Micah 6
Israelgi mishinggi paap amadi leikha taba
1 Eeshorna haayribasi houjikti taro, hougatlo. chingshaangsida nakhoygi waaphamdu tamjarucho, chingdumshingna madu tajaasanu,
2 Eeshorna pukhatlakliba waaphamsi taro chingshaangsa, maalembu kolliba khangnaaiba yumbishing nakhoysu taro. Maramdi Eeshorna maagi mishinggi mayokta waapham amaa thaagatlakli. Masigi matangda Israelga marei yetnagadouri.
3 Eigi Misa, nakhoyda eina kari tousige? Eingonda haayyu eina nakhoybu karamna waahanbage? nakhoy waaphamsigi paaoukhum pigadabani.
4 Eina nakhoybu Egypttagi purakle, eina nakhoy minaai oinaa leiramba maphamdudagi kanbire eina nakhoybu chingbinaba Moses, aron, amadi Miriambu thabikhre.
5 Eigi misa, ningshing-u, Moabki ningthou Balakna nakhoygi mayokta lanthong shinkhibadu. Beorgi machaanupa Balamna maabu lanba pakhiba. Eeshorna joy oire khangnanaba Sittimdagi Gilgal youbagi khongchattu ningshingu.
Eeshorna pangba
6 Eeshorgi makada changjaba matamda eihaak kari puduna changgani? waang chaaoraba mapugi maangda eihaak karamna nonjasige? maagi mamaangda meida thanaba pujagi potlam puduna changjasira? nattraga sannaao machaa chahi amaa shuraba puduna katsira?
7 Yaao machaa lishing amaa nattraga thaao oinaa turenda lishing taraa katpada Eeshorna lougadra? eina paap toukhibagidamak eina eigi echaa-nupaa ahan katsira? eigi echaa eigi paapkidamak katsira?
8 Eeshorna aphaba karino haaybadu nakhoyda haaykhre, adu oirabadi Eeshorna nakhoygi naphamdagi paamliba pottu karino? madudi asini achumba touba, thoujaan heiba nakhoygi Eeshorgi maangda nollukna chatchaba asini.
9 Eeshorna saaharshingbu kouri, Eeshorgi yawaadu taro maramdi mahaakki minglenbu kijabashingdu thabakta maay paakkani.
10 Judahgi Jaatshing amadi tilliba miyaam pumnamak tabiyu phattaba mishinggi yumda namthaak touduna olliba khandu eina karamna kaaothokkani. Namthaakki khandu sapna thanbani. Nattra?
11 Namthaakki phala amadi namthaakki pot haapnaba khao puriba midubu thaadoksira?
12 Nakhoygi enaak khunba mishingdi yaamna tamthi, nakhoygi mi ayaamba ninamba ngaang-e, matam leiba khibikta makhoyna oidaba waa ngaanggadagi shem shaaduna lei.
13 Maramsina nakhoybu manghannabagi thabak eina ngamnamak houkhrabani. Nakhoygi paapki maheidi mang takpani.
14 Nakhoyna chaakchaa-heijagani, adubu penba koubadi nairaroi, nakhoygi thamoida khouraangba leigani, nahaakna lotkani adubu kanjabadi ngamloi. Nangna kanjahouba kharadusu eina thanggi mayada chathalgani.
15 Nakhoyna marudi hunba yaai adubu maheidi lokloi. Nakhoyna Chorphon-dagi thaao sungani adubu thaoduna nakhoygi nashaa noihanbadi ngamloi. Nakhoyna angur paambidagi mahi sungani adubu madu thakpadi phangloi.
16 Maramdi Omrigi yaathang pumnamak nakhoyna ngakkhi, Ahabki emung manungna touramba pumnamak nakhoyna touri. Makhoygi paaoutaak matung ennaa nakhoyna thabak touwi. Maramsina eina nakhoybu mapung phaana maanghallagani, Jaatshingna nakhoygi nathakta kakhatkani, makhoyna ekaaiba phangbadu nakhoyna pugani.