 Ekhut ani asina eigi amasung eigaa loynabashinggi kannagadaba adugi damak thougan toujare haayna nakhoy nashaana khang-e.
35 Mrama pumnamakta eina nakhoyda hounabi machat utpire, haaybadi, adugum nomduna nakhoyna asonbashingbu pang-biba amasung ebungngo Jesusgi waa adu ningshingba taare, maramdi ebungngo makna haaykhi, phangbabudi pibana henna yaaiphabani.
36 Asi haayraga, mahaakna khuru khudak kulladuna makhoy pumnamakka loynanaa haayjare.
37 Aduga makhoy pumnamak yaamna kaple amasung Paulgi ngaksam konduna mahaakpu chuplakle;
38 Mahaakki maaythong amuk haanna makhoyna uraroi haayna mahaakna haaykhiba waa adugi damak thoidokna makhoyna waarammi. Adudagi makhoyna mahaakpu hi taanna thindoklakle.